Po'unde-unde 22:3 - Wunta Mempori

³ Ue Alaku, ongkue meboo-booli i tempono meene, sine nahi Isangki, ka i tempono wongi, sine nahi kurodo koa mbo'u.

Po'unde-unde 22:3 ပူးပေါင်းရင်းမြစ်များ

Ayubi 19:7

Menteeano, mebooli aku: Lambaha! Sine nahina anu sumangki. Mebooli aku mepetulungi, sine nahina moleoa.

Ayubi 30:20

Mebooli aku mepetulungi ndi Omiu sine nahina sangki-Miu; mentade aku mesikori sine nahi Iperio aku.

Po'unde-unde 145:17

Ondae i Ue atuu moleo a luwuno poweweu-Do ka buke pompehohawa a luwuno wineweu-Do.

Po'unde-unde 50:23

Isema anu mompesombaako pesomba po'unde-unde, onae umunde-unde Aku; mia anu mentee pesalaano, Aku mopokitaakono tekaduduia inso ndi Ondae Ue Ala.”

Po'unde-unde 65:1

Tiano petewawado anu mpenani. Penani po'unde-undeno i Daudi. Penani.

Po'unde-unde 88:2

Oo Ue, Ue Ala anu kumadudui aku, meene mebooli aku, i tempono wongi da kongko aku i aro-Miu.

Po'unde-unde 99:9

Pelangkai Iramo i Ue, Ue Alato, ka penggolontuumo pesomba a ntorukuno-Do anu mempori! Hangano Ondae i Ue, Ue Alato, mempori!

Yesaya 6:3

Ondae mpebooli mpesangki-sangki, ”Mempori, mempori, mempori Iramo Ueno luwuakoano, asa wawontolino buke maramba-Do!”

Habaku 1:2

Opiapo mbo'u tempono, oo Ue, kupebooli, sine nahi Irongeo; mebooli aku ndi Omiu, ”Pobobarasaia!” sine nahi Itulungi aku?

Winali 10:21

Ondaemo pu'uno po'unde-undeamiu ka Ondaemo Ue Alamiu, anu umariomo weweuo i olomiu luwuno wineweu anu langkai ka mongkokongiri, anu imengkitaakonomo matamiu.

MENGKAAA 4:8

Ka opaa anu mentuwu atuu singge hinao panino onoo, lumimbuo ka te'alaako i larono bukeako mata, ka saru nahi dompenaa-naa mpebooli meene ka wongi, ”Mempori, mempori, mempori Iramo Ue Ala, Anu Tedoa Pabawa, anu kongko Iramo ka anu kongko ka anu Ira hawe.”