Po'unde-unde 32:5 - Wunta Mempori

⁵ Halaku kupauo ndi Omiu ka salaku komba kuwunio; kupotae, ”Kumangakuakono luwuno halaku ndi Omiu Ue,” ka Itandeomo hala tinembiku. Sela

Po'unde-unde 32:5 ပူးပေါင်းရင်းမြစ်များ

2 Samueli 12:13

Ka i'amba motaeomo i Daudi ndi Nata, ”Tehala akumo ndi Ondae i Ue.” Motae i Nata ndi Daudi, ”Ondae i Ue Do'oniniomo halamu, nahi komate.

2 Samueli 12:9

Tembio kau pokongkodei Ira i Ue ka upoweweu anu mosa'o a pongkita-Do? I Uria to Heti atuu upepateakono ponai. Beineno u'alao gagi beinemu, ka onae upepateakono ponaino inuleno i Amoni.

2 Samueli 24:10

Sine me'o'oleomo i Daudi, mansano dumoa ira palili. Motae i Daudi ndi Ondae i Ue, ”Tedoa akumo tehala hangano kuweweuomo anu andio. Kanandio-andio, oo Ue, po'ineeomo ka Ipoko'olaio salano tetenaa-Miu, hangano moweweu akumo anu tedoa benge-benge.”

2 Samueli 24:17

I Daudi mepau ndi Ondae i Ue, tempono ikitao mala'eka anu tekonai mompotii haki a tongku atuu, kanandio, ”Ongkue koa anu tehala, ongkue koa anu sala, sine hapamoke anu wineweudo luwuno bimba-Miu andio? Po'ineeomo kae-Miu humuku aku saru luwuno somboriku.”

1 Mokole 8:50

Po'ineeomo I'ampuni ira bawaa-Miu, anu ntehala iramo ndi Omiu ka luwuno pe'ewa anu wineweudo ndi Omiu, ka Iweeako iramo pompehohawa i arodo mia anu wawa ira gagi mia mentinawa, ranta mia atuudo mpehohawa ira,

2 Tawarika 6:29

Ka i'amba asa mia ke luwuno bawaa-Miu Isaraeli, singge mia tumo'orio tulano ka marasaino onaeno, mowuatako pekakai ka po'emano ka tumaangakono kaeno a raha andio,

Esera 10:11

Sine kanandio-andio, ime'akuiomo i aro-Do i Ue, Ue Alado uempu'umiu, impoweweumo hapa anu pinemoiko-Do impeliahako inso luwuno tongku i wita andio, ka luwuno beinedo mia mehawe atuudo.”

Ayubi 31:33

Tewala kututuwio salaku kana mia susua onaemo wunio salaku i laro aroaku,

Ayubi 33:27

Onae ta menani i arodo mia: Moweweu akumo hala ka mokomolengkuo anu moleo, sine mongkona atuu nahi Dosuloakune.

Po'unde-unde 103:12

kana olaino sabaano oleo inso i sumooano oleo, kanatuumo Dopoko'olaio polimpa'ito.

Po'unde-unde 103:3

Ondae anu umampunio luwuno salamu, anu mokotompao luwuno hakimu,

Po'unde-unde 25:16

Ipewolilimo ndi ongkue ka Ipehohawa akumo, hangano ongkue asa-asaku ka tepokonsii.

Po'unde-unde 25:18

Iperioomo marasaia ka masukaraaku, ka Itandeomo luwu halaku.

Po'unde-unde 30:5

Penaniakonomo penani umunde-unde Ira i Ue, hei luwuno mia anu pinehohawa-Do, ka impesombaakonomo po'unde-unde a nee-Do anu mempori!

Po'unde-unde 38:18

Lano ilawupo ka kutetidu, ka wela i'alu aku pompemahaki;

Po'unde-unde 38:19

oo, kumangakuakono salaku, salalaro aku hangano halaku.

