Po'unde-unde 19:8 - Wunta Mempori

⁸ Taura-Do i Ue atuu soompo ntu'u, mompokoroso sumanga; atora-Do i Ue atuu moroso, mompowee ponto'ori anu mentee a mia anu napi hina pinembasaino.

Po'unde-unde 19:8 ပူးပေါင်းရင်းမြစ်များ

Tegagia 26:5

Hangano, iperorongeakonomo i Burahima pau-Ku ka metenunu weweuo anu asalakono iweweuo ndi Ongkue: luwuno parenta, pompakosi, ka songka-Ku.”

2 Mokole 17:37

Omiu asalakono mpe'ini a luwuno pompakosi, atora ka songka ka parenta anu Doburiakomiumo ka imeweweuo mpiha ka siimo impesomba a luwuno anu pinesombai susua.

Nehemia 8:12

Luwuno to Lewi tumena ira luwu bawaa kadompoperodo, ka dompotae, ”Impoperodomo, hangano oleo andio mempori. Siimo imemasusa aroa!”

Nehemia 9:13

Metii Komiu a wawo ntorukuno Sinai ka mepau saru ondae inso i langi. Ipoweeako ira luwuno atora anu moleo, luwuno songka anu mentee saru luwuno pompakosi ka luwuno parenta anu moiko.

Po'unde-unde 105:45

ka domentondao mpiha pompakosi-Do, ka me'inio luwuno pompaguru-Do. Haleluya!

Po'unde-unde 111:7

Moleo ka mentee wineweuno kae-Do. Luwuno parenta-Do moroso,

Po'unde-unde 119:105

Pau-Miu atuu huluno karuku ka mewineno pesalaaku.

Po'unde-unde 119:12

Inunde-unde Komiumo, oo Ue; Ipaguruakunemo luwuno pompakosi-Miu.

Po'unde-unde 119:121

Moweweu akumo menunu saru songka ka moleoa; si peweengakune ndi ondae anu pompokonsii!

Po'unde-unde 119:128

Onaemo pu'uno ka kutuwu moleo tumondao luwuno parenta-Miu; pesalaa nahi mentee ku'o'aliaakono.

Po'unde-unde 119:130

Luwuno pau-Miu anu pinosaba mompokomewine, moweeako ira ponto'ori a mia anu napi hina pinembasaino.

Po'unde-unde 119:14

Mawongko aku tumondao luwuno pompakosi-Miu, laluaopo sekono mompe'ue luwuno arataa.

Po'unde-unde 119:143

I'alu aku masusaa ka ma'isoa, sine luwuno parenta-Miu gagi tedoa ineheku.

Po'unde-unde 119:16

Ku'ineheakono luwuno pompakosi-Miu, pau-Miu nahi aku kumolupeo.

Po'unde-unde 119:171

Po'ineeomo wiwiku ka ipompau po'unde-unde, hangano Ipaguruakunemo luwuno pompakosi-Miu.

Po'unde-unde 119:24

Oo, luwuno pepoto'ori-Miu gagi ku'ineheakono, gagi luwuno anu patudu aku.

Po'unde-unde 119:40

Mentee ntu'u kukekewoio luwuno parenta-Miu, Iweweu akumo tuwu a moleo-Miu.

Po'unde-unde 119:54

Luwuno pompakosi-Miu gagi penani po'unde-undeku i tolino anu kupo'iangario kana mia hawe.

Po'unde-unde 119:80

Po'ineeomo aroaku ka itondao luwuno pompakosi-Miu inso i aroa, ka si kupohawe mokoko'ii.

Po'unde-unde 119:92

Ande-andeno Songka-Miu komba gagi anu ineheku, mate akumo a laro marasaiku.

Po'unde-unde 12:6

Hangano pompokonsiia a mia molema, hangano pompemasusano mia mongkokolaro, kanandio-andio Akumo mentade, pau-Do i Ue; Aku moweeakono pongkadudui a mia anu kumekewoio.

