Po'unde-unde 18:4 - Wunta Mempori

⁴ Mebooli aku ndi Ondae i Ue anu tekona inunde-unde, ka inso a luwuno iwaliku ongkue pinotola.

Po'unde-unde 18:4 ပူးပေါင်းရင်းမြစ်များ

2 Tawarika 20:21

Mansano umari teriso saru palili, itiso ira mia anu ira mpenaniako penani tia-Do i Ue ka umunde-unde Ira i Ue, mpesangka mempori anu maramba i tempono dompeluarako i arodo mia mpeparewa mpetea, ka dompotae, ”Penaniakomo penani umunde-unde Ira i Ue, menteeano ranta nahina tampulaano petenunu ka pompehohawa-Do!”

2 Tawarika 20:22

Mansado mpopu'u mpebo-booli ka mpenaniako penani po'unde-unde, Doweweuomo i Ue pesapoia a inuleno Amoni ka i Moabi, ka luwuno mia inso i mentorukuno Seiri, anu mingki sumapoio Yehuda, ranta ka dontenangi.

Po'unde-unde 116:3

Ohono matea wewesi aku, doitoakono tolinodo mia mate umalu aku, masusa aku ka me'i'isei.

Po'unde-unde 124:4

manasa ipolomo kitamo uwoi, ipotondu kitamo mowo,

Po'unde-unde 22:16

rosoku mokari kana siba ntami, eloku metako a langiraku; ka a laro pampawu Inaa aku.

Yesaya 13:8

ka ira ntededengke. I'ali ira mekiki kompo ka haki me'ana, ira pompemahaki kana beine ta me'ana. Ira mambekikita saru pompemokokongiri, rupado motaha kana i'alu ira haki mokula.

I MATIU 26:47

Da kontongaa-Do mepau i Yesu haweomo i Yudasi, asa mia inso a hopulu ka orua ana guru atuu, ka meronga saru onae asa bawaa langkai mia mpowawa ponai ka pontunduhi, tinenano petewawado sando mpesomba ka mia memota'uno tongku Yahudi.

I MATIU 26:55

I tempo atuu Ondae Dopotae i Yesu a mia hadio, ”Potaemiu Ongkue andio puu mporontu, ka ime'aiwa merako Aku sompo saru ponai ka pontunduhi? Kahinaano sompo-sompo oleo Kupentoro mompaguru a Raha-Do Ue Ala, ka nahi merako Aku.

WINEWEUDO TINENA 21:30

Ka ntewukaomo asa ngkota, ka palili mehawe mpenggowo, ka do'amba merakoo i Paulu ka merendeo meluarako inso Raha-Do Ue Ala ka i tempo koa mbo'u atuu luwuno pewowa langkaino Raha-Do Ue Ala tinondo.

2 KORINTI 1:9

Tendeano kana hinuku mate kamimo. Sine ka igagi kanatuu, ka si kipe'ala-alao koroimami, sine butu ndi Ondae Ue Ala anu wangu ira mia memate.