Po'unde-unde 51:6

Ndi Omiu, butu koa ndi Omiu kutehala ka weweuo hapa anu pinemosa'o-Miu. Ka mentee Komiu a laro pomputusi-Miu, morina a laro mpobitaraa-Miu

Po'unde-unde 86:15

Sine Omiu, oo Ue, Ue Ala me'aroa ka mompehohawa, tedoa sabara ka hadio ntu'u pompehohawa ka pokongkomi.

Po'unde-unde 86:5

Hangano Omiu, oo Ue, moiko ka behe mo'ampuni ka hadio ntu'u pompehohawa nahi bali a luwuno mia anu mebooli ndi Omiu.

Powadi 28:13

Isema wunio halano nahi ta me'ura, sine isema mangakuakono ka bintao ta pinehohawa.

Powadi 30:20

Ndiomo pesalaano beine anu monsosabo: onae mongkaa, ka i'amba pahihio ngangano, ka motae: Nahi kupoweweu mosa'o.

Yesaya 65:24

Napi dompebooli, sumangki Akumo; tempono ondae da mpepau, Kurongeomo.

Yeremia 2:23

Nde kana'umpe ka upotae: Nahi kuhori mokoburutio koroiku, nahi kuhori tumonda ira Baala? Kitaomo pelelumu i lembono, to'oriomo hapa anu umari wineweumu: hei unta waino anu melulu-lulu ngkoraane ngkoramai,

Yeremia 2:35

upotae: Nahina salaku! Manasaomo, ibinta akumo tekuda-Do! Menteeano anu Aku wawako a mpekara-karaa, hangano upotae: Nahi kutehala!

Yeremia 3:13

Polomo koa akuiomo salamu, nine u'ewai Iramo i Ue, Ue Alamu. Utia-tiaomo pongkekewoimu a luwuno pinesombaido mia mehawe a ntoto sompo keu anu marombo, ka nahi perorongeakono pau-Ku, kanandiomo pau-Do i Ue.”

Yeremia 31:20

Kombake i Eparai ana pinehohawa, kombake onae ana anu inehe-eheako? Hangano sompo Kutekudaakono, wela Aku rumambeo; onaemo pu'uno aroa-Ku mondende hangano onae; maupo kana'umpe Aku mehohawao, kanandiomo pau-Do i Ue.

Hosea 6:1

”Aiwamo tompepokule ndi Ondae i Ue, hangano momperangkami Iramo, sine Ira mokotompa kita, monsepi Iramo, sine Ira walu kita.

Imama 5:5

Gagi, tewala onae saala i larono asa kara-kara atuu, onae asalakono umakuio hala anu iweweuomo.

Maleaki 3:8

Kana'umpeke mia mopo'oo Ira Ue Ala? Kahinaano, impopo'oo Aku. Sine, mpotae komiu, ”Kana'umpe kimpopo'oo Komiu?” Mongkona pesomba tia hopulu ka pesomba pinesusua!

I LUKASI 16:15

Ka Do'amba motaeako ira, ”Omiu mpokomenteeo koroimiu i arodo mia, sine Ondae Ue Ala tumo'orio aroamiu. Hangano hapa anu tinudu langkai a mia, Do'o'aliaakono Ue Ala.

I LUKASI 7:47

Onaemo pu'uno Kupauakomu, Halano anu hadio atuu inampuniomo, hangano hadioomo pompehohawa wineweuno. Sine mia anu tedei inampuni, tedei koa mbo'u pompehohawa wineweuno.”

EPESU 4:32

Sine po'ineeomo ka imemambe pe'aroaako, buke pompehohawa ka mambe'ampuni, kana Ondae Ue Ala Do'ampunikomiumo ndi Ondae i Kerisituu.

Yosua 7:19

Mepauomo i Yosua ndi Akani, ”Anaku pelangkai Ira i Ue, Ue Alado to Isaraeli, ka umangakumo ndi Ondae; pauo ndi ongkue hapa anu wineweumu, silako wunio ndi ongkue.”