Po'unde-unde 21:3 - Wunta Mempori

³ Po'eheno aroano I'induakonomo ka po'emano wiwino itarimao. Sela

Po'unde-unde 21:3 ပူးပေါင်းရင်းမြစ်များ

2 Samueli 12:30

I alao songko mokole inso a uluno mokoledo, mobeano asa talenta wulaa, meramba-rambaako watu paramata anu masuli olino. Ka i'amba songko mokole atuu pinokonaako a uluno i Daudi. Onae mowawa hadio ntu'u pinomuru inso a ngkota atuu.

2 Samueli 2:4

Ka do'amba mehawe to Yehuda, ka dome'urapio i Daudi i ra'ai gagi mokoledo to Yehuda. Ka i'amba domempauakono i Daudi kanandio, ”To Yabesi-Gilea domengkaburuomo i Saulu.”

2 Samueli 5:3

Ka i'amba me'aiwa iramo luwuno mia memota'u Isaraeli mpe'aro ndi ondae mokole i Heberoni. Ka i'amba mokole Daudi moweweu pedandia saru ondae i Heberoni i aro-Do i Ue. Dome'urapio i Daudi gagi mokoledo to Isaraeli.

1 Tawarika 20:2

Umarino atuu i Daudi umalao songko mokole inso a uluno mokoledo, teto'ori mobeano asa talenta wulaa, meramba-rambaako watu paramata anu masuli olino. Ka i'amba songko mokole atuu pinokonaako a uluno i Daudi. Onae mowawa hadio ntu'u pinomuru inso a ngkota atuu.

2 Tawarika 6:41

Kanandio-andio, Ipewinsomo oo Ue Ala, a mpenaa-naa-Miu, Omiu saru burua roso-Miu! Po'ineeomo oo Ue Ala, luwuno sando mpesomba-Miu mpesangkaako tekaduduia, ka luwuno mia pinehohawa-Miu memawongko hangano moiko-Miu.

Ayubi 41:11

Inso a laro engeno membombo laho kana inso a ngkuro anu rede ka ihino monggenggelento.

Po'unde-unde 18:18

Dopotola aku inso a iwaliku anu moroso ka inso a luwuno mia anu umo'aliaakune, hangano memoroso irapo lahi sekono ongkue.

Po'unde-unde 20:5

Po'ineeomo Doweeakomu hapa anu inehemu ka Dopokogagio mehasili hapa anu sinongkamu.

Po'unde-unde 31:19

Po'ineeomo wiwi mpegaupi gagi nahi pokompepau, anu mompepaukiako mia mentee saru pompelangka-langkai ka pompokongkodei!

Po'unde-unde 59:10

Oo rosoku, aku me'ini ndi Omiu, hangano Omiu, oo Ue Ala, onaemo kota benteku.

ROMA 11:35

Ke isemake anu horio moweeako Ira hapa-hapa, ranta asalakono Ira umeuo?

ROMA 2:4

Inehemuke me'uru-uruo langkaino pe'aroa-Do, sabara-Do ka sanaano aroa-Do? Nahi uto'orioke, nine pe'aroa-Do Ue Ala onaemo tumaateko a ntepidia?

EPESU 1:3

Inunde-unde Iramo Ue Ala ka Ama-Do Ueto i Yesu Kerisituu anu ndi Ondae i Kerisituu Dopowee kitamo ronso rohani i laro nsuruga.

IBARANI 2:9

Sine Ondae, anu a tempo sarai wineweu tetotoako tedei sekono luwuno mala'eka, onaemo Ondae i Yesu, tomengkita Ira, anu hangano tebobarasaiano matea, rinamba-ramba uluako marambaa ka pelangkai, ka Dopembasaio matea tiano luwuno mia hangano pe'aroa-Do Ue Ala.

MENGKAAA 19:12

Ka mata-Do kana langano api ka a wawo ulu-Do hadio ramba-ramba ulu ka ndi Ondae hinao teburi aasa nee anu nahina tumo'orio maupo te'asa mia, sangkadio Ondae isa'a.

1 Samueli 16:13

I'alao i Semueli tandu anu me'ihiako lana saitu atuu kai urapio i Daudi i olodo pepaekompono. Mompu'u oleo atuu Penaa-Do i Ue pabawaio ka kumongkomio mpiha i Daudi. Umarino atuu mekuleomo i Semueli i Rama.