Po'unde-unde 148:8 - Wunta Mempori

⁸ hei api ka usa seru baku, seru baku ka gawu, angi mokora anu weweuo pau-Do;

Po'unde-unde 148:8 ပူးပေါင်းရင်းမြစ်များ

Tegagia 19:24

Ka Do'amba i Ue mompotiiakono Sodomo ka Gumora usa walira ka api anu pu'uno inso ndi Ondae i Ue, inso i langi;

Ayubi 37:12

ka i'amba koliki-Do tesosangkilo a luwuno siuno montonda petewawa-Do ka domeweweuo luwuno anu Dopeparentaako i wawontolino.

Po'unde-unde 103:20

Unde-unde Iramo i Ue, hei luwuno mala'eka-Do, hei luwuno pongkiari moroso anu weweuo pau-Do tempono irongeo suarano pau-Do.

Po'unde-unde 18:12

Ondae weweuo wongi-wongi lumimbu Ira gagi pewunia-Do, laika-Do seru wongi-wongi bukeako uwoi, oo, seru anu mokapa.

Peluarakoa 10:13

Onaemo kai tandeo i Musa tukono a wawo wita Masiri, ka Ondae i Ue mompotii umangi anu mepuuri inso i sabaano oleo telalo i wita atuu, asa oleo ka asa wongi, ka umpeda meene umangi atuu mowawaomo kosume.

Peluarakoa 10:19

Onaemo ka Dobalio i Ue umangi mepuuri inso i sabaano oleo, gagi inso i sumooano oleo anu tedoa magasi mowawa kosume ka metadiako ira a laro ntahi Teberau: maupo te'asa kosume nahina tebinta i wita Masiri.

Peluarakoa 14:21

Ka i'amba i Musa tumangaakono kaeno a wawo ntahi, ka asa wongi atuu Ondae i Ue mepuuriakono angi anu tedoa magasi inso i sabaano oleo monsuao uwoi ntahi atuu gagi wita motu'i. Kanatuumo i teponsua uwoi atuu.

Yesaya 66:16

Hangano, Ondae i Ue Ira humukuakono api ka ponai-Do luwuno anu tuwu, ka hadioomo mia anu mate pinepate-Do i Ue.

Yoeli 2:30

Aku weweuo luwuno kinohali-haliako i langi ka i tolino: rea ka api ka hadio pebotono ahu.

Imama 10:2

Onaemo kai peluarako api inso i aro-Do i Ue tumunu orua ira, ranta ka domate i aro-Do i Ue.

Amosi 4:13

Hangano Ondaemo anu weweuo luwuno torukuno ka mokogagio angi, anu pauakono mia hapa anu pinewowolo-Do, anu weweuo wanta ka wongi-wongi ka anu melempa a wawo luwuno pongku tolino; Ondae i Ue, Ue Alano luwuakoano, onaemo atuu nee-Do.

Amosi 7:4

Ndiomo anu pinopokita-Do Ue Ala ndi ongkue: Tengkita Iramo Ue Ala moboio api ta pohuku. Api atuu kumaano uwoi piingko a ondaloano ntu'u ka ta piingko ikaano wita lere.

Yunu 1:4

Sine Ondae i Ue mompotii umangi a ntahi, ka i'amba gagiomo opue langkai, ranta kapala atuu tedeimo koa ka iterawo.

Yunu 1:5

Mia mpo'angga a ngkapala atuu medoito, singge mia meboo-booli a mpinesombaino. Domentadio a laro ntahi luwuno inulano kapala atuu mpokomonongkoo. Kontongaano atuu, i Yunu metiiomo i larono kapala anu i totono ntu'u, mepombole i tu'ai ka tekoturi rodo.

Podoaa 16:35

Ka i'amba meluarakoomo api inso ndi Ondae i Ue kumaano ranta ka ipingko rua etu ka lima pulu mia anu mpopesombaako dupa atuu.

Yosua 10:11

Kontongaado mpolai ia arodo to Isaraeli, mansado mehawe i korimbino Beta-Horoni, Ondae i Ue wuwunooako ira watu anu melolangkai inso i langi hawe i Aseka, ranta ka domemate. Anu mate hangano usa watu atuu lalu hadioopo sekono anu pinepatedo to Isaraeli mompake ponai.

MENGKAAA 16:21

Ka usa seru baku langkai, mobeano limapulu kilo, tedonta inso i langi modunsi mia, ka mia mepaukiako Ira Ue Ala hangano masolaako usa seru baku atuu, hangano masolaa atuu tedoa mongkokongiri.