Po'unde-unde 25:12 - Wunta Mempori

¹² Isemake mia anu doitoako Ira i Ue? Ndi onae Dopontisoakono i Ue pesalaa anu asalakono ibinikio.

Po'unde-unde 25:12 ပူးပေါင်းရင်းမြစ်များ

Tegagia 26:2

Ka Do'amba i Ue mepopokita ndi onae saru mepau, ”Siimo lako i wita Masiri, po'iamo i wita anu Aku pauakomu.

Po'unde-unde 111:10

Pompu'uano ponto'ori anu mentee onaemo doitoako Ira i Ue, luwuno mia anu weweuo mohawe pokonto'ori anu moiko. Po'unde-unde ndi Ondae nahi bali ranta nahina tampulaano.

Po'unde-unde 32:8

Aku paguruko ka tumisoakomu pesalaa anu asalakono ka utondao; Aku moweeakomu patudu, mata-Ku te'aro ndi omue.

Po'unde-unde 37:23

Ondae i Ue pakosio pelempano mia anu tuwuno Dopemoikoo;

Peluarakoa 4:15

Asalakono kau pepau ndi onae ka pauakono hapa anu ta pinaumu; Aku koa tumulungio elomu ka elono mepau. Aku koa paguruakomiu hapa anu ta wineweumiu.

Powadi 1:7

Doitoako Ira i Ue onaemo pompu'uano ponto'ori, sine mia benge-benge tumetewehio ponto'ori anu mentee ka pompaguru.

Powadi 15:33

Doitoako Ira i Ue onaemo pompaguru anu mowawa ponto'ori anu mentee, ka pe'urumako mese'elungio pompelangkai.

Powadi 16:6

Saru pompehohawa ka petenunu, sala inampuni, hangano doitoako Ira i Ue mia olaiakono wineweu mosa'o.

Powadi 2:5

ka omue komohawe ponto'ori mongkona doitoako Ira i Ue ka mohawe ponto'ori mongkona Ondae Ue Ala.

Powadi 2:9

Hangano kanandio omue ko mokonto'orio mongkona menteea, moleoa, ka nahina pegaupi, onaemo luwuno pesalaa anu moiko.

Puu Pontutulu 12:13

Poko'ariano pau inso a luwuno anu rinonge onaemo doitoako Ira Ue Ala ka pekariaomo luwuno parenta-Do, hangano andio onaemo anu ta wineweudo sompo mia.

Yesaya 35:8

I ra'ai ta hina sala langkai, anu nineeako Sala Mempori; mia anu nahi mempori nahi ta lumaloo, – sine sala atuu pinatindaako bawaa-Do – mia mpelakopi ka maupo mia benge-benge nahi ta tesaa i wawono.

Yesaya 50:10

Isema i olomiu anu dumoitoako Ira i Ue ka merorongeakono pauno tetenaa-Do? Tewala onae tuwu a laro wongi-wongi ka nahina wanta pansario, moikoomo ka ipompe'ala-ala a nee-Do i Ue ka momperorohi ndi Ondae Ue Alano!

I YOHANE 7:17

Ba isema anu behe weweuo po'ehe-Do, onae ta tumo'orio pompaguru-Ku andio ba te'inso ndi Ondae Ue Ala, ke pepau-Ku inso a ngkoroi-Ku Ongkue-Ku.

WINEWEUDO TINENA 10:2

Onae moleo aroano, onae saru luwuno pe'asa rahano doitoako Ira Ue Ala ka hadio ipompowee petulungi a nto Yahudi ka wela mekakai ndi Ondae Ue Ala.

WINEWEUDO TINENA 10:22

Mesangki ira, ”I Koroneliusu, aasa petewawa sorodadu anu moleo aroa ka doitoako Ira Ue Ala, ka anu teto'ori moiko i olodo luwuno to Yahudi, montarimaomo pepokomengkaa-Do Ue Ala a mala'eka-Do anu mempori, ka ipoboi komiu lumako i rahano ka rumongeo hapa anu komiu pauo.”

WINEWEUDO TINENA 11:14

Onae ta mompohaweakomu aasa lele, anu ta mowawaakomu tekaduduiamu ka luwuno pe'asa rahamu.

WINEWEUDO TINENA 13:26

Hei pepaekompoku, moiko anu tewinso a inuleno i Burahima, maupo anu doitoako Ira Ue Ala, lele tekaduduia atuu pinohaweomo ndi ontae.

Yosua 3:4

butu olomiu ka burua atuu bara'ura ruansowu hiku olono, sime'umpedaakono pengkonaano ka imento'oriokoa sala anu lano komiu mentondao, nde sala atuu napi hori imelaloo.”

1 YOHANE 2:27

Hangano a ngkoroimiu kongko mpiha po'urapi anu imentarimaomo inso ndi Ondae. Onaemo pu'uno nahi ira mempaguru komiu mia susua. Sine ba kana'umpe po'urapi-Do paguru komiu mongkona luwuakoano – ka pompaguru-Do atuu mentee, komba pegaupi – ka ba kana'umpe i ndi'upua Dopaguru komiumo, ka ikanandiomo impo'ia mpiha i laro-Do.

1 Samueli 9:6

Sine ata atuu motaeakono, ”Siipo'ari, i kota andio hinao asa tetenaa-Do Ue Ala, asa mia anu tedoa pinelangkai. Luwuno anu pinaudo asalakono gagi. Aiwamo ka tolako i ra'ai, bara'ura ira ta paua kita pesalaa anu ta tinondato.”