Po'unde-unde 19:14 - Wunta Mempori

¹⁴ Ikaduduiomo tetenaa-Miu inso a mpelelu mompelangka-langkai; ka si mansa onae pabawai aku! Ka ongkue gagi nahina tataaku ka tepotola inso a hala langkai.

Po'unde-unde 19:14 ပူးပေါင်းရင်းမြစ်များ

Ayubi 19:25

Sine kuto'orio Puu Pontolosiku Tuwu Ira, ka poko'ariano Ira mewangu inso a wawo pampawu.

Po'unde-unde 104:34

Po'ineeomo wuano pinewowoloku mo'ahi iteronge ndi Ondae! Aku mo'unde hangano Ondae i Ue.

Po'unde-unde 119:108

Ipemoikoomo, oo Ue, po'unde-unde pinesombaakoku, ka Ipaguruakunemo luwuno songka-Miu.

Po'unde-unde 51:15

Ka aku paguruako ira pesalaa-Miu a mia anu mpoweweu polimpaia, ka dompepokule ndi Omiu mia mentehala.

Powadi 15:8

Pesombano mia mosa'o gauno mokoburu-Do i Ue, sine pekakaino mia moleo inehe-Do.

Yesaya 43:14

Kanandiomo pau-Do i Ue, Puu Pontolosimu, Anu Tedoa Mempori, Ue Alado to Isaraeli, ”Hangano omiu Akumo montena mia lumako i Babeli ka motii ira to Kasidimi gagi mia mpolai, luwuno a laro ngkapala tinondaako peraalido.

Yesaya 44:6

Kanandiomo pau-Do i Ue, Mokole ka Puu pontolosino Isaraeli, Ueno luwuakoano, ”Ongkuemo anu tese'elu ka Ongkuemo anu telembui; nahina pinesombai sangkadio Ongkue.

Yesaya 47:4

Pontolosimami, Ondae Ueno luwuakoano nee-Do, Anu Tedoa Mempori, Ue Alado to Isaraeli.

Yesaya 54:5

Hangano anu ta gagi tamamu onaemo Ondae Anu Mokogagiko, Ueno Luwuakoano, nee-Do; anu gagi Puu Pontolosimu onaemo Anu Tedoa Mempori Ue Alado to Isaraeli; Ondae pinau Ue Alano asa wawontolino.

ROMA 15:16

onaemo nine moiko kugagi puu pompekakaako-Do i Kerisituu Yesu a luwuno tongku komba to Yahudi a pompekakaakoa mompalele Lele Mawongkoa-Do Ue Ala, ka Dotarima ira koa Ue Ala luwuno tongku komba to Yahudi gagi pesomba anu Dopemoikoo, anu pinokomempori-Do Penaa Mempori.

1 TESALONIKA 1:10

ka sumikorio hawe-Do ana-Do inso i suruga, anu Dowangu Iramo inso i olodo mia mate, onaemo Ondae i Yesu, anu kumadudui kita inso a pontekudaako anu ta hawe.

TITU 2:14

anu meweengakonomo koroi-Do hangano ontae motola kita inso a luwuno anu mosa'o ka mokomemporiako Ira aasa bawaa, bawaa-Do Ondae-Do, anu memokua mpoweweu moiko.

IBARANI 11:4

Hangano pompe'ala-ala ipesombaakonomo i Habeli ndi Ondae Ue Ala pesomba anu lalu moiko sekonopo pesombano i Kai. Hangano koa atuu ka ipohawe ponsakosii ndi onae, nine onae mentee, hangano Dopemoikoo Ue Ala pesombano atuu ka hangano pompe'ala-ala onae da mepau, umarino mate.

IBARANI 13:15

Hangano Ondae, onaemo pu'uno aiwamo tompesombaakono pesomba po'unde-unde ndi Ondae Ue Ala, onaemo pinauno wiwi anu umunde-undeo nee-Do.

1 PETURU 2:5

Ka po'ineeomo omiu mbo'u mempinake kana watu tuwu powangu aasa raha rohani, tiano aasa imama mempori, ka ipinesombaako pesomba rohani anu hangano Ondae i Yesu Kerisituu Dopemoiko Ira Ue Ala.

MENGKAAA 5:9

Ka dompenaniakono aasa penani wo'ohu dompotae, ”Omiu tekona tumarimao paluluno wunta atuu ka umungkahio luwuno tondonino; hangano sinumbele Komiumo ka I'oliako iramo rea-Miu tia-Do Ue Ala inso a sompo-sompo suku ka pau ka pepe'etua ka tongku.