Po'unde-unde 23:1 - Wunta Mempori

¹ Penani po'unde-undeno i Daudi. Ondaemo i Ue puu mpopakambiku, nahi ta hina makuraku.

Po'unde-unde 23:1 ပူးပေါင်းရင်းမြစ်များ

Po'unde-unde 34:11

Luwuno singa mongura memarasai mokoninggo, sine luwuno mia anu umungke Ira i Ue, nahi pompemakura maupo te'asa anu moiko.

Po'unde-unde 78:52

tempono Dowawa ira bawaa-Do kana luwuno bimba, ka wawa ira kana bawaano pinotuwu i pada one;

Po'unde-unde 79:13

Ka omami andio, bawaa-Miu, ka bawaano bimba pinakambi-Miu, kami me'unde-unde Komiu ranta nahina tampulaano, ka kami mempaleleo po'unde-unde tia-Miu mapa'api-api inule.

Po'unde-unde 84:11

Hangano moikoopo asa oleo a kintala-Miu sekonopo asa nsowu oleo a mpo'ianga susua; moikoopo kongko i arono pewowano raha-Do Ue Alaku sekonopo mo'ia a ngkemado mia mosa'o gaudo.

Yesaya 40:11

Kana asa mia puu pompakambi Dopakambi ira bawaano pinotuwu-Do ka Dopumpuako ira kae-Do; ana bimba Do'awi ira, ineno bimba Dotaate ira.

Yeremia 31:10

Rongeomo pau-Do i Ue, hei luwuno tongku, pauomo a luwuno wita i wiwi ntahi anu olai, potaemo: Ondae anu sumiarawo iramo to Isaraeli Ondae koa mbo'u wali pumpu ira, ka dumagai ira kana puu mpopakambi a bawaano bimbano!

Yehesikieli 34:14

A ntongampada anu moiko Aku pakambi ira a wawo luwuno torukuno i Isaraeli anu ondau i tu'aimo pakambiado. A mpopakambia anu moiko atuu ira mpepombole ka ewo anu mewalo gagi kaangado a luwuno torukuno i Isaraeli.

Mika 5:2

Onaemo pu'uno dopo'inee ira ka ihaweako tempono beine anu kontongaano me'ana umariomo me'ana. Ka i'amba anu susuano inso a luwuno pepaekompono ira mpepokule a luwuno anano i Isaraeli.

Mika 5:4

Onae ta gagi rodoa. Tewala to Asuri mpewinso a witato ka mpewinsokio luwuno benteto, kita mpontiso opitu puu mpopakambi umewaio, maupo oalu petewawado palili.

I MATIU 6:33

Sine ime'ungkeomo ari Poparentaa-Do Ue Ala ka mentee-Do, ka luwuno atuu Ira tumiangiakomiu.

I YOHANE 10:11

Ongkuemo Puu Pompakambi anu moiko. Puu Pompakambi anu moiko meweengakono penaano tiado luwuno bimbano;

I YOHANE 10:14

Ongkuemo Puu Pompakambi anu moiko ka Kuto'ori ira bimba-Ku ka bimba-Ku domento'ori Aku

ROMA 8:32

Ondae, anu nahi Dopehohawao ana-Do Ondae-Do, sine anu meweengako Ira hangano ontae luwuto, kana'umpeke ka nahi Ira moweeakita luwuakoano meronga saru Ondae?

PILIPI 4:19

Ondae Ue Alaku Ira mokosompoo luwuno kineremiu montonda kaeaa ka maramba-Do ndi Ondae i Kerisituu Yesu.

IBARANI 13:20

Ka Ondae Ue Alano rodoa, anu hangano rea pedandia anu nahina tampulaano Dopokule Iramo inso i olodo mia mate Puu pompakambi Langkai anu pakambi ira luwuno bimba, onaemo Ondae i Yesu, Ueto,

1 PETURU 2:25

Hangano i ndi'upua ntesaa komiu kana bimba, sine kanandio-andio mpepokule komiumo a puu pompakambi ka mpekariao sumangamiu.

1 PETURU 5:4

Ka omiu, tewala hawe Ira Puu Pompakambi Langkai, komiu mpontarima ramba-ramba ulu marambaa anu nahi pokomoleu.

MENGKAAA 7:17

Hangano Ana Bimba anu i tonga-tongano kadera poparentaa atuu, ta pakambi ira ka ta tumaate ira a mata uwoi tuwua. Ka Ondae Ue Ala Ira pahihio luwuno uwoi mata inso a matado.”