Po'unde-unde 36:8 - Wunta Mempori

⁸ Tedoa masuli olino pompehohawa-Miu, oo Ue Ala! Luwuno anano mia mpepekadudui a laro pe'egoano pani-Miu.

Po'unde-unde 36:8 ပူးပေါင်းရင်းမြစ်များ

Ayubi 20:17

Onae nahi moiko ikita ira pesalaano uwoi ka luwuno korono anu mompowaa siu hoani ka susu baku.

Po'unde-unde 16:11

Omiu pauakune sala ntuwua; i aro-Miu hinao mawongkoa anu hadio ntu'u, a ngkae koana-Miu hinao mpiha momoikoa.

Po'unde-unde 17:15

Sine ongkue, a laro menteea aku kumitao rupa-Miu, ka i tempono kupewangu aku gagi teendeako rupa-Miu.

Po'unde-unde 17:8

Ipekaria akumo kana ihi mata-Miu, wuni akumo a laro pe'egoano pani-Miu

Po'unde-unde 31:20

Tedoa ntu'u hadio moiko-Miu anu Ipatindaakonomo mia anu doitoa-Komiu, anu Iweweuakonomo mia anu mepekadudui ndi Omiu, i arodo mia!

Po'unde-unde 46:4

maupo mowo langkai ka mewure uwoino, maupo luwuno torukuno leelu hangano pebundeno. Sela

Po'unde-unde 63:5

Kanatuumo aku umunde-unde Komiu asa ntinuwuku ka pauo nee-Miu saru kae tetande.

Po'unde-unde 65:4

hangano mensala. Luwuno halamami lumaloio rosomami, sine Omiumo anu pahihio.

Penani Maramba 5:1

Aiwa aku a lereku, uai, umbungkoroiku, kupumpuo mire ka rampa-rampaku, kukaano inenano hoani ka siu hoaniku, ku'inuo anggoroku ka susuku. Impongkaamo, wali-waliku, impo'inumo, impo'inumo ranta molanguako pompehohawa!

Yesaya 25:6

Ondae Ueno luwuakoano Ira mompatinda i torukuno andio tiado luwuno tongku, asa pelimbua saru ninahu anu mentaba, asa pelimbua saru uwoi anggoro motu'a, ninahu anu mentaba ka me'unto wukulaa, anggoro motu'a anu tinirisa upeno.

Yesaya 43:20

Kondehora mo'ila ira mpelangkai Aku, serigala ka manu-manu unta, hangano Ongkue weweuo uwoi mesumpiri i pada one ka hadio korono a mpada malua, mopo'inu ira bawaa bininiki-Ku;

Yesaya 48:21

Ondae nahi domemarasai mokoranga, tempono Dowawa ira lumaloo luwuno po'ianga anu londa. Ondae moluarakoako ira uwoi inso a ntorukuno watu; Dobansio torukuno watu, ka mombusi-mbusiomo uwoi.

Yesaya 58:11

Ondae i Ue Ira tumaateko mpiha ka mokosompoo kirenemu a wita anu morungku, ka mokowo'ohuo rosomu. Omue ta kana lere anu inuwoi moiko ka kana mata uwoi anu nahi hori mompatambo.

Sakaria 9:17

Mentee ntu'u, tedoa moiko ka tedoa ira ntekosi! Mangalitau ntetiangi hadio hangano gandu ka ana beine hangano anggoro.

I MATIU 5:6

Me'uraomo mia anu mokoninggo ka mokorangaako menteea, hangano ira mempinokoteende.

I YOHANE 7:37

Ka a oleo pokotompa, onaemo oleonomo ntu'u porame-ramea atuu, mentade Ira i Yesu ka Dopebooli, ”Ba isema mokoranga, ka i'aiwa ndi Ongkue ka ipo'inu!