Po'unde-unde 4:5 - Wunta Mempori

⁵ Po'ineeomo intekuda, sine si mpoweweu hala; impepaumo i laro aroamiu a mpoturiamiu, sine impenoro-noro koa mpiha. Sela

Po'unde-unde 4:5 ပူးပေါင်းရင်းမြစ်များ

2 Samueli 15:12

Tempono ta mompesombaako pesomba, i Abisalo umoluo i Ahitopeli, to Gilo, puu mpopatuduno i Daudi, aiwa inso i Gilo, kotano. Morosoomo tepo'asaa umewa atuu ka kohadi-hadiono palili tumondao i Abisalo.

Po'unde-unde 2:12

Woo-wooomo nana'ote! Ka si mansa Dotekuda ka imemate a nsala, hangano moruana ntu'u itensila tekuda-Do. Me'uraomo luwuno mia anu mepekadudui ndi Ondae!

Po'unde-unde 26:1

Inso ndi Daudi. Oo Ue, Ipokomengkaaomo nine ongkue mentee hangano tuwu akumo nahina tataano; Ndi Ondae i Ue kupompe'ala-ala nahi nanta-nanta.

Po'unde-unde 37:3

Pe'ala-ala Iramo i Ue ka weweuomo anu moiko, po'iamo i wita andio ka petenunumo.

Po'unde-unde 50:14

Pesombaakonomo pesomba po'ude-unde ndi ondae Ue Ala ka owahiomo tinangamu ndi ondae Anu Tedoa Mantande!

Po'unde-unde 51:19

Pesomba sinumbele ndi Ondae Ue Ala onaemo sumanga anu mopemasusa; aroa anu tedoa mopemasusa ka buke pe'o'ole nahi Komiu mokoburuakono, oo Ue Ala.

Po'unde-unde 62:8

Ndi Ondae Ue Ala po'iangano tekaduduiaku ka marambaku; torukuno watu rosoku, pepekaduduiaku ndi Ondae Ue Ala.

Po'unde-unde 77:7

Kurambeo pemaeno katapiku i tempono wongi, ka penaaku mepo'ungke,

Yesaya 50:10

Isema i olomiu anu dumoitoako Ira i Ue ka merorongeakono pauno tetenaa-Do? Tewala onae tuwu a laro wongi-wongi ka nahina wanta pansario, moikoomo ka ipompe'ala-ala a nee-Do i Ue ka momperorohi ndi Ondae Ue Alano!

Yesaya 61:8

Hangano Ongkue, Ue, kumekewoio songka, umo'aliaakono porontua ka molengkua. Aku moweeko tambomiu anu mentee, ka mowutu pedandia anu nahina tampulaano saru omiu.

Maleaki 1:8

Tewala mpowawa komiu asa kondehora anu morawu ta pinesombaako, kombake atuu mosa'o? Tewala mpowawa komiu kondehora anu tiimpa karu ka mahaki, kombake atuu mosa'o? Po'arahako wawao atuu a anu pabawa i witamiu, nde ta tumarima komiu, ke moiko itotowokomiu? pau-Do Ueno luwuakoano.

I MATIU 5:23

Onaemo pu'uno, tewala upesombaakono pesombamu a wawo meda pontunua pesomba ka upokorambeo nine hinao pepaekompomu anu monaa-naa aroa ndi omue,

Winali 33:19

Luwuno tongku ira mempinoboi a ntorukuno; i ra'aimo dompopesombaako pesomba anu mentee. Ondae ira mpo'oso hadio ntu'u ihino tahi ka arataa anu tetano a laro one.”

1 PETURU 4:19

Onaemo pu'uno moiko mbo'u ondae anu asalakono ntebobarasai hangano po'ehe-Do Ue Ala, mpeweengakono sumangado, saru wela mpoweweu moiko, ndi Ondae anu Mompokogagi nahi Dobali.