Po'unde-unde 25:6 - Wunta Mempori

⁶ Irambeomo moiko ka pompehohawa-Miu, oo Ue, hangano luwuno atuu hinaomo mompu'u i ndi'ipua.

Po'unde-unde 25:6 ပူးပေါင်းရင်းမြစ်များ

Tegagia 24:27

ka ipotae, ”Inunde-unde Iramo i Ue, Ue Alado ueku i Burahima, anu nahi Dopotolao pompehohawa ka petenunu-Do inso ndi ondae ueku atuu. Ongkue mbo'u Dotaate akumo i Ue a nsala lumako a rahado pepaekompodo ueku andio.”

Tegagia 32:9

Ka i'amba motaeomo i Yako, ”Oo Ue Alano i Burahima, uempu'uku, ka Ue Alano i Saki, amaku, Oo Ue anu mepau Komiumo ndi ongkue, ’Pekulemo i witamu saru a mpepaekompomu ka Aku moweweu moiko ndi omue.’

2 Tawarika 6:42

Oo Ue Ala, Itarimaomo mia anu umariomo I'urapio, Ipewowoloomo luwuno petenunu ka pompehohawa-Miu ndi Daudi, tetenaa-Miu atuu.”

Nehemia 13:22

Kutena ira mbo'u to Lewi mokomemporio koroido ka me'aiwa medagaio luwuno pewowa langkai kai pinokomempori oleo Saba. Oo Ue Alaku, Ipewowolo akumo hangano mongkona mbo'u atuu ka Ipehohawa akumo montonda petenunu ka pompehohawa-Miu anu langkai!

Nehemia 9:19

nahi Ibinta ira i pada one, hangano pompehohawa-Miu anu langkai. Seru-Miu nahi pelimba inso i wawodo tempono meene anu wawa ira a mpelempaa, kanatuu koa mbo'u api-Miu tempono wongi anu wantahio sala anu linalodo.

Po'unde-unde 103:17

Sine, pompehohawa-Do i Ue inso nahina tampulaano hawe nahina tampulaano a mia anu doitoako Ira, ka moleo-Do tiado inule,

Po'unde-unde 103:4

Ondae anu kumaduduio penaamu inso a aano kaburu, anu rumamba-ramba uluakomu pompehohawa ka pompowee,

Po'unde-unde 106:1

Haleluya! Pontarimakasimo ndi Ondae i Ue, hangano moiko Ira! Menteeano ranta nahina tampulaano pompehohawa-Do.

Po'unde-unde 106:45

Dorambeo pedandia-Do saru ondae ka Dopehohawa ira menunu saru langkaino pompehohawa-Do.

Po'unde-unde 107:1

Pontarimakasimo ndi Ondae i Ue, hangano me'aroa Ira! Menteeano ranta nahina tampulaano pompehohawa-Do.

Po'unde-unde 119:77

Po'ineeomo pompehohawa-Miu ka ihawe ndi ongkue, ka kutuwu, hangano ku'ineheakono Songka-Miu.

Po'unde-unde 40:11

Moleoa komba kuwunio i laro aroaku, pokongkomi-Miu ka pongkadudui-Miu kupopauo, pompehohawa-Miu ka mentee-Miu komba kupo'iaakono a bawaa anu langkai.

Po'unde-unde 69:13

Ndi ondae anu mpentoro a mpewowa langkai gagi aku wua wiwi ka penani pasinggirido anu memolangu.

Po'unde-unde 69:16

Si po'ineeo uwoi moowo molomo aku, ke ondaloano tahi malua tumele aku, ka si po'ineeo sumuru mekomu umuko aku.

Po'unde-unde 98:3

Dorambeo pompehohawa ka mentee-Do a nsuku Isaraeli, domengkitaomo luwuno tompano tolino tekadudui-Do Ue Alato.

Peluarakoa 15:13

A pompehohawa-Miu i taate ira bawaa anu tinolosi-Miu; Hangano roso-Miu i taate ira hawe a mpo'ianga-Miu anu mempori.

