Po'unde-unde 25:5 - Wunta Mempori

⁵ Itaate akumo melempa a laro menteea-Miu ka Ipaguru akumo, hangano Omiumo Ue Ala anu kumadudui aku. Omiu sinisikoriku ilarono asa oleo.

Po'unde-unde 25:5 ပူးပေါင်းရင်းမြစ်များ

Tegagia 49:18

Ongkue monsisikori tekaduduia inso ndi Omiu, oo Ue.

Nehemia 9:20

Iweeako ira penaa-Miu anu moiko ka paguru ira. Ka mana-Miu mbo'u nahi ontoo domengkaano ka Ipoweeako ira uwoi kai tetadi mokoranga.

Ayubi 36:22

Menteeano, Ondae Ue Ala atuu maramba a laro mpabawa-Do; isemake guru kana Ondae?

Po'unde-unde 107:7

Dowawa ira mentondao sala anu moleo, ranta hawe a ngkota po'ianga.

Po'unde-unde 119:26

Luwuno sala ntumuwuku kututuluo ka Isangki aku, Ipaguruakunemo luwuno pompakosi-Miu.

Po'unde-unde 119:33

Ipaguruakunemo pengkonaano luwuno pompakosi-Miu, oo Ue, aku uminio hawe pokotompaano tempo.

Po'unde-unde 119:66

Ipaguruakunemo ponto'ori ka pontimbanga anu mentee, hangano kupe'ala-alao luwuno parenta-Miu.

Po'unde-unde 119:97

Kukekewoio ntu'u Songka-Miu! Kupenootio hawe sumoo oleo.

Po'unde-unde 22:2

Ue Alaku, Ue Alaku, tembio ka Ibinta aku? Mebooli aku, sine Omiu olai mpiha ka nahi tulungi aku.

Po'unde-unde 24:5

Onaemo anu ta montarima ronso inso ndi Ondae i Ue ka moleoa inso ndi Ondae Ue Ala Puu pongkadudui.

Po'unde-unde 25:10

Luwuno pesalaa-Do i Ue onaemo pompehohawa ka menteea a mia anu me'ini a mpedandia-Do ka luwuno pompopoto'ori-Do.

Po'unde-unde 25:8

Ondae i Ue atuu moiko ka mentee; onaemo pu'uno, Ondae montisoakono pesalaano mia anu tesaa.

Po'unde-unde 68:20

Inunde-unde Iramo i Ue! Oleo me'eu oleo Dotembiakita tinembito; Ondaemo Ue Ala tekaduduiato. Sela

Po'unde-unde 79:9

Itulungi kamimo, oo Ue Ala puu pongkaduduimami, pokomarambano nee-Miu! Ipotola kamimo ka I'oniniomo halamami hangano nee-Miu!

Po'unde-unde 86:3

Omiumo Ue Alaku, Ipehohawa akumo, oo Ue, hangano ndi Omiumo kupebooli hawe sumoo oleo.

Po'unde-unde 88:1

Penani. Penani po'unde-undeno inuleno i Kora. Tiano petewawa mpenani. Montonda nanino Mahalati Leanoti. Penani pompaguruno i Hemani, to Eserahi.

Powadi 23:17

Si mosisiri aroamu a mia anu ntehala, sine doitoako Iramo mpiha i Ue.

Powadi 8:34

Me'uraomo mia anu rumonge aku, anu sompo oleo mesikori a mpewowaku, anu dumagaio karuno pewowa langkaiku.

Yesaya 30:18

Onaemo pu'uno, Ondae i Ue mesisikori Ira mopokitao pompehohawa-Do ndi omiu; onaemo ka Dopentade mehohawa komiu. Hangano Ondaemo Ue Ala anu moleo; meme'uraomo mia anu sumisikori Ira!

Yesaya 35:8

I ra'ai ta hina sala langkai, anu nineeako Sala Mempori; mia anu nahi mempori nahi ta lumaloo, – sine sala atuu pinatindaako bawaa-Do – mia mpelakopi ka maupo mia benge-benge nahi ta tesaa i wawono.

Yesaya 42:16

Aku tumaate ira mia memorawu a nsala anu nahi domento'orio, a pesalaa anu nahi domento'orio. Aku wawa ira mpelempa. Aku weweuo wongi-wongi i arodo gagi mewine ka wita anu mpebanga-bangano gagi wita anu merete. Mongkonamo anu kanatuu Aku weweuo ndi ondae, anu asalakono Aku weweuo.

Yesaya 49:10

Ondae nahi domemokoninggo ka mokoranga; mokula lansara ka makarano oleo nahi ta umalu ira, hangano anu Mehohawa ira ta wawa ira ka tumaate ira a umpeda insoano uwoi.

Yesaya 54:13

Luwuno anamu ira megagi ana guru-Do i Ue, ka langkaiomo manangaido anamu.

Yeremia 31:9

Saru mpengese ira me'aiwa, saru mepepehohawa Aku wawa ira; Aku wawa ira a luwuno korono, a nsala anu merete, i ra'ai nahi ira ntetidu; hangano Ongkuemo amano i Isaraeli, ka i Eparai ana aka-Ku.

Mika 7:7

Sine ongkue andio sumisikori Ira i Ue, momperorohi ndi Ondae Ue Ala anu kumadudui aku; Ondae Ue Alaku Ira rumonge aku!

I LUKASI 18:7

Nde nahi Ira mokomenteeo Ue Ala luwuno mia bininiki-Do anu meene ka wongi mpebooli ndi Ondae? Ka nde Ira motuluoke tempo ka Do'amba tumulungi ira?

I YOHANE 14:26

sine Pontarero, onaemo Penaa Mempori, anu ta tinena-Do i Ama a neeKu, Ondaemo anu Ira paguruakomiu luwuakoano ka Ira mopoto'oriakomiu luwuno anu Kupauakomiu.

I YOHANE 16:13

Sine tewala hawe Ira, onaemo Penaa Menteea, Ondae Ira wawa komiu a luwuno menteea; hangano nahi Ira mepau inso a mpo'ehe-Do Ondae-Do, sine luwuakoano anu rinonge-Do onaemo anu Ira pauo ka Ira paleleakomiu luwuno anu ta hawe.

I YOHANE 6:45

Hinao teburi a wuntado nabi: Ka luwudo Ondae Ue Ala paguru ira. Ka sompo mia, anu rumongeomo ka tumarimao pompaguru inso ndi Ondae i Ama, aiwa ndi Ongkue.

ROMA 8:14

Luwuno mia anu tinaate-Do Penaa-Do Ue Ala, ondaemo ana-Do Ue Ala.

1 YOHANE 2:27

Hangano a ngkoroimiu kongko mpiha po'urapi anu imentarimaomo inso ndi Ondae. Onaemo pu'uno nahi ira mempaguru komiu mia susua. Sine ba kana'umpe po'urapi-Do paguru komiu mongkona luwuakoano – ka pompaguru-Do atuu mentee, komba pegaupi – ka ba kana'umpe i ndi'upua Dopaguru komiumo, ka ikanandiomo impo'ia mpiha i laro-Do.

MENGKAAA 7:17

Hangano Ana Bimba anu i tonga-tongano kadera poparentaa atuu, ta pakambi ira ka ta tumaate ira a mata uwoi tuwua. Ka Ondae Ue Ala Ira pahihio luwuno uwoi mata inso a matado.”