Po'unde-unde 17:3 - Wunta Mempori

³ Tewala Omiu umarahakono aroaku, paresao i tempono wongi, ka mepentee aku, nahi Komiu mohawe hapa-hapa; pinewowolo mosa'o nahi haweako meluarako inso a wiwiku,

Po'unde-unde 17:3 ပူးပေါင်းရင်းမြစ်များ

1 Tawarika 28:9

Ka omue anaku Salomo, to'oriomo Ue Alano amamu ka pesombamo ndi Ondae tompaano aroa ka bobotoli aroamu, hangano Ondae i Ue paresao sompo aroa ka tumo'orio sompo tinoo. Tewala omue umungke Ira, kohumawe Ira, sine tewala omue binta Ira, Ira tumadiko ranta nahina tampulaano.

1 Tawarika 29:17

Kuto'orio, oo Ue Alaku, nine Omiumo anu umara-arahakono aroa ka memoikoo moleoa, onaemo ka kupesombaakono luwuno atuu a moleono aroa. Kanandio-andio bawaa-Miu anu mehawe i ndi'ai kukita iramo mpompowee pesomba ndi Omiu a moleono aroa ka mawongko.

Ayubi 23:10

Hangano Doto'orio sala ntumuwuku; ande-andeno Do'arahako aku, aku meluarako kana wulaa.

Ayubi 24:14

Umpeda meene puu mpompepate mewangu, mepateo mia marasai ka mongkokolaro, ka i tempono wongi onae moweweu kana puu mponako.

Po'unde-unde 11:5

Ondae i Ue paresao mia mentee ka mia mosa'o gauno, ka Do'o'aliaakono mia anu mongkekewoi pobobarasaia.

Po'unde-unde 119:106

Mesumpa akumo ka aku umihiio, aku me'ini a luwuno songka-Miu anu moleo.

Po'unde-unde 139:1

Tiano petewawado anu mpenani. Penani po'unde-undeno i Daudi. Ue, Omiu momparesa ka tumo'ori aku;

Po'unde-unde 139:23

Iparesa akumo, oo Ue Ala, ka Ito'oriomo aroaku, I'arahakunemo ka Ito'oriomo luwuno pinewowoloku;

Po'unde-unde 16:7

Ku'umunde-unde Ira i Ue, anu patudu akumo, oo, i tempono wongi laro aroaku paguru aku.

Po'unde-unde 26:2

I'arahako akumo, oo Ue, ka I'ara-arahako akumo; Ipepenteeomo laro aroaku ka aroaku.

Po'unde-unde 39:1

Tiano petewawa puu mpenani. Tiano i Yedutuni. Penani po'unde-undeno i Daudi.

Po'unde-unde 66:10

Hangano I'arahako kamimo, oo Ue Ala, mokomorina kamimo, kana mia mompokomorina salaka.

Po'unde-unde 7:4

Oo Ue, Ue Alaku, tewala ongkue moweweu andio: tewala hinao molengkua a ngkaeku,

Powadi 13:3

Isema dumagaio ngangano, mekariao penaano, isema anu kowee-wee ngangano, ta umaluo matea.

Yeremia 12:3

Oo Ue, Omiu tumo'ori aku ka kumita aku. Omiu umarahakono ihino aroaku ndi Omiu. Pae iramo mpeluarako kana bawaano bembe bimba sumbelea, ka pesusua iramo tiano oleo ponsumbelea.

Yeremia 50:20

I tempo atuu, kanandiomo pau-Do i Ue, mia ta mo'ungke salano i Isaraeli sine nahi pohawe, ka halano i Yehuda sine nahi pohawe, hangano Aku umoniniako ira halado mia anu Kupo'inee ira mentuwu.

Hosea 7:6

Laro aroado kana pompotuwua api, aroado tensila, larono asa wongi tekudado roodo, tempono mo'oru tensila mbo'u kana api anu mesila'e.

Mika 2:1

Memasola ira ntu'u mia anu mposongka mosa'oa ka mpoweweu tinoo mosa'o a mpoturiano. Mansano mewanta towea, domeweweuo, hangano hinao pabawa a ngkaedo.

Sakaria 13:9

Aku numaao anu asa ntia otolu atuu a laro api ka mokomempori ira kana mompokomempori salaka. Aku umara-arahako ira, kana mo'ara-arahako wulaa. Ira mpoboio nee-Ku, ka Aku sumangki ira. Aku mepau: Ondaemo bawaa-Ku, ka ira mesangki: Ondae i Ue Ondaemo Ue Alaku!”

Maleaki 3:2

Isemake anu mokompopetea a oleo hawea-Do? Isemake anu mokompentade mpiha, tempono Dopepopokita? Hangano Ondae kana api pompokolono labu ka kana sabono puu mpolombo.

WINEWEUDO TINENA 11:23

Mansano hawe i Baranaba ka ikitao pompehohawa-Do Ue Ala, mo'undeomo. Ipatudu ira, ka dompetenunu koa mpiha ndi Ondae i Ue,

WINEWEUDO TINENA 16:9

Tempono wongi ikitaomo i Paulu aasa pongkita: hinao aasa to Makedonia mentade i tu'ai ka ipebooliakono, ipotae, ”Pesakiakomo ramai ka tulungi kamimo!”

1 KORINTI 4:4

Hangano lano nahina pinokonto'oriku, sine komba hangano atuu kupinokomenteeako. Ondae anu bitara aku, onaemo Ondae i Ue.

2 KORINTI 1:12

Ndiomo anu kipo'undeako, onaemo nine i laro aroamami mesakosii ndi omami, nine tuwumami i wawontolino andio, tamoako a mpenggoeamami saru omiu, ipabawaio moleoa ka memporia inso ndi Ondae Ue Ala komba hangano ponto'ori ntolino, sine hangano rosono pompehohawa-Do Ue Ala.

YAKOBU 3:2

Hangano luwuto mensala hadio rupa; ba isema nahina salano a mpepauno, onaemo mia soompo ntu'u, anu mokompeteao koa mbo'u asa ngkoroino.

1 PETURU 1:7

Tinoono luwuno atuu onaemo ka ipinokomengkaa menteeno pompe'ala-alamiu – anu masuliopo olino sekono wulaa anu ta pingko, anu inarahakoako api menteeno – onaemo ka impohawe po'unde-unde ka marambaa ka pelangkai a oleo Dopepokomengkaa i Yesu Kerisituu.

1 Samueli 24:10

Motae i Daudi ndi Saulu, ”Tembio ka iperorongeakono paudo mia mpotae, ’I Daudi montoo ta sumolangi komiu?’

1 Samueli 24:12

Ikitao, Amaku, ndiomo untuno lemba meloemiu a ngkaeku sine nahi kupepate komiu! Gagi temolinomo pinewowolomiu ka ikitaomo nine kaeku nahina wineweuno anu mosa'o umewai komiu. Nahi kupoweweu hala ndi omiu, maupo iwela lumulu aku mingki mepate aku.

1 Samueli 26:11

A nee-Do i Ue, nahi aku motiio kaeku a mia inurapi-Do i Ue. Kanandio-andio alaomo kansai umpeda i uluno atuu ka ponaapa uwoi, ka aiwamo tomelako.”

1 Samueli 26:23

Ondae i Ue Ira sumuloo menteeano ka petenununo sompo mia, hangano oleo andio Ondae i Ue meweengakomiu a ngkaeku, sine nahi kubehe motiio kaeku ia mia anu inurapi-Do i Ue.