Po'unde-unde 25:9 - Wunta Mempori

⁹ Ondae tumaateo mia anu me'urumako melempa montonda songka, ka Dopaguruakono pesalaa-Do a mia anu me'urumako.

Po'unde-unde 25:9 ပူးပေါင်းရင်းမြစ်များ

Po'unde-unde 119:35

Iwawa akumo a nsala tumondao luwuno parenta-Miu, hangano ineheku.

Po'unde-unde 119:66

Ipaguruakunemo ponto'ori ka pontimbanga anu mentee, hangano kupe'ala-alao luwuno parenta-Miu.

Po'unde-unde 143:10

Ipaguru akumo weweuo po'ehe-Miu, hangano Omiumo Ue Alaku! Po'ineeomo Penaa-Miu anu moiko atuu tumaate aku a wita anu merete!

Po'unde-unde 147:6

Ondae i Ue wali mokorosoo mia anu tepokonsii, sine mia mosa'o gauno pinotii hawe a wita.

Po'unde-unde 149:4

Hangano Ondae i Ue memoiko ira bawaa-Do, mia anu me'urumako Doramba-ramba uluakono tekaduduia.

Po'unde-unde 22:26

Hangano Omiu ongkue menaniako po'unde-unde a laro bawaa anu langkai; tinangaku aku umowahio i arodo anu doitoako Ira.

Po'unde-unde 23:3

Ondae mokorosoo sumangaku. Ondae tumaate aku a mpesalaa anu mentee a nee-Do.

Po'unde-unde 27:11

Itisoakunemo pesalaa-Miu, oo Ue, ka Itaate akumo a mpesalaa anu merete umaropio iwaliku.

Po'unde-unde 73:24

Itaateakune patudu-Miu, ranta poko'ariano Itande aku a laro marambaa.

Po'unde-unde 76:9

Inso i langi Ipoporongeo pomputusi-Miu; tolino doito ka tekonto,

Powadi 8:20

Melempa aku a nsala menteea, i tonga-tongano sala moleoa,

Yesaya 11:4

Sine onae ta bitara ira mia molema a moleoa, ka ta momputusi temoiko a mia anu tepokonsii a wita andio; tolino ta tumunduhiakono pauno kana montunduhiako tuko, saru pepuuri inso a ngangano ta mompepate mia mosa'o gauno.

Yesaya 61:1

Penaa-Do Ue Ala kongko ndi ongkue, hangano Do'urapi akumo i Ue. Dotena akumo mohaweo lele moiko a mia memarasai, ka mekakaako ira mia anu masusa aroano, ka paleleo pompotolaa a mia mentinawa, ka tepotolaado mia anu nte'uko a torungku,

Yehesikieli 36:27

Penaa-Ku Aku numaao i laro aroamiu ka Aku weweu komiu mentuwu montonda luwuno pompakosi-Ku ka mpe'ini mpiha a luwuno atora-Ku saru meweweuo.

Sepanya 2:3

Ungke Iramo i Ue, oo luwuno mia anu me'urumako i wita anu weweuo songka-Do. Ungkeomo moleoa, ungkeomo pe'urumakoa; bara'ura komiu koa ntekadudui a oleo tekudaa-Do i Ue.

I MATIU 5:5

Me'uraomo mia anu molusa aroado, hangano ira mpe'umbuo tolino.

I YOHANE 14:6

Dopotaeakono i Yesu, ”Ongkuemo sala ka menteea ka tuwua. Nahina maupo te'asa mia hawe ndi Ondae i Ama, ba nahi pesala ndi Ongkue.

WINEWEUDO TINENA 13:10

ka ipotae, ”Hei anano i Mosa'o, omue bukeako mperupa-rupa pompopo'oo ka mosa'oa, omue iwalino luwuno menteea, nahi komenaa-naake mokopansiao Sala-Do i Ue anu moleo atuu?

WINEWEUDO TINENA 9:2

ka ipo'ema wunta parenta inso ndi onae ta wawao a luwuno majelisi to Yahudi i Damasi, ka irako ira ka wawa ira i Yerusale, tewala hinao hinaweno tama ke beine anu mpontonda sala-Do i Ue.

GALATIA 5:23

maurua, pabawaio koroi. Nahina songka anu umewaio mongkona luwuno atuu.

IBARANI 10:20

hangano Do'ungkahiomo pesalaa anu wo'ohu ka anu tuwuakita telalo a mpelingo, onaemo koroi-Do isa'a,

YAKOBU 1:21

Onaemo pu'uno imentadiomo luwuakoano anu mokoburu ka anu mosa'o anu hadio ntu'u atuu ka imentarimaomo te molusa-lusa pau anu tepaho i laro aroamiu, anu pabawa kumaduduio sumangamiu.

1 PETURU 3:15

Sine impokomempori Iramo i Kerisituu i laro aroamiu kana Ondae i Ue! Ka impepatindamo a luwuno tempo ka imesangkio sompo-sompo mia anu mpesikenoakono ndi omiu mongkona pomperorohia anu kongko ndi omiu, sine asalakono temauru ka pompelangkai,

1 PETURU 3:4

sine ramba-rambamiu onaemo mia i laro aroa anu tewuniako ramba-ramba anu nahi bali anu tepu'u inso a mpenaa anu mauru ka sintuwu, anu masuli ntu'u olino a pongkita-Do Ue Ala.