Po'unde-unde 43:4 - Wunta Mempori

⁴ Ka aku lumako a meda pontunua pesomba ndi Ondae Ue Ala, me'aro ndi Ondae Ue Ala, anu onaemo po'undeku ka mawongkoku, ka umunde-undea-Komiu katapi, oo Ue Ala, oo Ue Alaku!

Po'unde-unde 43:4 ပူးပေါင်းရင်းမြစ်များ

2 Samueli 6:5

I Daudi ka luwudo to Isaraeli mpelense-lense i aro-Do i Ue tinondaako luwuno parewa mpenani inso a ngkeu sanoba, ka katapi, gambusu, rabana, nggiri-nggiri ka simbali.

Po'unde-unde 26:6

Kuwo'ohio kaeku tondonino nahina salaku, ka ku'amba melempa lumimbuo meda-Miu pontunua pesomba, oo Ue,

Po'unde-unde 33:2

Pontarimakasimo ndi Ondae i Ue mompake katapi, penanimo unde-undeako Ira gambusu hopulu koloro!

Po'unde-unde 42:6

Tembio ka upompemapari, hei sumangaku, ka salalaro a laro ngkoroiku? Pomperorohimo ndi Ondae Ue Ala! Hangano aku umunde-unde Ira mbo'u, anu tumulungi aku ka Ue Alaku!

Po'unde-unde 57:8

Aroaku tetinda, oo Ue Ala, aroaku tetinda; aku menani, aku mo'unde-unde.

Po'unde-unde 57:9

Pewangumo, hei sumangaku, pewangumo, hei gambusu ka katapi, aku wanguo towea!

Po'unde-unde 63:2

Oo Ue Ala, Omiumo Ue Alaku, mo'o-mo'oru ku'ungke Komiu, sumangaku mokoranga ndi Omiu, koroiku mokendo kumekewoi Komiu, kana wita anu motu'i ka mokoranga, nahi me'uwoi.

Po'unde-unde 81:2

Kokora-koramo mawongkoako Ira Ue Ala, rosoto, kokora-koramo mawongkoako Ira Ue Alano i Yako.

Yesaya 61:10

Mawongko aku ndi Ondae i Ue, sumangaku kokora-kora mawongko ndi Ondae Ue Alaku, hangano Dopokonaakune sangka tekaduduia ka sumoumbuakune lemba meloe menteea, kana umbungkoroi tama anu mompokona ramba-ramba ulu ka kana umbungkoroi beine anu mompake ramba-rambano.

Sakaria 13:9

Aku numaao anu asa ntia otolu atuu a laro api ka mokomempori ira kana mompokomempori salaka. Aku umara-arahako ira, kana mo'ara-arahako wulaa. Ira mpoboio nee-Ku, ka Aku sumangki ira. Aku mepau: Ondaemo bawaa-Ku, ka ira mesangki: Ondae i Ue Ondaemo Ue Alaku!”

ROMA 5:11

Ka komba butu onae! Tendeano kita memawongko ndi Ondae Ue Ala hangano Ondae i Yesu Kerisituu, Ueto, hangano Ondae ka tompotarimamo pesintuwua atuu.

MENGKAAA 5:8

Tempono Do'alao paluluno wunta atuu, mpenggolontu iramo opaa anu tuwu ka ruapulu ka opaa mia mempinemota'u i aro-Do Ana Bimba atuu, singge mia mo'ini aasa katapi ka aasa tonde wulaa, bukeako dupa: onaemo atuu pekakaido mia mempori.