Po'unde-unde 146:9 - Wunta Mempori

⁹ Ondae i Ue dumagai ira mia mehawe, nana'ote nahina amano ka tuwu beine Dowali mokoroso ira, sine pesalaano mia mosa'o gauno Dopokogagio.

Po'unde-unde 146:9 ပူးပေါင်းရင်းမြစ်များ

2 Samueli 15:31

Ndi Daudi pinauako kanandio, ”I Ahitopeli kongko i olodo mia anu ntepo'asaakono i Abisalo.” Motaeomo i Daudi. ”Siimo Ipokogagio patuduno i Ahitopeli atuu, oo Ue.”

2 Samueli 17:23

Mansano kumitao i Ahitopeli nine patuduno nahi tinonda, ipokonao lampi kalideno, ka i'amba melungka lumako i kotano ka ipekule i rahano. I'atorao somborino, ka i'amba mendoe. Kanatuumo imate ka ikinaburu a laro kaburuno amano.

Esetere 5:14

Ka i'amba motae i Seresi, kombiano, ka luwuno sambe'eno, ”Pontenamo mia moweweu keu pinontade anu mantandeno lima pulu hiku, ka pesombaakonomo tisomo mo'oru ndi ondae mokole, ka domesonsoo mia i Modekai a ngkeu pinontade atuu. Umarino atuu tamo mawongko aroamu lumako meronga saru ondae mokole a mpelimbua atuu.” Pohawedo atuu ipemoikoo i Hamani, ka i'amba metena moweweu keu pinontade atuu.

Esetere 7:10

Ka do'amba mesonsoo i Hamani a ngkeu pinontadeno tiano i Modekai. Ka i'amba morini aroado mokole.

Esetere 9:25

sine mansado pinauako mokole mongkona atuu, onaemo ka dopepau mesala a wunta, kai sinule sinongkano i Hamani anu mosa'o a nto Yahudi atuu a wawo uluno onaeno. Onaemo pu'uno i Hamani saru luwuno anano ka domesinonso a ngkeu pinontade.

Po'unde-unde 10:14

Omiu isa'a kumitao masusaa ka marasai, Omiu kumitao ka umalao a laro ngkae-Miu. Ndi Omiumo mia urasa'o ipeweengakono koroino; Omiumo anu tumulungio nana'ote nahina amano.

Po'unde-unde 145:20

Ondae i Ue dumagaio luwuno mia anu pinehohawa-Do, sine luwuno mia mosa'o gauno Dopepate ira.

Po'unde-unde 147:6

Ondae i Ue wali mokorosoo mia anu tepokonsii, sine mia mosa'o gauno pinotii hawe a wita.

Po'unde-unde 18:26

A mia anu mpetenunu Omiu metenunu, a mia anu nahina tataano Omiu nahina tataano,

Po'unde-unde 68:5

Penanimo tia-Do Ue Ala, penanimo umunde-undeo nee-Do, pelangkai Iramo anu me'ula a nseru! Nee-Do onaemo i Ue; mawongkomo i aro-Do!

Powadi 15:25

Rahano mia mompelangka-langkai Dopobangkuo i Ue, sine tida witano asa mia tuwu beine Dokorahakono.

Powadi 4:19

Pesalaano mia mosa'o gauno atuu kana wongi-wongi; nahi domento'orio hapa pu'uno ka dontetidu.

Yeremia 49:11

Binta iramo anamu nahina amado, Ongkuepo motuwu ira; po'inee iramo tuwu beinemu mpomperorohi ndi Ongkue!”

Hosea 14:3

Wawaomo perongaakono luwuno pau andio, ka pepokulemo ndi Ondae i Ue; pepaumo ndi Ondae, ”I'oniniomo luwuno saala, ka Itarimaomo anu moiko. Gagi euno sapi, kami mpesombaakono mangakumami.

Maleaki 3:5

Aku aiwa umpeda ndi omiu gagi puu mpobitara. Aku ronga gagi sakosii a luwuno puu ponsihiri, luwuno mia anu mponsosabo, ka mia anu mpesumpa mpegaupi, saru mbo'u luwuno mia anu mompokonsii mia tinambo, tuwu beine, ka nana'ote nahina amano, saru anu nahi poweeako ira tia mia hawe ka nahi doito ndi Ongkue, pau-Do Ueno luwuakoano.

1 KORINTI 3:19

Hangano ponto'orino wawontolino andio Dopebenge-bengeo Ue Ala. Hangano hinao teburi, ”Ondae anu morako mia monto'ori a laro mpandeno mo'ungke akala.”

Winali 16:11

Imemawongkomo i aro-Do i Ue, Ue Alamiu, omiu saru anamiu tama ka beine, atamiu tama ka beine, to Lewi anu i kotamiu, saru mbo'u mia hawe, nana'ote anu nahina amano ka tuwu beine anu i tonga-tongamiu. Imemawongkomo a mpo'ianga anu Ira binikio i Ue, Ue Alamiu, kai po'ia nee-Do i ra'ai.

YAKOBU 1:27

Pesomba anu mempori ka anu nahina tataano i aro-Do Ue Ala, Amato, onaemo lumako te pohaweako ira elu-elu ka tuwu beine a laro masusado, ka dumagaio koroino ka si kokoburutio wawontolino.