Po'unde-unde 36:6 - Wunta Mempori

⁶ Oo Ue, pompehohawa-Miu i langi, pokongkomi-Miu hawe a nseru.

Po'unde-unde 36:6 ပူးပေါင်းရင်းမြစ်များ

Tegagia 18:25

Nahi kupompe'ala-ala Komiu moweweu kanandio, mompepate mia mentee saru mia mosa'o gaudo, ranta mia mentee pinongkena saru mia mosa'o gaudo! Anu kanatuu nahi Komiu weweuo! Kana'umpemo Puu Mpobitara asa wawontolino mohuku nahi moleo?”

Nehemia 9:6

”Butu Omiumo Ue! Ipokogagiomo langi, langi iwawono luwuno langi, saru luwuno sorodaduno, ka tolino saru luwuno anu kongko i wawono, ka tahi saru luwuno anu kongko i larono. Omiu anu motuwu ira luwuno atuu ka sorodaduno langi mesombai Komiu.

Ayubi 37:23

Anu Tedoa Pabawa, anu nahi topokonto'ori Ira, langkai pabawa ka moleo-Do; maupo mompoliako menteea nahi Dopompokonsii.

Ayubi 7:20

Tewala moweweu aku hala, hapake anu kuweweuomo ndi Omiu, Puu mpodagai mia? Tembio ka Ipokogagi aku tiiano kae-Miu, ranta ka kugagi tembiano koroiku?

Po'unde-unde 145:9

Ondae i Ue atuu moiko a luwuno mia, ka mehohawao luwuno anu pinokogagi-Do.

Po'unde-unde 147:9

Ondaemo anu moweeako ira kaanga pinotuwu, a anano manu-manu paa-paa anu mompiu-piu.

Po'unde-unde 31:20

Tedoa ntu'u hadio moiko-Miu anu Ipatindaakonomo mia anu doitoa-Komiu, anu Iweweuakonomo mia anu mepekadudui ndi Omiu, i arodo mia!

Po'unde-unde 71:19

ka moleo-Miu, anu humaweo langi anu mantande, oo Ue Ala. Iweweu iramo mongkona anu langkai, isemake kana Omiu, oo Ue Ala?

Po'unde-unde 77:19

Memuuno rundu-Miu mebanumbu, koliki wantahio tolino, tolino mondidi-ndidi ka leelu.

Po'unde-unde 92:5

Hangano Ipokomawongkoakunemo inangga-Miu, oo Ue, hangano wineweuno kae-Miu aku kokora-kora mo'unde.

Po'unde-unde 97:2

Seru ka wongi-wongi lumimbu Ira, moleoa ka songka onaemo empehino kadera poparentaa-Do.

Peluarakoa 9:28

Pekakaimo ndi Ondae i Ue! Sompoomo kupompemarasai hangano ruundu ka usa uwoi watu anu tedoa marombo andio. Akumo mo'ineekomiu ka imelako, siimo imempo'ia tehine mbo'u.”

Yesaya 40:28

Nahi uto'orioke, ka nahi urongeoke? Ondae i Ue atuu Ue Ala nahina tampulaa-Do anu mokogagio tolino inso i tompano hawe i tompano; Ondae nahi Domokendo ka nahi Domolema, nahi pinokonto'ori pompewowolo-Do.

Yesaya 45:19

Nahi Kuhori mepau rahasia ke a wongi-wongiano i tolino. Nahi Kuhori mepau a inuleno i Yako ’ime'ungke Aku a mpo'ianga anu mooa!’ Ongkue, Ue, wela mepau mentee, wela mompau hapa anu moleo.”

Yeremia 12:1

Omiu mentee mpiha, oo Ue, tewala ongkue mekara-kara saru Omiu! Sine aku mepau ndi Omiu mongkona moleoa: Tembio ka ime'ura tuwuno mia mosa'o gauno, manangai luwu anu mpoweweu molengku?

Ponsabangi 3:23

wo'ohu mpiha sompo mo'oru; langkai petenunu-Miu!

Yunu 4:11

Kana'umpe nahi Aku mehohawao Niniwe, kota anu langkai atuu, anu palilino torea inso asa etu ka rua pulu nsowu mia, anu luwuno nahi ponto'ori mosisalao kae ngkoana ka kae manggali, saru pinotuwuno anu hadio?”

ROMA 11:33

O, tedoa ntu'u ondalo kaea-Do, ponto'ori-Do ka pande-Do Ue Ala! Mentee ntu'u nahi pinokompepentee luwuno pomputusi-Do ka mentee ntu'u nahi pinokonto'ori luwuno pesalaa-Do!

ROMA 3:25

Ondae i Kerisituu Yesu Dopakosi Iramo Ue Ala gagi sala pesintuwua hangano pompe'ala-ala, a rea-Do. Mongkona andio Doweweuo mopokitao moleo-Do, hangano Dopo'ineeomo luwuno hala anu gagiomo i ndi'upua i tempono da Dosabara.

Winali 32:4

Ondaemo Torukuno Watu, sompo ntu'u inanggano kae-Do, moleo ntu'u luwuno sala-Do, Ondae Ue Ala anu metenunu, nahina makura-Do, moleo ka mentee Ira.

Winali 7:9

Onaemo pu'uno asalakono kai mento'orio, nine Ondae i Ue, Ue Alamiu, Ondaemo Ue Ala, Ue Ala anu metenunu, anu me'ini a mpedandia ka pompehohawa a mia anu mehohawa Ira ka uminio parenta-Do, hawe asa nsowu inule.

1 TIMOTIU 4:10

Onaemo pu'uno ka tompe'isei ka mpeteahako, hangano mpomperorohi kita ndi Ondae Ue Ala anu tuwu, Puu pongkaduduido luwuno mia, tamoako lahi ondae anu mpompe'ala-ala.

1 Samueli 14:15

Ka mpondende iramo a mpekemaa, a mpeteaa, ka ia olodo luwuno palili. Puu mpetea mpodagai ka puu mpetea mporopu, mpondende ira koa mbo'u. Wawontolino mbo'u mondende. Gagiomo pondendea anu mongkokongiri.