Peluarakoa 34:6

Ka Do'amba i Ue telalo i arono mebooli, ”Ue, Ue, Ue Ala puu pompehohawa, ondau sabara, anu langkai pompehohawa ka petenunu-Do,

Yesaya 55:7

Moikoomo mia mosa'o gauno bintao salano, ka mia lambaha bintao tinoono. Moikoomo ipepokule ndi Ondae i Ue, asalakono Ira mehohawao, ka ndi Ondae Ue Alato, hangano Ondae mo'onini hala hadio ntu'u.

Yesaya 63:15

Ipensiroiomo inso i suruga ka Ikitaomo inso a mpo'ianga-Miu anu mempori ka maramba! Isuake mahakino aroa-Miu ka moroso-Miu, pebundeno aroa-Miu ka pompehohawa-Miu? Kime'emao siimo Ipo'iaakono!

Yeremia 31:20

Kombake i Eparai ana pinehohawa, kombake onae ana anu inehe-eheako? Hangano sompo Kutekudaakono, wela Aku rumambeo; onaemo pu'uno aroa-Ku mondende hangano onae; maupo kana'umpe Aku mehohawao, kanandiomo pau-Do i Ue.

Yeremia 33:11

ta teronge mbo'u suara mawongkoa ka po'undea, suarano umbungkoroi tama ka umbungkoroi beine, suarado mia anu mpotae: Unde-unde Iramo Ueno luwuakoano, hangano Ondae i Ue Atuu moiko, menteeano ranta nahina tampulaano pompehohawa-Do!, tekonai mompesombaako pesomba po'unde-unde a Raha-Do i Ue. Hangano, Aku mokomoikoo teweweuno wita andio kana i ndi'ipua, pau-Do i Ue.

Danieli 9:18

Oo Ue Alaku, po'aroomo biri-Miu ka Irongeomo. Wileomo mata-Miu ka Ikitaomo terawomami ka kota anu pinauako nee-Miu, hangano omami mpohaweo pekakai po'emamami i aro-Miu nahi kimpe'empehiako menteemami, sine me'empehiako pompehohawa-Miu anu hadio ntu'u.

Habaku 3:2

Kurongeomo telele-Miu Ue, ka inangga-Miu, oo Ue, ku'unde-undeo! Ipotuwuomo atuu i tempo andio, Ipokomengkaaomo i tempo andio; a laro ntekuda Irambeomo pompehohawa!

I LUKASI 1:50

Ka pompehohawa-Do mapa'api-api inule a mia anu doitoako Ira.

I LUKASI 1:54

Dotulungio i Isaraeli, tetenaa-Do, hangano Dorambeo pompehohawa-Do,

I LUKASI 1:78

hangano pe'aroa ka pompehohawa inso ndi Ondae Ue Alato, onaemo ka Dohawe kumita kita, mata'oleo mo'oru inso i wawono,

2 KORINTI 1:3

Inunde-unde Iramo Ue Ala, Ama-Do Ueto i Yesu Kerisituu, Ama anu buke pompehohawa ka Ondae Ue Ala pu'uno luwuno pontarero,

PILIPI 1:8

Hangano Ondae Ue Ala sakosiiku ba kana'umpe kutedoa kumekewoiakomiu luwu pompehohawa-Do i Kerisituu Yesu.

PILIPI 2:1

Gaagi hangano ndi Ondae i Kerisituu hinao patudu, hinao pontarero pompehohawa, hinao tepo'asaa Mpenaa, hinao mambe pehohawa ka mambe pekokolaroako,

KOLOSE 3:12

Onaemo pu'uno, kana mia bininiki-Do Ue Ala anu mempinokomempori ka pinehohawa-Do, impokonaomo pompehohawa, pe'aroa, pe'urumako, mauru ka sabara.

1 YOHANE 3:17

Ba isema hinao arataa ntolinono ka ikitao pepaekompono marasaiako makuraa sine nahi perioo pepaekompono atuu, kana'umpeke pompehohawa-Do Ue Ala ka ipokompo'ia mpiha a ngkoroino?