Po'unde-unde 20:6 - Wunta Mempori

⁶ Kami mpebooli memawongko mongkona ponangimu ka mentande ira bandera a nee-Do Ue Alato; po'ineeomo Do'ihiio i Ue luwuno po'emamu.

Po'unde-unde 20:6 ပူးပေါင်းရင်းမြစ်များ

1 Mokole 8:30

Irongeomo po'emano tetenaa-Miu ka bawaa-Miu Isaraeli anu winuatako a mpo'ianga andio. Irongeomo a mpo'ianga-Miu i suruga; Irongeomo ka I'ampuni kamimo.

1 Mokole 8:43

po'ineeomo Irongeo mbo'u i suruga, po'ianga-Miu mpiha. Po'ineeomo Iweweuo menunu saru luwuno anu pinebooliakono mia hawe atuu ndi Omiu, ka luwuno tongku i tolino tumo'orio nee-Miu ka dumoitoako-Miu mengkena kana bawaa-Miu Isaraeli. Onaemo ka domento'orio nine raha anu kuwanguomo andio pinesusua tiano nee-Miu.

Po'unde-unde 17:7

Ipopokitaomo pompehohawa-Miu anu kinohali-haliako, oo Puu Pongkadudui a mia anu mo'ungke pepekaduduia inso a luwuno mia mpe'ewa anu umewaio pabawa-Miu.

Po'unde-unde 18:35

anu paguruo kaeku metea, ranta tokiaku mokolongkuo pana mala.

Po'unde-unde 18:50

Onaemo pu'uno aku menaniako po'unde-unde umunde-unde Komiu i olodo luwuno tongku, oo Ue, ka menaniako penani umunde-undeo nee-Miu.

Po'unde-unde 2:2

Luwuno mokole ntolino mpepatinda ka luwuno anu langkai potorono ntepo'asa umewai Ira i Ue ka anu inurapi-Do,

Po'unde-unde 28:8

Ondaemo i Ue rosono bawaa-Do ka bente tekaduduiado mia anu inurapi-Do!

Po'unde-unde 41:11

Sine Omiu, oo Ue, Ipehohawa akumo ka Ipokoroso aku, ka kupombalo ndi ondae.

Po'unde-unde 9:15

ka kupopauo luwuno wineweu-Miu anu inunde-unde ka meboo-booli hangano tekaduduia inso ndi Omiu a mpewowa langkaino ana beine Sioni.

Yesaya 57:15

Hangano, kanandiomo pau-Do Anu Tedoa Mantande ka Maramba, anu mo'ia ranta nahina tampulaano ka mempori nee-Do, ”Ongkue mo'ia a mpo'ianga mantande ka mempori sine saru mbo'u mia anu terago-rago aroano ka me'urumako, mokorosoo rosono mia anu me'urumako ka motuwuo aroado mia anu terago-rago.

Yesaya 58:9

I tempomo atuu omue komebooli ka Ondae i Ue Ira sumangki, omue komebooli mepetulungi ka Ira mepau: Ndio Aku! Tewala nami upokonaako ira tinembi a mpe'asa miamu ka nami utitiso ira mia ka mompau pegaupi,

Yesaya 63:15

Ipensiroiomo inso i suruga ka Ikitaomo inso a mpo'ianga-Miu anu mempori ka maramba! Isuake mahakino aroa-Miu ka moroso-Miu, pebundeno aroa-Miu ka pompehohawa-Miu? Kime'emao siimo Ipo'iaakono!

Mika 4:5

Maupo luwuno tongku singge mia melempa a neeno pinesombaino, kita mpelempa a nee-Do Ue Alato kanatuu mpiha ka nahina tampulaano.

I MATIU 6:9

Onaemo pu'uno impekakaimo kanandio: Amamami anu i suruga, nee-Miu ka ipinokomempori,

WINEWEUDO TINENA 2:33

Ka umari-Do tinandeako kae ngkoana-Do Ue Ala ka montarima Penaa Mempori anu dinandi atuu, ka Dopotiio hapa anu kinitamiu ka rinongemiu i ndi'ai.

WINEWEUDO TINENA 2:36

Gagi luwuno suku Isaraeli asalakono mento'orio manasa, nine Dopokogagi Iramo Ue Ala i Yesu, anu pinasomiu atuu a ngkeu pinotamba, gagi Ue ka i Kerisituu.”

WINEWEUDO TINENA 4:10

ka imento'oriomo luwumiu ka luwuno bawaa Isaraeli, nine a nee-Do i Yesu Kerisituu, to Nasare, anu pinasomiumo a ngkeu pinotamba, sine anu Dowangu Iramo Ue Ala inso i olodo mia mate – nine hangano Ondaemo i Yesu atuu ka ipentade madoo mia andio i aromiu kanandio-andio.

WINEWEUDO TINENA 5:31

Ondaemo anu Dotandeakono kae ngkoana-Do Ue Ala gagi Petewawa ka Puu Pongkadudui, ka dompokontepidi to Isaraeli ka mpontarima po'ampunia hala.