Po'unde-unde 18:9 - Wunta Mempori

⁹ Ahu membombo inso a enge-Do, api anu mompokomo'ai mewurosi inso a nganga-Do, waro kolanga-langa meluarako inso ndi Ondae.

Po'unde-unde 18:9 ပူးပေါင်းရင်းမြစ်များ

2 Samueli 22:10

Dolupio langi, ka Dopetii, worikidi mo'ia i toto pelengkaru-Do.

Po'unde-unde 50:3

Ondae Ue Alato hawe ka nahi Ira mo'ia-ia, i aro-Do api mensila'e, angi mokora anu mongkokongiri mepuuri lumimbu Ira.

Po'unde-unde 68:4

Sine mia mentee memawongko, ondae mengkokora-kora mpo'unde i aro-Do Ue Ala, mpo'unde ka memawongko.

Po'unde-unde 97:3

Api melele i aro-Do, ka mokomo'ai ira iwali anu lumimbu Ira.

Peluarakoa 19:18

Asa torukuno Sinai me'ahu, hangano Ondae i Ue metii i wawono a laro api. Ahuno membombo kana ahu api polabua, ka torukuno atuu reende.

Yesaya 51:6

Po'aroomo matamu i langi ka pengkitamo i tolino i totono; hangano langi ta tampula kana ahu, tolino kanaomo tahu sangka ka palilino ira memate kana tiporo. Sine, tekaduduia inso ndi Ongkue ta kongko mpiha ranta nahina tampulaano, ka moleoa-Ku nahi ta menaa-naa.

Yesaya 66:15

Menteeano, Ondae i Ue Ira hawe saru api, ka luwuno kareta-Do kana lompiu, motiio tekuda-Do anu tensila ka pewurarai-Do saru api anu kolanga-langa.

Yoeli 3:16

Ondae i Ue mengaoli inso i Sioni, inso i Yerusale Dopoporongeo pepau-Do, langi ka tolino leelu. Sine Ondae i Ue onaemo pepekaduduiado bawaa-Do, bentedo to Isaraeli.

I MATIU 24:29

”Sarai koa umarino pobobarasaia i tempo atuu, mata oleo ta gagi wongi-wongi ka wula nahi mewanta ka anano wula ira ntedodonta inso i langi ka luwuno pabawano langi ta telelu.

I MARAKUSU 15:33

A langku hopulu ka orua, wongi-wongi tumutuwio wita atuu ka hawe langku otolu.

I YOHANE 13:7

Sumangki Ira i Yesu, ”Hapa anu wineweu-Ku, nahi uto'orio kanandio-andio, sine lembuino ka u'amba mokonto'orio.”

Winali 33:26

Nahina kana Ondae Ue Ala, hei Yesuruni. Ondae mepole ilangi gagi pontulungimu ka luwuno seru a laro maramba-Do.

IBARANI 12:26

Tempo atuu suara-Do lumeluo tolino, sine kanandio-andio Dodandio, ”Pohonapo mbo'u Aku lumeluo komba butu tolino, tendeano langi mbo'u.”

2 PETURU 3:10

Sine oleo-Do i Ue ta hawe kana anu monako. A oleo atuu langi ta moliu saru ruundu anu mongkokongiri ka luwuno anu hina i wawontolino ta mo'ai a laro langano api, ka tolino ka luwuno anu kongko i wawono ta tetadi moliu.

MENGKAAA 20:11

Ka ku'amba kumitao aasa kadera poparentaa mopute anu langkai ka Ondae, anu mentoro i wawono. Inso i aro-Do moliuomo tolino ka langi ka nami hinawe mbo'u po'iangano.