Po'unde-unde 36:9 - Wunta Mempori

⁹ Dompokomowohiakono taba koroido a raha-Miu; Omiu moweeako ira mpo'inu inso a ngkorono sanaa-Miu.

Po'unde-unde 36:9 ပူးပေါင်းရင်းမြစ်များ

Ayubi 29:3

tempono hulu-Do mewanta a wawo uluku, ka i totono mewine-Do kupelempa a laro wongi-wongi.

Po'unde-unde 27:1

Inso ndi Daudi. Ondaemo i Ue wantaku ka tekaduduiaku, ndi semake asalakono aku doito? Ondaemo i Ue benteno tuwuku, ndi semake asalakono aku mondende?

Po'unde-unde 65:5

Me'uraomo mia anu biniki-Miu ka wawao umpeda ndi Omiu; onae ta mo'ia a kintala-Miu. Po'ineeomo kimegagi mowohiako luwuno anu moiko a raha-Miu, a raha-Miu anu mempori.

Powadi 4:18

Sine, pesalaano mia mentee atuu kana wantano towea, anu komewa-mewantano hawe kona ntu'u ntonga oleo.

Yesaya 12:3

Komiu memawongko mpontambu uwoi inso a mata uwoi tekaduduia.

Yesaya 2:5

Hei, suku inuleno i Yako, aiwa tompelempa a laro mewine-Do i Ue!

Yesaya 60:19

Ndi omue mata'oleo nami gagi mbo'u pompokomewine tempono meene ka wantano wula nami pompowee mbo'u mewine tempono wongi, sine Ondae i Ue Ira gagi pompokomewinemu anu nahi bali ka Ondae Ue Alamu Ira gagi marambamu.

Yeremia 2:13

Hangano bawaa-Ku mpoweweu orua rupa wineweu mosa'o: domebinta Aku, insoano uwoi tuwua, ka mpokeke ponaapado uwoi, ponaapa anu telompa, anu nahi pokomponaa uwoi.

Maleaki 4:2

Ndi omiu anu dumoitoakono nee-Ku ta mesabaakowanta menteea saru pompokotompa a mpanino. Komiu mpeluarako ka mpelonso-lonso kana anano sapi toola inso a walano.

I YOHANE 4:10

Sumangki Ira i Yesu, ”Tewala uto'orio mongkona pompowee-Do Ue Ala ka isemake Ondae anu mepauakomu: Powee Aku ka Kupo'inu! Asalakono mo'emakomo ndi Ondae ka Dopoweekomo uwoi tuwu.”

I YOHANE 4:14

sine ba isema mo'inu uwoi anu Aku weeakono, onae nahi ta mokoranga ranta nahina tampulaano. Posuleno uwoi anu Aku weeakono, ta gagi mata uwoi a ngkoroino, anu waa mpiha hawe a ntuwu nahina tampulaano.”

I YOHANE 8:12

Ka mepau Ira mbo'u i Yesu a mia hadio, Dopotae, ”Ongkuemo mewineno wawontolino; ba isema tumonda Aku, onae nahi ta melempa a laro wongi-wongiano, tendeano onae ta mohawe mewineno tuwua.”

2 KORINTI 4:6

Hangano Ondae Ue Ala anu mepau Iramo, ”Inso a laro wongi-wongi ta saaba mewine!”, Ondae koa mbo'u anu weweuo mewine-Do ka imewanta i laro aroato, ka tompohawe mewine inso a ponto'ori mongkona maramba-Do Ue Ala anu tengkita a rupa-Do i Kerisituu.

YAKOBU 1:17

Sompo pompowee anu moiko ka sompo pe'aroa anu soompo, inso i wawono, pinotii inso ndi Ondae Amano luwuno mewine; ndi Ondae nahina anu bali ke eo-eo hangano petobosia.

1 PETURU 2:9

Sine omiumo tongku anu tebiniki, imama anu moleo, tongku anu mempori, bawaa-Do Ue Ala, ka imempaleleo luwuno wineweu anu langkai inso ndi Ondae, anu moboi komiumo mpeluarako inso a wongi-wongia a mewine-Do anu kinohali-haliako:

1 YOHANE 1:7

Sine tewala mentuwu kita a laro mewine mengkena kana Ondae kongko a laro mewine, ka kita mpohawe tepo'asaa pada ontaeto, ka rea-Do i Yesu, Ana-Do atuu, mokomempori kita inso a luwuno hala.

MENGKAAA 21:23

Ka kota atuu nahi pongkere mata'oleo ka wula ta wantahio, hangano maramba-Do Ue Ala mokomewineo ka Ondae Ana Bimba atuu onaemo huluno.

MENGKAAA 21:6

Pau-Do mbo'u ndi ongkue, ”Luwuno gagiomo. Ongkuemo Alfa ka Omega, Anu Pompu'uano ka Anu Pokotompa. Mia anu mokoranga Aku moweeakono mo'inu mpena inso a mata uwoi tuwua.

MENGKAAA 22:17

Penaa ka umbu ngkoroi beine atuu motae, ”Aiwamo!” Ka ba isema anu rumongeo, ka ipotaemo, ”Aiwamo!” Ka ba isema anu mokoranga, ka i'aiwamo, ka ba isema anu behe, ka i'alaomo mpena uwoi tuwua!