Po'unde-unde 24:1 - Wunta Mempori

¹ Penani po'unde-undeno i Daudi. Ondaemo i Ue anu me'ueo tolino saru luwuno ihino, saru luwuno anu mo'ia i larono.

Po'unde-unde 24:1 ပူးပေါင်းရင်းမြစ်များ

1 Tawarika 29:11

Oo Ue, Omiumo me'ueo langkaino potoro ka pompoli, pompelangkai ka telelea ka marambaa, oo, luwuakoano anu kongko i langi ka i tolino! Oo Ue, Omiumo me'ueo poparentaa ka Omiu anu lalu mantande gagi petewawa lumaloio luwuakoano.

1 Tawarika 29:16

Oo Ue, Ue Alamami, luwuno hadio ntu'u anu kimempatindaomo wanguno raha-Miu, po'iangano nee-Miu anu mempori tepu'u inso a ngkae-Miu ka Omiumo me'ueo luwuakoano.

2 Tawarika 25:9

Ka i'amba motae i Amasia a ntetenaa-Do Ue Ala atuu, ”Kana'umpemo asa etu talenta anu kuweeako iramo luwuno sorodadu Isaraeli?” Sumangki tetenaa-Do Ue Ala atuu, ”Ondae i Ue moweeakomiu laalo sekono atuu!”

Ayubi 34:13

Isema me'ala-alaakono tolino ndi Ondae? Isema mopotembioako Ira asa wawontolino?

Ayubi 41:11

Inso a laro engeno membombo laho kana inso a ngkuro anu rede ka ihino monggenggelento.

Ayubi 41:3

Nahi Aku komino mongkona parewa ngkoroino, mongkona moroso ka mosiano ka tinadeno anu tekosi.

Po'unde-unde 50:10

hangano Ongkuemo me'ueo luwuno kondehora a ntobu, ka sowu-sowuno pinotuwu a ntorukuno.

Po'unde-unde 50:12

Tewala mokoninggo Aku, nahi paraluu Kupauakomu, hangano Ongkuemo me'ueo tolino ka luwuno ihino.

Po'unde-unde 89:11

Omiumo anu piregoo i Rahabi kana mia anu monsumbele, saru kae-Miu anu moroso sumiarawoo iwali-Miu.

Po'unde-unde 89:12

Omiu koa me'ueo langi, Omiu koa mbo'u me'ueo tolino, wawontolino saru ihino Omiu koa mokogagio.

Po'unde-unde 98:7

Po'ineeomo rurunduno tahi saru ihino, tolino saru luwuno anu mpo'ia i larono!

Peluarakoa 19:5

Gagi kanandio-andio, tewala mentee ntu'u komiu mpoperorongeako pau-Ku ka mpe'ini a mpedandia-Ku, komiu megagi tongku pinehohawa-Ku inso i olodo luwuno tongku, nde asa wawontolino andio Ongkue me'ueo.

Peluarakoa 9:29

Ipotae i Musa ndi Pirao, ”Tempono kupeluarako inso i kota andio, aku tumandeo kaeku ndi Ondae i Ue. Rundu ta menaa-naa ka usa uwoi watu nahi ta metii mbo'u, onae ka uto'oriokoa, nine tolino Ondae i Ue me'ueo.

Danieli 4:25

omiu ueku komiu sinaari inso i olodo mia ka po'iangamiu ueku ta kongko i olodo kondehora a mpada. Ndi omiu ueku pinoweeako kaanga ewo kana sapi, ka komiu mobahoako tontoru inso i langi. Kanatuumo ta gagi ndi omiu ueku i larono opitu tempo, ranta ka imangaku nine Ondae Anu Tedoa Mantande pabawa a poparentaano mia ka meweengakono ndi sema anu inehe-Do.

Mika 4:13

Pentademo ka sesaomo, hei ana beine Sioni, hangano tandumu Aku weweuo kana labu, ka kukumu Aku weweuo kana mala, ranta ka uperawo-rawo ira hadio tongku; Omue komesusuao rinontudo tia-Do i Ue ka pompolido tia-Do Ueno asa wawo ntolino.

Nahumi 1:5

Luwuno torukuno melelu i aro-Do, ka luwuno pongku loono. Tolino tetande i aro-Do, wawontolino saru luwuno palilino.

1 KORINTI 10:26

Hangano, ”Tolino ka luwuno ihino Ondae i Ue me'ueo.”

Winali 10:14

Menteeano Ondae i Ue, Ue Alamiu anu me'ueo langi, tendeano langi anu i wawoio luwuno langi, ka tolino saru luwuno ihino.