Po'unde-unde 27:6 - Wunta Mempori

⁶ Ka kanandio-andio kupontadeo uluku, umaropi ira iwali anu kumadu aku; a laro ngkema-Do kupesombaakono pesomba saru kokora-kora mo'unde; aku menani ka menaniako po'unde-unde tia-Do i Ue.

Po'unde-unde 27:6 ပူးပေါင်းရင်းမြစ်များ

Tegagia 40:13

I larono otolu oleo i Pirao ta tumandeko ka mokuleko a mpotoromu se'eluno ka omue komeweengakono piala atuu a ngkaeno i Pirao kana se'eluno, tempono da ugagi puu mpo'atora inuado.

Tegagia 40:20

Ka i'amba, a oleo ko'otolu, oleo hinaano i Pirao, i Pirao moweweu pelimbua tiado luwuno pegawaino. Itande ira petewawado puu mpo'atora inua ka petewawado puu mpo'atora roti atuu i olodo luwuno pegawaino:

2 Samueli 22:1

I Daudi mepauako pauno penani andio ndi Ondae i Ue i tempono Dopotolaomo i Ue inso a ngkaedo luwuno iwalino ka inso a ngkaeno i Saulu.

2 Samueli 22:49

ka anu motola akumo inso a iwaliku. Ka Itande akumo numangi ira anu mpentade umewai aku. Ipotola akumo inso a luwuno mia anu mompokonsii.

2 Samueli 7:9

Kukongkomikomo maupo isua ulako ka mokotampula ira luwuno iwalimu inso i aromu. Aku weweuo neemu telele kana needo luwuno mia langkai potorodo i tolino.

2 Mokole 25:27

A nta'u kotolu pulu ka opitu umarino tinadi i Yoyakini mokole i Yehuda, ia wula kohopulu ka orua, tanggala rua pulu ka opitu wula atuu, i Ewili-Merodaki mokole i Babeli, a nta'u ipewuatako a ngkadera poparentaa, mopokitao pompehohawano ndi Yoyakini, mokole i Yehuda, ka ipotolaomo inso a ntorongku.

1 Tawarika 22:18

”Ondaemo i Ue, Ue Alamiu kumongkomi komiu ka moweeakomiumo rodoa i luwuno siuno. Mentee ntu'u, Dopeweengakonomo palilino wita andio a ngkaemiu, ranta wita andio metuundu i aro-Do i Ue ka a bawaa-Do.

Po'unde-unde 107:22

Po'ineeomo dompopesombaako pesomba pontarimakasi, ka paleleo luwuno inangga-Do saru mengkokora-kora memawongko!

Po'unde-unde 110:7

Inso a ngkorono a wiwi nsala ipo'inu, onaemo pu'uno, itandeo uluno.

Po'unde-unde 119:108

Ipemoikoomo, oo Ue, po'unde-unde pinesombaakoku, ka Ipaguruakunemo luwuno songka-Miu.

Po'unde-unde 138:5

po'ineeomo dompenani mongkona luwuno pesalaa-Do i Ue, hangano Ondae i Ue maramba ntu'u.

Po'unde-unde 21:1

Tiano petewawado anu mpenani. Penani po'unde-undeno i Daudi.

Po'unde-unde 21:13

Oo, Komiu weweu ira mempolai, saru kolorono pana-Miu Ipanao rupado.

Po'unde-unde 3:3

hadio mia mepau mongkona ongkue. ”Montonda onae nahina pontulingi inso ndi Ondae Ue Ala.” Sela

Po'unde-unde 3:4

Sine Omiu, Ue, onaemo kanta anu kumadudui aku, Omiumo marambaku ka anu tumandeo uluku.

Po'unde-unde 47:1

Tiano petewawado anu mpenani. Inso a inuleno i Kora. Penani po'unde-unde.

Po'unde-unde 57:8

Aroaku tetinda, oo Ue Ala, aroaku tetinda; aku menani, aku mo'unde-unde.

Po'unde-unde 81:1

Tiano petewawado anu mpenani. Montonda nanino Gititi. Inso ndi Asapi.

Po'unde-unde 95:1

Aiwamo tomengkokora-kora mawongkoako Ira i Ue, mengkokora-koraakono torukuno watu tekaduduiato.

Yesaya 12:6

Peboolimo ka temaroamo impebooli, hei palilino Sioni, hangano maramba Iramo Anu Tedoa Mempori, Ue Alado to Isaraeli, i tonga-tongamiu!”

Yeremia 31:7

Hangano, kanandiomo pau-Do i Ue: Peboo-boolimo mawongkoakono i Yako saru po'unde, memawongkomo mongkona petewawado luwuno tongku! Paleleomo, unde-undeomo ka pauomo: Ue Ikadudui iramo bawaa-Miu, to Isaraeli anu da tebinta!

Yeremia 33:11

ta teronge mbo'u suara mawongkoa ka po'undea, suarano umbungkoroi tama ka umbungkoroi beine, suarado mia anu mpotae: Unde-unde Iramo Ueno luwuakoano, hangano Ondae i Ue Atuu moiko, menteeano ranta nahina tampulaano pompehohawa-Do!, tekonai mompesombaako pesomba po'unde-unde a Raha-Do i Ue. Hangano, Aku mokomoikoo teweweuno wita andio kana i ndi'ipua, pau-Do i Ue.

Sakaria 9:9

Peboo-boolimo temeroku, hei ana beine Sioni, peboo-boolimo, hei ana beine Yerusale! Kitao, mokolemu hawe ndi omue; onae moleo ka poponangi. Onae mauru ka mesawi a asa kalide, kalide lakino anu mongura.

IBARANI 13:15

Hangano Ondae, onaemo pu'uno aiwamo tompesombaakono pesomba po'unde-unde ndi Ondae Ue Ala, onaemo pinauno wiwi anu umunde-undeo nee-Do.

1 PETURU 2:5

Ka po'ineeomo omiu mbo'u mempinake kana watu tuwu powangu aasa raha rohani, tiano aasa imama mempori, ka ipinesombaako pesomba rohani anu hangano Ondae i Yesu Kerisituu Dopemoiko Ira Ue Ala.

MENGKAAA 15:3

Ka dompenaniako penanino i Musa, tetenaa-Do Ue Ala, ka penani-Do i Ana Bimba, unino, ”Langkai ka kinohali-haliako inangga-Miu, oo Ue, Ue Ala, Anu Tedoa Pabawa! Moleo ka mentee luwuno pesalaa-Miu, oo Mokoleno luwuno tongku!

MENGKAAA 5:9

Ka dompenaniakono aasa penani wo'ohu dompotae, ”Omiu tekona tumarimao paluluno wunta atuu ka umungkahio luwuno tondonino; hangano sinumbele Komiumo ka I'oliako iramo rea-Miu tia-Do Ue Ala inso a sompo-sompo suku ka pau ka pepe'etua ka tongku.