Po'unde-unde 13:3

Opiapo mbo'u tehineno asalakono kusalalaro a laro ngkoroiku, ka mompemasusa te'asa oleo? Opiapo mbo'u tehineno iwaliku mpompelangka-langkai ndi ongkue?

Po'unde-unde 40:8

Ka ku'amba motae, ”Mentee ntu'u, ongkue aiwa; a laro paluluno wunta hinao binuri mongkona ongkue;

Po'unde-unde 93:5

Atora-Miu moroso ntu'u; a raha-Miumo ipo'ia Memporia, oo Ue, ranta nahina tampulaano.

Peluarakoa 18:16

Tewala hinao kara-kara i olodo, me'aiwa ira ndi ongkue ka ongkue bitarao kara-kara i olodo anu asa mia ka anu susua, ongkue koa mbo'u pauako ira luwuno pompakosi ka songka-Do Ue Ala.”

Powadi 2:6

Hangano Ondaemo i Ue anu mompowee ponto'ori anu mentee, inso a nganga-Do hawe ponto'ori ka pande.

Powadi 30:5

Luwuno pau-Do Ue Ala atuu mentee luwu. Onae kantano mia anu mepekadudui ndi Ondae.

Powadi 6:23

Hangano parenta atuu hulu, ka pompaguru atuu wanta, ka pongkuahako anu mompaguru atuu sala ntuwua,

Yesaya 64:5

Omiu tumotowoo mia anu mawongko moweweu anu mentee, ka anu rumambe-Komiu a nsala anu tiniso-Miu! Menteeano, Omiu tekuda, hangano omami mentehala mompu'u i ndi'ipua se'eluno. Nde kami koa mengkinadudui?

Yeremia 15:16

Mansano hinawe luwuno pau-Miu, kumawongkoakono. Pau-Miu atuu gagi ineheku, ka mawongkono aroaku, hangano ongkue wawao nee-Miu, oo Ue, Ue Alano luwuakoano.

Yehesikieli 36:27

Penaa-Ku Aku numaao i laro aroamiu ka Aku weweu komiu mentuwu montonda luwuno pompakosi-Ku ka mpe'ini mpiha a luwuno atora-Ku saru meweweuo.

ROMA 3:20

Hangano nahina maupo te'asa mia anu pinokomentee i aro-Do Ue Ala hangano pontondano songka Taura, tendeano hangano songka Taura mia tumo'orio hala.

ROMA 7:22

Hangano i laro aroaku ineheku songka-Do Ue Ala,

ROMA 7:7

Tewala kanandio, hapake kita mpotae? Nde halake songka Taura atuu? Mentee ntu'u naahi! Sine, tendeano hangano songka Taura ka kuto'oriomo hala. Hangano nahi kuto'orio koa mbo'u hapa atuu mosisiri, ba nahi pauo songka Taura, ”Si mosisiri!”

GALATIA 2:19

Hangano songka Taura onaemo ka kumateakono songka Taura, ka kutuwuako Ira Ue Ala. Pinaso akumo a ngkeu pinotamba saru Ondae i Kerisituu;

GALATIA 3:21

Tewala kanandio, nde i'ewaio songka Taura tokoa luwuno dandi-Do Ue ala? Mentee ntu'u naahi. Hangano ande-andeno songka Taura wineeako gagi aasa anu mompokotuwu, ka menteea lano mepu'u inso a songka Taura.

Winali 16:11

Imemawongkomo i aro-Do i Ue, Ue Alamiu, omiu saru anamiu tama ka beine, atamiu tama ka beine, to Lewi anu i kotamiu, saru mbo'u mia hawe, nana'ote anu nahina amano ka tuwu beine anu i tonga-tongamiu. Imemawongkomo a mpo'ianga anu Ira binikio i Ue, Ue Alamiu, kai po'ia nee-Do i ra'ai.

Winali 16:14

Imemawongkomo a oleo langkaimiu atuu, omiu saru anamiu tama ka beine, atamiu tama ka beine, to lewi, saru mbo'u mia hawe, nana'ote anu nahina amano, ka tuwu beine anu i kotamiu.