Po'unde-unde 31:7 - Wunta Mempori

⁷ Omiu umo'aliaako ira mia anu melangkaio lahumoa anu nahina pengkonaano, sine ongkue me'ala-ala Ira i Ue.

Po'unde-unde 31:7 ပူးပေါင်းရင်းမြစ်များ

Nehemia 9:32

Kanandio-andio, oo Ue Alamami, Ue Ala anu tedoa langkai, moroso ka mongkokongiri, anu me'ini a mpedandia ka metenunu mompehohawa, Ikitaomo luwuno masusaa anu pinembasaimami, luwuno mokole ka petewawamami, luwuno sando mpesomba ka nabimami, saru uempu'umami, luwuno bawaa-Miu, mompu'u tempo luwuno mokole i Asuri hawe oleo andio.

Ayubi 10:9

Ipewowoloomo nine Omiu anu weweu aku inso a wita pulu, nde Komiu wali mokogagi aku pampawu?

Ayubi 23:10

Hangano Doto'orio sala ntumuwuku; ande-andeno Do'arahako aku, aku meluarako kana wulaa.

Po'unde-unde 1:6

hangano Ondae i Ue tumo'orio pesalaano mia mentee, sine pesalaano mia mosa'o gauno te'aro a matea.

Po'unde-unde 10:14

Omiu isa'a kumitao masusaa ka marasai, Omiu kumitao ka umalao a laro ngkae-Miu. Ndi Omiumo mia urasa'o ipeweengakono koroino; Omiumo anu tumulungio nana'ote nahina amano.

Po'unde-unde 119:153

Ikitaomo marasaiku ka Ipotola akumo, hangano Songka-Miu nahi kukolupeo.

Po'unde-unde 13:5

ka si potae iwaliku, ”Kunangiomo,” ka anu me'ewai aku mpeboo-booli, tewala ongkue telelu.

Po'unde-unde 142:3

Kupohaweo pinemasusaku i aro-Do, pompema'isoku kupauako Ira i aro-Do.

Po'unde-unde 25:18

Iperioomo marasaia ka masukaraaku, ka Itandeomo luwu halaku.

Po'unde-unde 71:20

Maupo Iweweu akumo membasaio hadio masusaa ka masolaa, Komiu koa wali motuwu aku, ka inso a ondaloano ntu'u tolino Komiu koa wali wuatako aku.

Po'unde-unde 9:13

hangano Ondae anu tumuntuo reano mia anu tepokonsii; peboolido nahi Dokolupeo.

Po'unde-unde 90:14

I tempono mo'oru Ipokomowohiakamimo pompehohawa-Miu, ka kimengkokora-kora mpo'unde ka memawongko asa ntinuwumami.

Yesaya 43:2

Tewala omue sumaki molalo uwoi, Aku koa kumongkomiko, ke lumalo ira korono, nahi ta molomoko; tewala omue melempa molalo api, nahi ta mokomo'aiko, langano api nahi ta sumongkoko.

Yesaya 49:13

Kokora-koramo mawongko, hei langi, kokora-koramo, hei tolino, ka impo'undemo saru kokora-kora memawongko, hei luwuno torukuno! Hangano Ondae i Ue tumarero ira bawaa-Do ka mehohawa ira mia-Do anu tepokonsii.

Yesaya 63:16

Kombake Omiu Amamami? Mentee ntu'u, i Burahima nahi to'ori kami, ka Isaraeli nahi dome'akui kami. Oo Ue, Omiu isa'a Amamami; nee-Miu Puu pontolosimami mompu'u i ndi'ipua se'eluno.

Yesaya 63:9

a laro luwuno ma'isoado. Komba asa mia sarungkoroi ke tinena, tendeano Ondaemo anu kumadudui ira. Ondaemo anu tumolosi ira a laro pompehohawa-Do ka pe'aroa-Do. Dotande ira ka baba ira i larono tempo se'eluno.

Yeremia 33:11

ta teronge mbo'u suara mawongkoa ka po'undea, suarano umbungkoroi tama ka umbungkoroi beine, suarado mia anu mpotae: Unde-unde Iramo Ueno luwuakoano, hangano Ondae i Ue Atuu moiko, menteeano ranta nahina tampulaano pompehohawa-Do!, tekonai mompesombaako pesomba po'unde-unde a Raha-Do i Ue. Hangano, Aku mokomoikoo teweweuno wita andio kana i ndi'ipua, pau-Do i Ue.

Ponsabangi 3:50

ranta ka Dokitao i Ue inso i wawono ka mensiro inso i suruga.

Ponsabangi 5:1

Irambeomo, oo Ue, hapa anu gagi ndi omami, Ipensiroiomo ka Ikitaomo mongkokolaroamami.

1 KORINTI 8:3

Sine mia anu mehohawa Ira Ue Ala, Doto'orio Ue Ala.

GALATIA 4:9

Sine kanandio-andio umarimiu mento'ori Ira Ue Ala, ke moikoopo, umari-Do tumo'ori komiu Ue Ala, kana'umpeke ka komiu mpepokule mbo'u a mperupa-rupa pabawano wawontolino anu molema ka mongkokolaro ka mpompu'u mpe'atao mbo'u koroimiu ndi onae?

2 TIMOTIU 2:19

Sine empehino anu ninaa-Do Ue Ala atuu moroso ka tondonino onaemo, ”Ondae i Ue tumo'orio isema mia-Do” ka ”Sompo mia anu pauo nee-Do i Ue asalakono ka ibintao mosa'oa.”