Po'unde-unde 37:22 - Wunta Mempori

²² Menteeano, mia anu rinonso-Do i Ue ta me'ueo wita andio, sine luwuno mia anu tinotonaa-Do ira mempinokotampula.

Po'unde-unde 37:22 ပူးပေါင်းရင်းမြစ်များ

Ayubi 5:3

Ongkue isa'a hori mongkita mia benge-benge mehaka, sine tetutu kutotonaao po'iangano.

Po'unde-unde 115:15

Po'ineeomo ka Doronso komiu i Ue, anu mokogagio langi ka tolino.

Po'unde-unde 119:21

Omiu wuraraio mia mompelangka-langkai, mia tetotonaa anu pansia inso a luwuno parenta-Miu.

Po'unde-unde 128:1

Penani mekoho. Me'uraomo sompo mia anu doitoako Ira i Ue, anu tuwu tumondao luwuno pesalaa-Do!

Po'unde-unde 25:13

Mia atuu ta mo'ia mpiha a laro me'uraa ka ana'ueno ira mpe'ueo wita.

Po'unde-unde 32:1

Inso ndi Daudi. Penani pompaguru. Me'uraomo mia anu inampuni polimpa'ino, anu halano tinutuwi!

Po'unde-unde 37:11

Sine mia anu me'urumako ta me'ueo wita andio ka mo'unde hangano manangaia anu hadio ntu'u.

Po'unde-unde 37:18

Ondae i Ue merioo tuwuno mia moleo, ka tia pusakado ta kongko mpiha nahina tampulaano;

Po'unde-unde 37:28

hangano Ondae i Ue kumekewoio songka, ka nahi Dobintao mia anu pinehohawa-Do. Mia moweweu mosa'o ta pinepate ranta nahina tampulaano, ka inuleno mia mosa'o gauno ta pinokotampula.

Po'unde-unde 37:9

Hangano mia anu moweweu mosa'o ta pinokotampula, sine mia anu sumisikori Ira i Ue ta me'ueo wita andio.

Powadi 3:33

Pontotonaa-Do i Ue kongko a rahano mia mosa'o gauno, sine po'iangano mia mentee Doronsoo.

Yesaya 57:13

tewala mebooliko, po'ineeomo dompotolako lahumoamu anu hadio! Luwudo ta puurio angi, ta paneeo pepuurino penaa. Sine, mia anu mepekadudui ndi Ongkue ta mompe'ue wita ka ta me'ueo torukuno-Ku anu mempori.

I MATIU 25:41

Ka Ira motae mbo'u ndi ondae anu i manggali-Do: Impolaimo inso i aru-Ku, hei omiu mia anu tetotonaa, impolaimo a laro api anu nahina tampulaano anu tepatindaomo tiano i Mosa'o ka luwuno mala'ekano.

1 KORINTI 16:22

Isema nahi kekewoi Ira i Ue, tetotonaaomo. Maranata!

GALATIA 3:10

Hangano luwuno mia, anu mentuwu inso a mpo'anggano songka Taura, mo'ia i totono totonaa. Hangano hinao teburi, ”Tetotonaaomo mia anu nahi petenunu weweuo luwuakoano anu teburi a laro wunta songka Taura.”

GALATIA 3:13

Dotolosi kitamo i Kerisituu inso a ntotonaano songka Taura onaemo ka Dogagi tetotonaa hangano ontae, hangano hinao teburi, ”Tetotonaaomo mia anu ndinoe a ngkeu pinotamba!”

Winali 5:33

Luwuno sala anu Doparentaa komiu i Ue, Ue Alamiu, asalakono imentondao, ka imentuwu ka moiko tumuwumiu saru melai tinuwumiu i wita anu komiu mpetorokio.