Po'unde-unde 18:7 - Wunta Mempori

⁷ A laro ma'isoaku, mebooli aku ndi Ondae i Ue, ndi Ondae Ue Alaku, kupebooli mepetulungi. Inso a raha-Do Dorongeo suaraku, pebooliku mepetulungi hawe a biri-Do.

Po'unde-unde 18:7 ပူးပေါင်းရင်းမြစ်များ

Po'unde-unde 34:16

Mata-Do i Ue te'aro a luwuno mia mentee, ka biri-Do a mpeboolido mpepetulungi;

Po'unde-unde 34:18

Luwuno mia mentee mpeboo-booli, ka Dorongeo i Ue, Dopotola ira inso a pompema'isodo.

Po'unde-unde 39:13

Rongeomo pekakaiku, oo Ue, ka Ipo'aroomo biri-Miu a mpebooliku mepetulungi, siimo Ipenoro-noro kumitao uwoi mataku! Hangano ongkue andio mia hawe anu mo'ia meronga saru Omiu, mia hawe kana luwuno uempu'uku.

Po'unde-unde 40:2

Tedoa aku sumisikori Ira i Ue; ka Do'amba mewolili ka rumongeo pebooliku mepetulungi.

Po'unde-unde 46:2

Ondae Ue Ala atuu ndi ontae pepekaduduia ka roso, gagi pontulungi a laro ma'isoa tedoa mengkaa.

Yeremia 4:24

Kukita ira torukuno, mengkaa tewembo; ka maupo luwuno pongku ntelelu.

Habaku 3:10

Kumita Komiu, luwuno torukuno mpondidi-ndidi, uwoi mowo u'uru telalo, uwoi a ondaloano moporongeo unino ka tumandeo kaeno.

Habaku 3:6

Ondae mentade ka mebomba tolino; Ondae mengkita ka luwuno tongku Doweweuo mpondidi-ndidi, terawo-rawoomo luwuno torukuno anu kongko mompu'u tempo se'eluno, ka luwuno pongku wita anu etu-etuno ta'u gagi merete. Onaemo telaloa-Do etu-etuno ta'u.

Sakaria 14:4

I tempo atuu karu-Do ta melanda a pongku wita Saitu anu po'iangano tepo'aro saru Yerusale i sabaano oleo. Pongku wita Saitu atuu ta tebansi orua inso i sabaano oleo hawe i sumooano oleo, ranta ka igagi lembono anu tedoa molue. Asa ntia orua inso a pongku atuu ta mepahe i utara ka asa ntia oruano mbo'u i selata.

I MATIU 28:2

Ka gagiomo leelu anu tedoa meroku hangano aasa mala'eka-Do i Ue metii inso i langi ka aiwa a watu atuu ka lumundio ka i'amba mentoro i wawono.

WINEWEUDO TINENA 4:31

Ka tempono kontongaado mpekakai, leluomo po'iangado mpepumpu atuu ka mebukeako ira luwu Penaa Mempori, ka i'amba memosia iramo mempaleleo pau-Do Ue Ala.

1 KORINTI 13:2

Maupo kupohawe pompowee ka kupompau anu ta gagi ka kuto'orio luwu anu tewuni ka tumo'orio luwuno ponto'ori; ka maupo bobotoli pompe'ala-alaku ka kupolimba torukuno, sine tewala nahina pompehohawa, nahina ntu'u tuduku.

Winali 32:22

Hangano tekuda-Ku pinolangaomo api ka melanga hawe a mpo'iangado mia mate. Api atuu tumunuo tolino ka hasilino, mokomo'aio pu'uno luwuno torukuno.

Puu Mpobitara 5:4

O Ue, tempono Ipelungka te'inso i Seiri, tempono Ipelempa te'inso i wita Edomi, leluomo tolino, telompa langi, ka seru te'i'iti uwoino;