Po'unde-unde 25:10 - Wunta Mempori

¹⁰ Luwuno pesalaa-Do i Ue onaemo pompehohawa ka menteea a mia anu me'ini a mpedandia-Do ka luwuno pompopoto'ori-Do.

Po'unde-unde 25:10 ပူးပေါင်းရင်းမြစ်များ

YAKOBU 5:11

Menteeano kimempau ira meme'ura, onaemo andio anu mpompedato iramo; imerongeomo mongkona pompedatono i Ayubi ka imento'oriomo hapa anu poko'ariano Dopatiandaakono i Ue, hangano Ondae i Ue tedoa mompehahowa ka buke pe'aroa.

ROMA 8:28

Tomento'orio kanandio-andio, nine Ondae Ue Ala mo'angga Ira a luwuakoano mompokohina moikoado anu kumekewoi Ira, onaemo tiado mia anu mempinoboi menunu saru tinoo-Do Ue Ala.

Po'unde-unde 40:11

Moleoa komba kuwunio i laro aroaku, pokongkomi-Miu ka pongkadudui-Miu kupopauo, pompehohawa-Miu ka mentee-Miu komba kupo'iaakono a bawaa anu langkai.

I YOHANE 1:17

hangano songka Taura inso ndi Musa, sine pe'aroa ka menteea hawe inso ndi Ondae i Yesu Kerisituu.

Po'unde-unde 91:14

”Hangano aroano metako ndi Ongkue, onaemo pu'uno Aku motolao, Aku rumereio, hangano ito'orio nee-Ku.

ROMA 2:13

Hangano komba mia anu moronge songka Taura anu mentee i aro-Do Ue Ala, sine mia koa anu weweuo songka Taura anu pinokomentee.

IBARANI 12:14

Imentuwumo sintuwuako ira luwuno mia ka ime'ungkeomo memporia, hangano nahina maupo te'asa mia ta kumita Ira i Ue ba nahi mempori.

WINEWEUDO TINENA 10:35

Sompo mia maupo inso a tongku i sua anu doitoako Ira ka moweweu anu mentee Dopemoikoo.

I YOHANE 1:14

Pau atuu gagiomo mia, ka mo'ia i oloto, ka tomengkitaomo maramba-Do, onaemo marambaa anu Dowineeako gagi Ana-Do i Ama Anu Asa-asa, buke pompehohawa ka menteea.

Sepanya 2:3

Ungke Iramo i Ue, oo luwuno mia anu me'urumako i wita anu weweuo songka-Do. Ungkeomo moleoa, ungkeomo pe'urumakoa; bara'ura komiu koa ntekadudui a oleo tekudaa-Do i Ue.

Yesaya 43:2

Tewala omue sumaki molalo uwoi, Aku koa kumongkomiko, ke lumalo ira korono, nahi ta molomoko; tewala omue melempa molalo api, nahi ta mokomo'aiko, langano api nahi ta sumongkoko.

Yesaya 25:1

Oo Ue, Omiumo Ue Alaku; aku melangkai Komiu, umunde-undeo nee-Miu, hangano Iweweuomo luwuno tinoo-Miu anu kinohali-haliako, anu mompu'u i ndi'ipua pine'ala-ala ka moroso.

Po'unde-unde 98:3

Dorambeo pompehohawa ka mentee-Do a nsuku Isaraeli, domengkitaomo luwuno tompano tolino tekadudui-Do Ue Alato.

Po'unde-unde 89:14

Omiu koa me'ueo tokia anu moroso, kae-Miu moroso ka kae ngkoana-Miu tetande mantande.

Po'unde-unde 85:10

Mentee ntu'u, pontulungi-Do umpeda a luwuno mia anu doitoako Ira, onaemo ka ipo'ia maramba-Do i witato.

Po'unde-unde 57:3

Mebooli aku ndi Ondae Ue Ala, Anu Tedoa Mantande, ndi Ondae Ue Ala anu Ira mombaloakune.

Po'unde-unde 50:23

Isema anu mompesombaako pesomba po'unde-unde, onae umunde-unde Aku; mia anu mentee pesalaano, Aku mopokitaakono tekaduduia inso ndi Ondae Ue Ala.”

Po'unde-unde 33:4

Hangano pau-Do i Ue atuu mentee, luwuakoano Do'anggaakono petenunu.

2 Samueli 15:20

Da indiawi uhawe, kana'umpemo a oleo andio aku wawako melakopi meronga saru omami, kontongaano asalakono aku lumako nahi kuto'orio ba isua. Pekulemo ka wawa ira mbo'u luwuno pepaekompomu. Po'ineeomo Ondae i Ue mopokitao pompehohawa ka pokongkomi-Do ndi omue!”

Tegagia 24:27

ka ipotae, ”Inunde-unde Iramo i Ue, Ue Alado ueku i Burahima, anu nahi Dopotolao pompehohawa ka petenunu-Do inso ndi ondae ueku atuu. Ongkue mbo'u Dotaate akumo i Ue a nsala lumako a rahado pepaekompodo ueku andio.”

Tegagia 17:1

Tempono i Burama tinuwuno sio pulu ka osio nta'u, Ondae i Ue mepopokita ndi Burama ka Dopepau ndi onae, ”Ongkuemo Ue Ala Anu Tedoa Pabawa, tuwumo i aro-Ku saru nahina tataano.

Tegagia 5:24

Pelempano tumuwuno i Heno momperorohi ndi Ondae Ue Ala, ka i'amba namikongko mbo'u, hangano Dotandeomo Ue Ala.

Hosea 14:9

I Eparai, hapa mbo'u tekaino ndi Ongkue a luwuno lahumoa? Ongkuemo anu sumangki ka mensiroiko! Ongkue andio kana keu sanobari anu molowulu, inso ndi Ongkue upohawe wua.

Po'unde-unde 138:7

Maupo kupelempa a laro ma'isoa, Omiu kumaduduio tuwuku inso a ntekudado iwaliku; Iweroo kae-Miu, ka kae ngkoana-Miu kumadudui aku.