Po'unde-unde 32:10 - Wunta Mempori

¹⁰ Hadio pompemahaki pinemarasaino mia mosa'o gauno, sine mia anu mompe'ala-ala ndi Ondae i Ue ta lumimbuo pompehohawa anu nahi bali.

Po'unde-unde 32:10 ပူးပေါင်းရင်းမြစ်များ

Po'unde-unde 11:6

Do'usaiako ira mia mosa'o gauno waro me'api ka walira; angi anu mompokomo'ai, onaemo ihino pialado.

Po'unde-unde 140:11

Po'ineeomo ka i'alu ira waro api! Po'ineeomo ka Dodontai ira a laro wingke ka si dompokompewangu mbo'u!

Po'unde-unde 146:5

Me'uraomo mia anu montarima pontulungi inso ndi Ondae Ue Alano i Yako, anu pomperorohiano ndi Ondae i Ue, Ue Alano:

Po'unde-unde 147:11

Ondae i Ue memoikoo mia anu doitoako Ira, a mia anu momperorohi a pompehohawa-Do.

Po'unde-unde 16:4

Tetiangi langkai pompemasusado mia anu tumonda ira pinesombai susua; nahi aku metonda mompesombaako rea inso a mpesomba tinawado, ka nahi aku wela pauo a wiwiku needo pinesombaido.

Po'unde-unde 2:12

Woo-wooomo nana'ote! Ka si mansa Dotekuda ka imemate a nsala, hangano moruana ntu'u itensila tekuda-Do. Me'uraomo luwuno mia anu mepekadudui ndi Ondae!

Po'unde-unde 34:8

Mala'eka-Do i Ue mpekema lumimbu ira mia anu dumoitoako Ira, ka do'amba mpotola ira.

Po'unde-unde 40:4

Donaao penani wo'ohu a laro ngangaku unde-unde-Do Ue Alato. Hadio mia ta kumitao ka gagi doito, ka do'amba mpe'ala-ala Ira i Ue.

Po'unde-unde 5:12

Po'ineeomo luwuno mia anu mepekadudui ndi Omiu memawongko, po'ineeomo domengkokora-kora memawongko ranta nahina tampulaano. Po'ineeomo Ikongkomi ira, ranta anu mehohawao nee-Miu mawongko hangano Omiu.

Po'unde-unde 84:12

Hangano Ondae Ue Ala onaemo mata'oleo ka kanta; pe'aroa ka marambaa Dopeweengakono; nahi Do'ontoo moikoa a mia anu tuwu nahina tataano.

Powadi 13:21

Mia tehala itondario masolaa, sine mia mentee sinuloako me'uraa.

Powadi 16:20

Isema mekokoongakono pau ta mohawe moikoa, ka me'uraomo mia anu me'ala-ala Ira i Ue.

Puu Pontutulu 8:12

Maupo mia tehala anu te'asa etumo ipoweweu mosa'o tehine tuwuno, sine kuto'orio mia anu doitoako Ira Ue Ala ta moiko tuwuno, hangano domedoitoakono maramba-Do.

Yesaya 3:11

Masola ntu'u mia mosa'o gauno! Masolaa ta umaluo, wineweuno kaeno ta sinuloako ndi onae.

Yesaya 57:21

Nahina manangai tiado mia mosa'o gaudo atuu,” pau-Do Ue Alaku.

1 TIMOTIU 6:10

Hangano hakano luwuno mosa'oa onaemo mongkekewoi doi. Hanganomo mpolulu doi ba opia mia mepansia iramo inso a pompe'ala-ala ka mebobarasaiakono koroido mperupa-rupa masusaa.