Po'unde-unde 27:4 - Wunta Mempori

⁴ Asa rupa ku'emaomo ndi Ondae i Ue, butu onae andio anu tedoa ineheku: mo'ia a raha-Do i Ue asa ntinuwuku, sumakosiio pe'aroa-Do i Ue ka sanaa mo'iangario raha-Do.

Po'unde-unde 27:4 ပူးပေါင်းရင်းမြစ်များ

2 Samueli 21:1

Tempono poparentaano i Daudi gagiomo mokoninggoa otolu nta'u metonda-tonda tehineno, ka i'amba i Daudi lumako mompesikenoako pontiso-Do i Ue. Mepau Iramo i Ue, ”Mongkona pasua rea hinao ndi Saulu ka somborino, hangano ipepate iramo to Gibeo.”

Po'unde-unde 23:6

Moikoa ka pompehohawa mpena ta tumondari aku, asa ntinuwuku; ka aku mo'ia a laro raha-Do i Ue asa ntinuwu.

Po'unde-unde 26:6

Kuwo'ohio kaeku tondonino nahina salaku, ka ku'amba melempa lumimbuo meda-Miu pontunua pesomba, oo Ue,

Po'unde-unde 26:8

Ue, kukekewoio raha po'ianga-Miu ka a mpo'ianga maramba-Miu ipo'ia.

Po'unde-unde 27:8

Mongkona Omiu ipotae aroaku, ”Ungkeomo rupa-Ku” ka rupa-Miu ku'ungkeo, oo Ue.

Po'unde-unde 50:2

Inso i Sioni, tompaano tekosi, Ondae Ue Ala meposaba mewanta.

Po'unde-unde 65:4

hangano mensala. Luwuno halamami lumaloio rosomami, sine Omiumo anu pahihio.

Po'unde-unde 84:10

Ikitaomo kantamami, oo Ue Ala, Ikitaomo rupado mia anu inurapi-Miu!

Po'unde-unde 84:4

Sekono manu-manu dena mohaweomo asa raha, ka manu-manu wowitu asa seno, naapado anano, umpeda a meda pontunua pesomba ndi Omiu, oo Ueno luwuakoano, oo Mokoleku ka Ue Alaku!

Po'unde-unde 90:17

Po'ineeomo pe'aroa-Do i Ue, Ue Alamami, metii ndi omami, ka Ipokorosoomo wineweuno kaemami, oo, pokomorosoomo wineweuno kaemami!

Yeremia 29:13

tempono ime'ungke Aku, komiu mehawe Aku; tempono ime'ungke Aku tompaano aroamiu,

Danieli 9:3

Ka ku'amba mo'aroo rupaku ndi Ondae Ue Ala mekakai ka mo'ema, saru mepuasa ka mompokona sawu po'inombo saru awu.

Sakaria 9:9

Peboo-boolimo temeroku, hei ana beine Sioni, peboo-boolimo, hei ana beine Yerusale! Kitao, mokolemu hawe ndi omue; onae moleo ka poponangi. Onae mauru ka mesawi a asa kalide, kalide lakino anu mongura.

I MATIU 6:33

Sine ime'ungkeomo ari Poparentaa-Do Ue Ala ka mentee-Do, ka luwuno atuu Ira tumiangiakomiu.

I LUKASI 10:42

Sine butu aasa anu kinere: I Maria mo'alomo tiano anu lalu moiko, anu nahi ta inala inso ndi onae.”

I LUKASI 13:24

Dosangki ira i Yesu mia i tu'ai, ”Imempari-pariomo ka impewinso telalo a mpewowa anu ma'iso atuu! Hangano Kupauakomiu: Hadio mia anu pompari-pari ira mpewinso, sine nahi ira mempolio.

I LUKASI 18:1

Dopauako ira i Yesu aasa potundaano ka domento'orio ntu'u, nine asalakono ka dowela mpekakai si donte'osa.

I LUKASI 2:37

ka kanandio-andio onae tuwu beine ka tinuwuno halupulu ka opaa nta'u. Nahi hori bintao Raha-Do Ue Ala meene ka wongi mesomba saru mepuasa ka mekakai.

2 KORINTI 3:18

Ka luwuto mpetamiako maramba-Do i Ue saru rupa anu nahi tetutuwi. Ka hangano maramba atuu inso ndi Ondae i Ue anu onaemo Penaa, onaemo ka tomebinali gagi kana rupa-Do, a laro marambaa anu kolangka-langkaino.

2 KORINTI 4:6

Hangano Ondae Ue Ala anu mepau Iramo, ”Inso a laro wongi-wongi ta saaba mewine!”, Ondae koa mbo'u anu weweuo mewine-Do ka imewanta i laro aroato, ka tompohawe mewine inso a ponto'ori mongkona maramba-Do Ue Ala anu tengkita a rupa-Do i Kerisituu.

PILIPI 3:13

Pepaekompo, ongkue isa'a komba tumuduo, nine kurakoomo, sine onae andio anu wineweuku: kukolupeo hapa anu i bungkukumo ka umaropio hapa anu i aroku,

1 TIMOTIU 5:5

Sekono aasa tuwu beine anu mentee ntu'u tuwu beine, anu bininta asa-asano, momperorohi ndi Ondae Ue Ala ka mokua mo'ema ka mekakai meene wongi.

IBARANI 11:6

Sine ba nahina pompe'ala-alano mia nahi Ira memoikoo Ue Ala. Hangano ba isema rumangkuhi Ira Ue Ala, asalakono ipe'ala-alao nine kongko Ira Ue Ala, ka nine Ondae Ue Ala moweeakono tambo mia anu umungke Ira ntu'u.

1 Samueli 1:11

Ka i'amba montanga kanandio, ”Omiu Ue luwuakoano, tewala ipehohawa aku, Ikitaomo masusano aroaku, tetenaa-Miu andio, Irambe aku kasi kolupe aku, tetenaa-Miu, tewala ipowee akumo asa ana ntama, aku meweengakono asa ntinuwuno ndi Omiu Ue. Piso pekeru nahi ta dumanggio uluno.”

1 Samueli 22:10

Onae mo'emaakono i Daudi pontiso ndi Ondae i Ue, ka moweeakono bakuno, ka ponaino i Golia, to Pelisiti atuu iweeakono.”

1 Samueli 30:8

Ka i'amba i Daudi mo'ema pontiso ndi Ondae i Ue, ipotae, ”Asalakono aku lumulu ira ke mia memosa'o atuu? Nde da aku koa humawe ira ke?” Mepau Ira i Ue ndi onae, ”Lulu iramo, hangano menteeano kohumawe ira ka motola ira luwuno tinawa.”