Po'unde-unde 25:3 - Wunta Mempori

³ Oo, luwuno mia anu sumikori Komiu nahi ta pinokoko'ii; po'ineeomo domempinokoko'ii anu moruana mohapu pedandia.

Po'unde-unde 25:3 ပူးပေါင်းရင်းမြစ်များ

Tegagia 49:13

I Sebulo ta rodo i wiwi ntahi, onae gagi tiimano kapala, ka tidano hawe i Sidoni.

1 Tawarika 10:13

Kanandiomo mateno i Saulu, hangano nahi petenunu ndi Ondae i Ue, hangano nahi tondao pau-Do i Ue ka mesikeno mbo'u mo'ema pontiso a onituno mia mate,

Po'unde-unde 109:3

saru luwuno pau mpo'o'alia domengkadu aku ka mpeteaakune nahina pu'uno.

Po'unde-unde 119:78

Po'ineeomo mia anu mompelangka-langkai ipinokoko'ii, hangano molengkudo mempopo'oo aku sine aku menootio luwuno parenta-Miu.

Po'unde-unde 123:2

Kitao, kana matado ata ntama te'aro a ngkaeno pe'ueado, kana matano ata beine te'aro a ngkaeno pe'ueano beine, kanatuumo matato te'aro ndi Ondae i Ue, Ue Alato, hawe ka Dopehohawa kita.

Po'unde-unde 132:18

Luwuno iwalino Aku mokonaako ira sangka pompokongkodei, sine a wawo uluno ta mewanta ramba-ramba uluno.”

Po'unde-unde 22:6

Ndi Omiu ondae mpeboo-booli, ka ondae mempinotola; ndi Omiu dompompe'ala-ala, ka nahi domemokoko'ii.

Po'unde-unde 27:14

Sikori Iramo i Ue! Pokorosoo ka pedatoomo aroamu! Sikori Iramo i Ue.

Po'unde-unde 31:17

Iweweuomo rupa-Miu mewanta a ntetenaa-Miu, Ikadudui akumo hangano pompehohawa-Miu anu nahi bali!

Po'unde-unde 31:18

Ue, si po'inee aku pinokoko'ii, hangano mebooli aku ndi Omiu; po'inee iramo mia mosa'o gaudo mempinokoko'ii ka mpetii a ntolinodo mia mate ka mengkomino.

Po'unde-unde 33:20

Sumangato sumisikori Ira i Ue. Ondaemo puu pontulungito ka kantato!

Po'unde-unde 35:26

Po'ineeomo domempinokoko'ii ka kongira-ngira luwuno mia anu mpo'undeakono urasa'oku; po'ineeomo mokoko'ii ka pontata gagi pesangkado mia anu pelangkaio koroido ndi ongkue!

Po'unde-unde 37:34

Sikori Iramo i Ue ka tondaomo mpiha pesalaa-Do, ka Ira tumandeko ka upe'ueo wita andio, ka kokumitao mia mosa'o gauno pinokotampula.

Po'unde-unde 6:10

Dorongeomo i Ue po'emaku, Ondae i Ue tumarimao pekakaiku.

Po'unde-unde 62:1

Tiano petewawado anu mpenani. Montonda Yedutuni. Penani po'unde-undeno i Daudi.

Po'unde-unde 62:5

Mentee ntu'u, mpotoo ira mpepasiakono inso a mpentoroano anu mantande, ondae anu inehedo mpegaupi; saru ngangado domporonso, sine i laro aroado mpontotonaa ira. Sela

Po'unde-unde 69:4

Telusa aku hangano meboo-booli, motu'i burokoku; mataku mooro hangano merorohi Ira Ue Alaku.

Po'unde-unde 69:6

Oo Ue Ala, Omiu tumo'orio benge-bengeku, luwuno salaku nahi tewuni ndi Omiu.

Po'unde-unde 71:13

Po'ineeomo dompohawe mokoko'ii ka pingko memate mia anu mpe'iwaliakune; po'ineeomo dompesoumbuako pontata ka mokoko'iia mia anu pompewowolo masolaaku!

Yesaya 25:9

I tempo atuu mia ira mpotae, ”menteeano, Ondaemo andio Ue Alato. Tomensisikori Ira, ka Dokadudui kitamo. Ondaemo andio Ue anu sinisikorito; aiwamo tomengkokora-kora ka mpo'undeakono pontulungi-Do!”

Yesaya 40:31

sine mia anu sumisikori Ira i Ue mohawe roso wo'ohu: ondae kana rajawali anu meneeako rosono panino; ondae mpelulu ka nahi domegagi molema, ondae mpelempa ka nahi domegagi mokendo.

Yesaya 49:23

Luwuno mokole ira megagi puu mpete'iamu ka kombiado megagi puu mpete'ia beine ndi omue. Ira mpesomba ndi omue ranta rupado hawe a wita ka ira mensile'io pampawu a ngkarumu, Ka kotumo'orio, nine Ongkuemo Ue, ka mia anu mensisikori Aku nahi ira mpohawe mokoko'ii.”

Yeremia 20:11

Sine Ondae i Ue kumongkomi aku kana puu mpetea anu moroso, onaemo pu'uno anu melampui aku ira ntetidu ntebangku ka nahi domehawe aku. Ondae gagi tedoa memokoko'ii, hangano nahi domehawe aku, asa mokoko'iia anu nahi ta kinolupe ranta nahina tampulaano!

Ponsabangi 3:25

Ondae i Ue atuu moiko a mia anu momperorohi ndi Ondae, sumangano anu umungke Ira.

Mika 7:7

Sine ongkue andio sumisikori Ira i Ue, momperorohi ndi Ondae Ue Ala anu kumadudui aku; Ondae Ue Alaku Ira rumonge aku!

I YOHANE 15:25

Sine pau anu teburi a wunta songka Taura asalakono dome'ihiio: Dome'o'aliaa-Kune nahina pu'uno.

ROMA 8:25

Sine tewala tompe'osaio hapa anu nahi tomengkitao, modato aroato mensikorio.