Po'unde-unde 20:3 - Wunta Mempori

³ Po'ineeomo Dopo'oliwi anu mokowaliko inso a mpo'ianga mempori ka Dotumboko inso i Sioni.

Po'unde-unde 20:3 ပူးပေါင်းရင်းမြစ်များ

Tegagia 4:4

i Abeli mbo'u mompesombaako asa ntia inso a ana amba-ambano asa bawaa bembe bimbano saru tabano. Ondae i Ue merioo i Abeli saru pesombano atuu,

1 Tawarika 21:26

I ra'ai i Daudi mowangu meda pontunua pesomba ndi Ondae i Ue, mompesombaako pesomba tinunu ka pesomba tekaduduia, saru moboi Ira i Ue. Ondae i Ue sumangkiakono api anu metii inso i langi a wawo meda pontunua pesomba tinunu atuu.

2 Tawarika 7:1

Mansano mokotampulao i Salomo pekakaino, metiiomo api inso i langi kumaano pingko pesomba tinunu ka luwuno pesomba sinumbele atuu, ka maramba-Do i Ue buketio raha atuu.

Po'unde-unde 128:5

Po'ineeomo ka Doronsoko i Ue inso i Sioni, ka ukitao manangaino Yerusale asa ntinuwumu,

Po'unde-unde 134:3

Po'ineeomo Ondae i Ue anu mokogagio langi ka tolino, rumonsoko inso i Sioni.

Po'unde-unde 51:19

Pesomba sinumbele ndi Ondae Ue Ala onaemo sumanga anu mopemasusa; aroa anu tedoa mopemasusa ka buke pe'o'ole nahi Komiu mokoburuakono, oo Ue Ala.

Yesaya 60:7

Luwuno bembe bimbano i Kedari ta tepumpu ndi omue, luwuno bimba lakinono i Nebayoti ta tepatinda tiano pesombamu; luwuno ta pinesombaako a wawo meda pontunua pesomba ndi Ongkue gagi pesomba anu Kupemoikoo, ka Aku mokomaroao raha mempori-Ku.

Imama 9:24

Meluarakoomo api inso i aro-Do i Ue kumaano pesomba tinunu ka luwuno taba i wawono meda pontunua pesomba. Mansado luwuno tongku atuu mengkitao, mpeboo-booli iramo ka do'amba mpenggolontu mpesomba.

WINEWEUDO TINENA 10:4

Ikokontoo mala'eka atuu ka a laro doitono ipotae, ”Hinao hapa, Ue?” Sumangki mala'eka atuu, ”Luwuno pekakaimu ka pontulungimu mewuatakoomo i aro-Do Ue Ala ka Ondae Ue Ala mewowoloko.

EPESU 5:2

ka imentuwumo a pompehohawa, kana Ondae mbo'u i Kerisituu Yesu Dopehohawa komiumo ka Dopeweengakonomo koroi-Do hangano ontae gagi pompowee ka pesomba anu mana mo'ahi ndi Ondae Ue Ala.

1 PETURU 2:5

Ka po'ineeomo omiu mbo'u mempinake kana watu tuwu powangu aasa raha rohani, tiano aasa imama mempori, ka ipinesombaako pesomba rohani anu hangano Ondae i Yesu Kerisituu Dopemoiko Ira Ue Ala.