Po'unde-unde 24:3 - Wunta Mempori

³ ”Isemake anu moiko ipewuatako a wawo ntorukuno-Do i Ue? Isemake anu moiko ipentade a mpo'ianga-Do anu mempori?”

Po'unde-unde 24:3 ပူးပေါင်းရင်းမြစ်များ

1 Tawarika 15:1

I Daudi wangu ira raha langkai tiano koroino i kota Daudi. Ka i'amba mompatinda po'iangano Burua-Do Ue Ala ka mompasaakono kema.

Po'unde-unde 15:1

Penani po'unde-undeno i Daudi. Ue, isema anu moiko tetoro a laro ngkema-Miu? Isema anu moiko ipo'ia a ntorukuno-Miu anu mempori?

Po'unde-unde 2:6

”Ongkuemo anu motoroo mokole-Ku i Sioni, torukuno-Ku anu mempori!”

Po'unde-unde 65:4

hangano mensala. Luwuno halamami lumaloio rosomami, sine Omiumo anu pahihio.

Po'unde-unde 68:18

Luwuno kareta-Do Ue Ala mopulu nsowu, tendeano mapasowu-sowu hadiono; Ondae i Ue hawe Iramo inso i Sinai, mewinso a mpo'ianga mempori!

Yehesikieli 44:5

Ondae i Ue mepau ndi ongkue, ”Hei anano mia, pekokoongakono temoiko, pepenteeo ka perorongeakono ntu'u luwuakoano anu Aku pauo ndi omue mongkona luwuno atorano Raha-Do i Ue ka luwuno songkano. Pekokoongakono temoiko pesalaa mewinso a Raha Mempori ka luwuno pesalaa meluarako a mpo'ianga mempori atuu.

Yehesikieli 44:9

Onaemo pu'uno, kanandiomo pau-Do Ue Ala: Nahina maupo te'asa mia inso a luwuno mia hawe anu nahi petindi ke maupo nahi petindi aroano, moiko ipewinso a laro po'ianga mempori-Ku, humbee sompo mia hawe anu kongko i tonga-tongado to Isaraeli.

Imama 10:3

Mepauomo i Musa ndi Haruni, ”Onaemo andio anu pinau-Do i Ue: Mia anu umpeda ndi Ongkue Kupokomengkaao mempori-Ku, ka i arodo luwuno tongku atuu Aku mopokitao maramba-Ku.” I Haruni butu menoro-noro.

Maleaki 3:1

Kitao, Kutenao tinena-Ku ka ipatindao sala i aro-Ku! Nahi mengkoo-kooo Ondae i Ue anu inungkemiu atuu Ira hawe a raha-Do. Mala'eka Pedandia anu rinorondomiu atuu, menteeano hawe Ira, pau-Do Ueno luwuakoano.

I YOHANE 13:36

I Simo Peturu motaeako Ira i Yesu, ”Ue, isuake ba Ilako?” Sumangki Ira i Yesu, ”A mpo'ianga lakoa-Ku, nahi komokotonda Aku kanandio-andio, sine te'ipua kokoa tumonda Aku.”

I YOHANE 20:17

Motae Ira i Yesu ndi onae, ”Si ini aku, hangano napi Kulako ndi Ondae i Ama, sine lakomo a luwuno pepaekompo-Ku ka pauako ira, nine kanandio-andio Aku lumako ndi Ondae Ama-Ku ka Amamu, ndi Ondae Ue Ala-Ku ka Ue Alamu.”

IBARANI 12:28

Gaagi, hangano mpontarima kita poparentaa anu nahi telelu, aiwamo tompontarimakasi ka mpesomba ndi Ondae Ue Ala montonda gau anu pinemoiko-Do, saru pompelangkai ka doito.