Po'unde-unde 45:13 - Wunta Mempori

¹³ Ana beine i Tirusi aiwa saru luwuno pompowee; mia kaea i olodo palili ta mete'umalao aroamu.

Po'unde-unde 45:13 ပူးပေါင်းရင်းမြစ်များ

1 Mokole 5:15

I Salomo hinao mbo'u pitu pulu nsowu mia puu mpotandeno sangka, ka halo pulu nsowu mia puu mpompole watu i mentorukuno.

Penani Maramba 7:1

Tedoa momoiko pelempamu saru sandala atuu, ana beine anu moleo gauno! Lengkuno tongamu kana peramba-ramba, wineweuno kaeno mia pande moweweu anu alusu.

Yesaya 61:10

Mawongko aku ndi Ondae i Ue, sumangaku kokora-kora mawongko ndi Ondae Ue Alaku, hangano Dopokonaakune sangka tekaduduia ka sumoumbuakune lemba meloe menteea, kana umbungkoroi tama anu mompokona ramba-ramba ulu ka kana umbungkoroi beine anu mompake ramba-rambano.

I MATIU 5:16

Ka ikanandiomo mewinemiu mewanta i arodo mia, ka domengkitao wineweumiu anu moiko ka dompelangkai Ira Amamiu anu i suruga.”

I LUKASI 11:40

Hei mia mebenge-benge, komba Ondaeke anu mokogagio bungkuno, Ondae koa mbo'u anu mokogagio larono?

ROMA 13:14

Sine impokogagi Iramo Ue Yesu Kerisituu gagi pepatinda parewa mpetea mewine ka si mpekariao koroimiu ka impotendeo po'eheno.

ROMA 2:29

Sine to Yahudi ntu'u onaemo onae anu nahi tengkita to Yahudino ka petindi onaemo petindi i laro aroa, montonda pompe'ala-ala, komba montonda binuri. Ka unde-undeno komba hawe inso a mia, tendeano inso ndi Ondae Ue Ala.

ROMA 3:22

onaemo mentee-Do Ue Ala hangano pompe'ala-ala ndi Ondae i Yesu Kerisituu tiado luwuno mia anu mpompe'ala-ala. Hangano nahina teposisinggeno.

2 KORINTI 5:17

Gaagi isema anu kongko ndi Ondae i Kerisituu, onae pinokogagi wo'ohu: anu tehine telaloomo, menteeano anu wo'ohu haweomo.

1 PETURU 2:9

Sine omiumo tongku anu tebiniki, imama anu moleo, tongku anu mempori, bawaa-Do Ue Ala, ka imempaleleo luwuno wineweu anu langkai inso ndi Ondae, anu moboi komiumo mpeluarako inso a wongi-wongia a mewine-Do anu kinohali-haliako:

MENGKAAA 3:18

onaemo ka Kupatuduko, ka upo'oli inso ndi Ongkue wulaa anu pinokomorinaomo a laro api, ka ugagi kaea, ka sangka mopute mbo'u, ka upokonao, ka si tengkita kolambe-lambemu anu mompokoko'ii; ka lana mbo'u lanaino matamu, ka upokompongkita.

1 Samueli 16:7

Sine pau-Do i Ue ndi Semueli, ”Si kitao rupano ke koroino anu ondau, hangano nami Kubeheo. Komba kana pongkitado mia, hangano mia mongkita hapa anu i arono matano, sine Ondae i Ue mongkita aroano.”