Po'unde-unde 18:38 - Wunta Mempori

³⁸ Kulampui ira iwaliku ranta kurako ira, ka nahi kupewolili ranta ka dometampula;

Po'unde-unde 18:38 ပူးပေါင်းရင်းမြစ်များ

2 Samueli 22:39

Kupokopingko ira ka kurawo-rawo ira, ranta nahi dompewangu mbo'u, ka ntebangku ira i totono karuku.

Po'unde-unde 21:9

Kae-Miu ta rumakoo luwuno iwali-Miu; kae ngkoana-Miu ta rumako ira mia anu umo'aliaa-Komiu.

Po'unde-unde 36:12

Po'ineeomo ka si domelandaakune karudo mia mpompelangka-langkai, ka kaeno mia mosa'o gauno sumaari aku.

Po'unde-unde 47:3

Hangano mongkokongiri Iramo i Ue, Anu Tedoa Mantande, Mokole langkaino asa wawontolino.

Winali 28:7

Ondae i Ue Ira weweuo iwali anu aiwa sumapoi komiu tenangi i aromiu. Asa nsala insoado mpeluarako sumapoi komiu, sine opitu nsala ira mpolai inso i aromiu.

1 Samueli 23:5

Melako iramo i Daudi saru luwuno miano i Kehila. Ipeteaako ira to Pelisiti, tedoa langkai tenangido, ka pinotuwudo dome'ala ira. Kanandiomo ikadudui ira i Daudi palili i Kehila.

1 Samueli 30:17

Tisomono umpeda meene, i Daudi sumapoi ira ranta hawe sumoo oleo. Nahina maupo te'asa mia inso ndi ondae anu tola, sangkadio pato etu mangalitau anu mpolai mpompesawiki unta.