Po'unde-unde 43:3 - Wunta Mempori

³ I'oliwiomo mewine-Miu ka pokongkomi-Miu ka kutinaate ka winawa a ntorukuno-Miu anu mempori ka a mpo'ianga-Miu!

Po'unde-unde 43:3 ပူးပေါင်းရင်းမြစ်များ

2 Samueli 15:20

Da indiawi uhawe, kana'umpemo a oleo andio aku wawako melakopi meronga saru omami, kontongaano asalakono aku lumako nahi kuto'orio ba isua. Pekulemo ka wawa ira mbo'u luwuno pepaekompomu. Po'ineeomo Ondae i Ue mopokitao pompehohawa ka pokongkomi-Do ndi omue!”

2 Samueli 15:25

Ka i'amba motae iramo mokole ndi Sadoki, ”Wawaomo Burua Pedandia-Do Ue Ala pokuleo i kota. Tewala mohawe aku pompehohawa a pongkita-Do i Ue, Ira koa wawa aku mekule, ranta aku koa wali kumitao saru po'iangano mbo'u.

1 Tawarika 16:1

Burua-Do Ue Ala atuu winawa mewinso, ka i'amba ninaa i tonga-tongano kema anu pinasano i Daudi tiano atuu. Ka do'amba mpopesombaako pesomba tinunu ka pesomba tekaduduia i aro-Do Ue Ala.

1 Tawarika 16:39

Sine sando mpesomba Sadoki ka luwuno pepaekompono, luwuno sando mpesomba, ibinta ira i arono Kema Mempori-Do i Ue, a mpesombaa i Gibeoni,

1 Tawarika 21:29

Kema Mempori anu wineweuno i Musa i pada one, ka meda pontunua pesomba tinunu i tempo atuu, kongko a mpesombaa i Gibeoni,

Po'unde-unde 119:105

Pau-Miu atuu huluno karuku ka mewineno pesalaaku.

Po'unde-unde 143:10

Ipaguru akumo weweuo po'ehe-Miu, hangano Omiumo Ue Alaku! Po'ineeomo Penaa-Miu anu moiko atuu tumaate aku a wita anu merete!

Po'unde-unde 2:6

”Ongkuemo anu motoroo mokole-Ku i Sioni, torukuno-Ku anu mempori!”

Po'unde-unde 3:4

Sine Omiu, Ue, onaemo kanta anu kumadudui aku, Omiumo marambaku ka anu tumandeo uluku.

Po'unde-unde 36:9

Dompokomowohiakono taba koroido a raha-Miu; Omiu moweeako ira mpo'inu inso a ngkorono sanaa-Miu.

Po'unde-unde 40:11

Moleoa komba kuwunio i laro aroaku, pokongkomi-Miu ka pongkadudui-Miu kupopauo, pompehohawa-Miu ka mentee-Miu komba kupo'iaakono a bawaa anu langkai.

Po'unde-unde 42:4

Uwoi mataku gagi kaangaku meene ka wongi, hangano i larono asa oleo mia mpotae ndi ongkue, ”Isua Ira Ue Alamu?”

Po'unde-unde 46:4

maupo mowo langkai ka mewure uwoino, maupo luwuno torukuno leelu hangano pebundeno. Sela

Po'unde-unde 57:3

Mebooli aku ndi Ondae Ue Ala, Anu Tedoa Mantande, ndi Ondae Ue Ala anu Ira mombaloakune.

Po'unde-unde 57:4

Ira montena anu montulungi inso i suruga ka kumadudui aku, tumaroio mia anu lumulu aku. Sela Ondae Ue Ala Ira tumenao pompehohawa ka mentee-Do.

Po'unde-unde 78:68

sine Dobinikio suku Yehuda, Torukuno Sioni anu pinehohawa-Do;

Po'unde-unde 84:1

Tiano petewawado anu mpenani. Montonda nanino Gititi. Penani po'unde-undeno inuleno i Kora.

Po'unde-unde 97:11

Mewine mesabakoomo tiano mia mentee, ka mawongkoa tiano mia anu bobotoli aroano.

Mika 7:20

Po'ineeomo Ipopokitao petenunu-Miu ndi Yako ka pompehohawa-Miu ndi Burahima kana anu Idandiomo saru mesumpa ndi ondae uempu'umami mompu'u i ndi'ipua!

Mika 7:8

Si po'undeakune, hei iwaliku! Maupo kutebangku, aku koa mewangu mbo'u, maupo kupentoro a laro wongi-wongi, Ondae i Ue onaemo wantaku.

I YOHANE 1:17

hangano songka Taura inso ndi Musa, sine pe'aroa ka menteea hawe inso ndi Ondae i Yesu Kerisituu.

I YOHANE 1:4

I laro-Do hinao tuwua ka tuwua atuu onaemo mewineno mia.