Po'unde-unde 41:1 - Wunta Mempori

¹ Tiano petewawado anu mpenani. Penani po'unde-undeno i Daudi.

Po'unde-unde 41:1 ပူးပေါင်းရင်းမြစ်များ

Po'unde-unde 112:9

Saru pe'aroano onae montia-tia a mia mongkokolaro; poweweuno anu moiko nahi bali ranta nahina tampulaano, tandu rosono pinoko'ondau a laro marambaa.

Po'unde-unde 34:19

Ondae i Ue atuu umpeda a luwuno mia anu tedoa masusa aroano, ka Dokadudui ira mia anu tetadi pomperorohino.

Po'unde-unde 37:19

ondae nahi domempinokoko'ii i tempono masolaa, ka ira memowohi a luwuno oleo mokoninggoa.

Po'unde-unde 37:26

sompo oleo onae mompehohawa ka mompesaboako, ka inuleno gagi ronso.

Powadi 14:21

Isema mompokokurama pe'asa miano moweweu hala, sine me'uraomo mia me'aroa a mia anu mongkokolaro.

Powadi 16:14

Bamburuno mokole onaemo mala'eka matea, sine mia pande mosongka mokompenaa-naao.

Powadi 19:17

Isema me'aroa a mia mongkokolaro, moweeako Ira i Ue owahia-Do anu ta sumuloo wineweu atuu.

Puu Pontutulu 12:1

Pewowolo Iramo Anu mokogagiko i tempono umongura, se'eluno napi hawe oleo anu urasa'o ka me'umpedaako ta'u anu pinaumu, ”Nahina pompesanaaku i larono”;

Yeremia 39:17

Sine, Aku motolako i tempo atuu, kanandiomo pau-Do i Ue. Omue nahi kopineweengako a ngkaedo mia anu dinoitoakomu,

I MARAKUSU 14:7

Hangano mia memongkokolaro mekongko ira mpiha ndi omiu, ka impokotulungi ira ba inehemiu, sine Ongkue nahi Aku meronga-rongaakomiu mpiha.

WINEWEUDO TINENA 20:35

A luwuakoano kupoweeakomiumo pandiri, nine ba topo'angga kanandio asalakono ka totulungi ira mia anu memolema ka asalakono topewowoloo pau-Do Ue Yesu, hangano Ondae isa'a motae: Me'uraopo mompowee sekonopo montarima.”

GALATIA 2:10

butu omami asalakono mpewowolo ira mpiha mia memongkokolaro ka lano onaemo atuu anu kuteahakono ntu'u weweuo.

1 TESALONIKA 5:14

Kimempatudu komiu mbo'u, pepaekompo, imengkuahako iramo anu mentuwu nahi te'atora, imentarero iramo anu motewe aroado, impokoroso ira anu memolema, imemauruako iramo luwuno mia.

IBARANI 6:10

Hangano Ondae Ue Ala komba nahi Domoleo, ranta Ira kumolupeo inanggamiu ka pompehohawamiu anu pinopokitamiu te'aro a nee-Do hangano pompekakaakomiu a luwuno mia mempori, anu da imeweweuo hawe kanandio-andio.

YAKOBU 2:13

Hangano pebitaraa anu nahina pompehohawa ta gagi a mia anu nahi pompehohawa. Sine ta monangi pompehohawa a mpebitaraa.

MENGKAAA 3:10

Hangano omue tumondao pau-Ku, ka upompedato sumikori Aku, ka Ongkue mbo'u Aku kumaduduiko inso a oleo po'ara-arahakoa anu ta hawe i asa wawontolino ka dome'inara-arahako anu mpo'ia i tolino.

Ruti 2:19

Ipotaeakono ponino, ”Isua upobini ka upo'angga oleo andio? Doronsoomo i Ue mia anu mepepenteeko atuu.” Itutuluakonomo ponino ndi sema ipo'angga, ipotae, ”Neeno mia po'anggaaku i'oleo andio onaemo i Boasi.”