Po'unde-unde 31:3 - Wunta Mempori

³ Ita'oomo biri-Miu ndi ongkue, rongamo Ipotola aku! Igagimo torukuno watu pepekaduduiaku, bente pekorahakoa ka kutekadudui!

Po'unde-unde 31:3 ပူးပေါင်းရင်းမြစ်များ

Nehemia 9:12

Saru seru-Miu Iwawa ira tempono meene, ka saru api-Miu tempono wongi wantahio sala anu linalodo.

Nehemia 9:19

nahi Ibinta ira i pada one, hangano pompehohawa-Miu anu langkai. Seru-Miu nahi pelimba inso i wawodo tempono meene anu wawa ira a mpelempaa, kanatuu koa mbo'u api-Miu tempono wongi anu wantahio sala anu linalodo.

Po'unde-unde 102:3

Siimo Iwunio rupa-Miu ndi ongkue a oleo kupompema'iso. Ipo'aroomo biri-Miu ndi ongkue; a oleo kupebooli, rongamo Isangki aku!

Po'unde-unde 116:2

Hangano Dopo'aroo biri-Do ndi ongkue, onaemo pu'uno asa ntinuwuku aku mebooli ndi Ondae.

Po'unde-unde 139:24

Ikitaomo, ba mansa nahi mentee pesalaaku, ka Itaate akumo a nsala anu nahina tampulaano!

Po'unde-unde 18:2

Ipotae, ”Kupehohawa Komiu, oo Ue, rosoku!

Po'unde-unde 25:11

A nee-Miu, oo Ue, I'ampuniomo salaku, hangano langkai salaku atuu.

Po'unde-unde 25:5

Itaate akumo melempa a laro menteea-Miu ka Ipaguru akumo, hangano Omiumo Ue Ala anu kumadudui aku. Omiu sinisikoriku ilarono asa oleo.

Po'unde-unde 25:9

Ondae tumaateo mia anu me'urumako melempa montonda songka, ka Dopaguruakono pesalaa-Do a mia anu me'urumako.

Po'unde-unde 43:3

I'oliwiomo mewine-Miu ka pokongkomi-Miu ka kutinaate ka winawa a ntorukuno-Miu anu mempori ka a mpo'ianga-Miu!

Po'unde-unde 71:3

Igagimo torukuno watu pongkaduduiku, po'ianga moiko ku'aiwa sompo tempo. Lano medandi Komiumo Komiu kumadudui aku, hangano Omiumo pongku watuku ka pekorahakoaku.

Po'unde-unde 79:9

Itulungi kamimo, oo Ue Ala puu pongkaduduimami, pokomarambano nee-Miu! Ipotola kamimo ka I'oniniomo halamami hangano nee-Miu!

Yesaya 49:10

Ondae nahi domemokoninggo ka mokoranga; mokula lansara ka makarano oleo nahi ta umalu ira, hangano anu Mehohawa ira ta wawa ira ka tumaate ira a umpeda insoano uwoi.

Yeremia 14:7

”Maupo luwuno salamami mpesakosii umewai kami, Itulungi kamimo, oo Ue, a nee-Miu! Tedoa hadio pehapumami, ndi Omiumo kimentehala.

I LUKASI 1:79

ka ipansari ira anu mpo'ia a wongi-wongiano ka a laro mpe'engono matea ka Dopo'aroo karuto a nsala rodoa.”

I YOHANE 16:13

Sine tewala hawe Ira, onaemo Penaa Menteea, Ondae Ira wawa komiu a luwuno menteea; hangano nahi Ira mepau inso a mpo'ehe-Do Ondae-Do, sine luwuakoano anu rinonge-Do onaemo anu Ira pauo ka Ira paleleakomiu luwuno anu ta hawe.

EPESU 1:12

ka omami, anu se'eluno mpomperorohi kamimo ndi Ondae i Kerisituu, moiko gagi unde-undeno maramba-Do.

Yosua 7:9

Nde ba domerongeo to Kana'a ka luwuno palili i wita andio, iramo sumapoi kami ka dome'upu kami luwu inso i wawontolino andio. Ka hapa ta wineweu Miu kai tepokule nee Miu, nee Miu anu langkai?”