Po'unde-unde 44:2 - Wunta Mempori

² Oo Ue Ala, saru birimami isa'a kimerongeomo, domentutuluomo uempu'umami ndi omami wineweu anu Iweweuomo i tempodo, i tempo se'eluno.

Po'unde-unde 44:2 ပူးပေါင်းရင်းမြစ်များ

2 Samueli 23:12

onae mentade i tongano lere atuu. Ikorahakono ka inangi ira to Pelisiti. Kanatuumo Dopoweeako ira i Ue ponangia anu langkai.

2 Samueli 7:10

Aku mompakosi asa po'iangado bawaa-Ku Isaraeli ka Kunaa ira, ranta ka domerodo mpiha a mpo'iangado ondaedo ka nami dontelelu. Luwuno mia lambaha nami ira bobarasai ira kana i ndi'ipua,

Po'unde-unde 105:44

Doweeako ira luwuno witado mperupa-rupa tongku, onaemo ka dompe'ueo hasilino pe'iseido luwuno suku tongku,

Po'unde-unde 78:55

tempono Dosaari ira tongku inso i arodo, tumia-tiaako ira wita pusaka mompake koloro posongka, ka tumena ira suku Isaraeli mpo'iangario luwuno kemado atuu.

Peluarakoa 10:2

ka omue tumutuluako ira ana uemu, kana'umpe kupemae-maeako ira to Masiri ka petondoni hapa anu kinohali-haliako Kupopokitaako ira ndi ondae, nde ka imento'orio koa, nine Ongkuemo Ue.”

Peluarakoa 15:17

Iwawa ira ka Ipekaria ira a wawo ntorukuno-Miu; a mpo'ianga anu gagi po'iangaa-Miu, o Ue; a mpo'ianga mempori, anu winanguno kae-Miu, o Ue.

Peluarakoa 15:19

Mansano ngarano i Pirao saru karetano ka miano anu mpesawi a ngara mentondu a ntahi, onaemo ka Doweweuo i Ue uwoi ntahi mepokule kuma'uwi ira, sine to Isaraeli mpelempa a motu'iano a ntonga ntahi.

Peluarakoa 23:28

Aku mompotola mbo'u hoani anu masii mese'elungi komiu, ka dosaari ira to Hewi, to Kana'a ka to Heti atuu inso i aromiu.

Peluarakoa 34:11

Sine omue, pe'inimo a anu Kutenaakomu oleo andio. Kitao, Aku sumaari ira inso i aromiu, to Amori, to Kana'a, to Heti, to Perisi, to Hewi ka to Yebusi.

Yesaya 51:9

Pekaangakomo, pekaangakomo! Pokonaomo roso, hei kae-Do i Ue! Pekaangakomo kana i tempo se'eluno ntu'u, ia tempo inule anu ndi'ipua ntu'u! Komba Omiuke anu purokio i Rahabi, anu montobo naga ranta mate?

Yeremia 32:23

Ka do'amba mpewinsokio ka mpetorokio, sine nahi domperorongeakono pau-Miu ka nahi domentuwu montonda Songka-Miu. Luwuno anu Iparentaako ira ka domeweweuo, nahi domeweweuo. Onaemo pu'uno ka Ipotiiako ira luwuno masolaa andio.

Podoaa 13:32

Dompohaweako ira mbo'u to Isaraeli lele mosa'o mongkona wita anu domempadasoo, dompotae, ”Wita anu kimelaloomo mempadasoo, onaemo asa wita anu mongkaa palilino. Luwuno mia anu kinita mami i ra'ai onaemo luwuno mia anu me'o'ondau tinadedo.

Winali 32:7

Impewowoloomo tempo se'eluno, impekokoongakono luwuno ta'u asa ntuwua anu laloomo. Pesikenomo ndi amamu, onae ta pauo, a luwuno mia memota'umiu, ondae anu mempatotoo.

Winali 4:38

Ira sumaario inso i aromiu luwuno tongku anu lalu langkai ka moroso sekono omiu ka Dowawa komiu mpewinso a witado ka meweengakono ndi omiu gagi pusakamiu, kana anu gagi kanandio-andio.

Winali 7:1

Ondae i Ue, Ue Alamiu, Ira wawa komiu a wita, ba isua impewinso kai mpetorokio, ka Ira sumaario inso i aromiu hadio tongku: to Heti, to Girigasi, to Amori, to Kana'a, to Peresi, to Hewi, ka to Yebusi, opitu tongku anu lalu hadio ka moroso irapo sekono omiu.

Yosua 10:11

Kontongaado mpolai ia arodo to Isaraeli, mansado mehawe i korimbino Beta-Horoni, Ondae i Ue wuwunooako ira watu anu melolangkai inso i langi hawe i Aseka, ranta ka domemate. Anu mate hangano usa watu atuu lalu hadioopo sekono anu pinepatedo to Isaraeli mompake ponai.

Yosua 10:42

Luwuno mokole ka witado inangi ira luwu i Yosua. Nde anu metea tiado to Isaraeli onaemo Ondae i Ue, Ue Alado to Isaraeli.

Yosua 11:23

Kanandiomo irontu ira luwu i Yosua wita atuu, kana pau-Do i Ue ndi Musa. Ka i Yosua meweengakono wita atuu ia nto Isaraeli gagi pusakado, montonda petiaado tongkudo. Rodoomo wita atuu, mpenaa-naa iramo mpetea.

Yosua 21:43

Gagi luwuno wita atuu Doweeako ira i Ue ia nto Isaraeli, onaemo wita anu dinandi montonda sumpa-Do anu ira mewineeako ue mpu'udo. Ka dompo'ia mpiha i ra'ai.

Yosua 24:12

Kupotolaomo hoani anu mosia mese'elungi komiu ka hoani atuu lumulu ira inso i aromiu, saru orua ira mokoledo to Amori atuu. Gaagi komba hangano ponai, ka mata mpanamiu.

Yosua 3:10

Motae mbo'u i Yosua, ”I ndi'aimo komiumo mento'orio, motae Ue Ala anu tuwu, ndio i olomiu, ka Ira sumaari ira to Kana'a, to Heti, to Hewi, to Perisi, to Gerigasi, to Amori ka to Yebusi inso i aromiu.

Puu Mpobitara 6:13

Sumangki i Gideo ndi Ondae, ”Tabeamiu, Ue, ba Ondae i Ue kumongkomi kami, tembio ka luwuakoano andio umalu kami? Isua ke luwuakoano wineweu-Do anu kinohali-haliako mami, kana dotutuluakami ue mpu'u mami ndi omami, dompotae: Nde komba Ondae i Ue ke anu kumongkomi kita meluarako te'inso i wita Masiri? Sine kanandio Ondae i Ue Dobinta kami ka Dopeweengako kami ia ngkaedo to Midia.”