Po'unde-unde 27:5 - Wunta Mempori

⁵ Hangano Ira kumadudui aku a laro laika-Do i tempono hinao mompokodoito; Ondae wuni aku a laro mpewunia a ngkema-Do, ka tumande aku a wawo ntorukuno watu.

Po'unde-unde 27:5 ပူးပေါင်းရင်းမြစ်များ

2 Tawarika 22:12

I Yoasi mo'ia saru ondae onoo nta'u tehineno ka mewuni a raha-Do Ue Ala, kontongaano i Atalia moparenta.

Po'unde-unde 10:1

Tembio ka Ipentade ola-olai, oo Ue, ka Ipepusu a laro tempo ma'isoa?

Po'unde-unde 119:114

Omiumo pewuniaku ka kantaku; kuperorohio pau-Miu.

Po'unde-unde 138:7

Maupo kupelempa a laro ma'isoa, Omiu kumaduduio tuwuku inso a ntekudado iwaliku; Iweroo kae-Miu, ka kae ngkoana-Miu kumadudui aku.

Po'unde-unde 17:8

Ipekaria akumo kana ihi mata-Miu, wuni akumo a laro pe'egoano pani-Miu

Po'unde-unde 18:33

Ondaemo Ue Ala, Ondaemo anu umonggoakono roso tongaku ka weweuo pesalaaku nahina umonsoio;

Po'unde-unde 31:20

Tedoa ntu'u hadio moiko-Miu anu Ipatindaakonomo mia anu doitoa-Komiu, anu Iweweuakonomo mia anu mepekadudui ndi Omiu, i arodo mia!

Po'unde-unde 31:21

Omiu wuni ira a laro pe'egoano rupa-Miu inso a mpedandiado mia mpoweweu mosa'o; Omiu kumadudui ira a laro laika inso a elo anu ineheno mengenge.

Po'unde-unde 40:2

Tedoa aku sumisikori Ira i Ue; ka Do'amba mewolili ka rumongeo pebooliku mepetulungi.

Po'unde-unde 40:3

Ondae tumande aku inso a aa matea, inso a regeno epe; Ondae numaao karuku a wawo pongku watu, pakosio pelempaku,

Po'unde-unde 46:1

Tiano petewawa anu mpenani. Inso a inuleno i Kora. Saru nanino Alamoti. Penani.

Po'unde-unde 50:15

Peboolimo ndi Ongkue i tempono ma'isoa, Aku motolako, ka omue ko'umunde-unde Aku.” Sela

Po'unde-unde 57:1

Tiano petewawado anu mpenani. Montonda nanino Si Poropu. Mikitami Inso ndi Daudi, tempono ipolai inso ndi Saulu, a laro kunepo.

Po'unde-unde 61:2

Po'ineeomo ka Irongeo pebooliku, oo Ue Ala, perioomo pekakaiku!

Po'unde-unde 61:3

Inso i tompano tolino kupebooli ndi Omiu, hangano telusa aku mokendo; Itaate akumo lumako a ntorukuno watu anu kontasi-tasi ondau i wawoku.

Po'unde-unde 77:2

Aku meboo-booli temeroku ndi Ondae Ue Ala, temeroku ndi Ondae Ue Ala, ka Doperorongeakune.

Po'unde-unde 83:3

Hangano menteeano luwuno iwali-Miu mpohohoi, luwuno mia anu umo'aliaa-Komiu mpompelangka-langkai.

Po'unde-unde 91:1

Mia anu mentoro a laro pongkadudui-Do Anu Tedoa Mantande ta merato a laro po'engoi-Do Anu Tedoa Pabawa.

Po'unde-unde 91:15

Tewala onae mebooli ndi Ongkue, Aku sumangki, Aku kumongkomio a laro ma'isoa, Aku motolao ka moweeakono pompelangkai.

Powadi 18:10

Nee-Do i Ue onaemo menara anu moroso, i ra'aimo polaiano mia mentee ka itekadudui.

Yesaya 26:16

Oo Ue, a laro ma'isoa dome'ungke Komiu; tempono pohuku-Miu umalu ira, mpe'anaiki ira a laro mpekakai.

Yesaya 26:20

Aiwamo tongkuku, pewinsomo a laro bolongkomu, tondoomo tondo i bungkumu, pewunimo tesarai koa, hawe ka imorini tekuda atuu.

Yesaya 32:2

ondae singge mia ta kana po'ianga mererei a angi ka po'ianga mererei a angi mokora, kana waaano uwoi a motu'iano, kana po'engoino asa watu langkai a wita anu londa.

I MATIU 23:37

”Yerusale, Yerusale, omue anu mepate ira nabi ka wunoako ira watu mia anu mentinena ndi omue! Mararuomo Kumingki pumpu ira anamu, mengkena kana indompu'u pumpu ira anano a ntoto panino, sine nahi mebehe.

KOLOSE 3:3

Hangano memate komiumo ka tuwumiu tewuni meronga saru Ondae i Kerisituu ndi Ondae Ue Ala.