Po'unde-unde 146:8 - Wunta Mempori

⁸ Ondae i Ue umungkahio matano mia anu morawu, Ondae i Ue mokomorosoo mia anu tetuundu telusa, Ondae i Ue mehohawao mia mentee.

Po'unde-unde 146:8 ပူးပေါင်းရင်းမြစ်များ

Po'unde-unde 11:7

Hangano Ondae i Ue atuu moleo ka Dopehohawao moleoa; mia anu bobotoli aroano ta kumitao rupa-Do.

Po'unde-unde 145:14

Ondae i Ue atuu tumbodo mia anu tedonta ka mokorosoo luwuno mia anu tetuundu telusa.

Po'unde-unde 147:6

Ondae i Ue wali mokorosoo mia anu tepokonsii, sine mia mosa'o gauno pinotii hawe a wita.

Yesaya 35:5

I tempo atuu matano mia morawu ta pinokotompa, ka birino mia mobongo ta moronge.

Yesaya 42:16

Aku tumaate ira mia memorawu a nsala anu nahi domento'orio, a pesalaa anu nahi domento'orio. Aku wawa ira mpelempa. Aku weweuo wongi-wongi i arodo gagi mewine ka wita anu mpebanga-bangano gagi wita anu merete. Mongkonamo anu kanatuu Aku weweuo ndi ondae, anu asalakono Aku weweuo.

Yesaya 42:18

Rongeomo, hei mia memobongo pengkitamo ka kitaomo, hei mia memorawu!

I MATIU 11:5

mia morawu mongkita, mia luuka melempa, mia haki ngkuli mesaki gagi tompa, mia mobongo moronge, mia mate winangu ka a mia memongkokolaro pinalele lele mawongkoa.

I MATIU 9:30

Ka tewileomo matado. Ka Do'oliwi ira ntu'u i Yesu, Dopotae, ”Itangkoroo ka si hina maupo te'asa mia tumo'orio mongkona andio.”

I YOHANE 16:27

nde Dopehohawa komiu i Ama, hangano impehohawa Akumo ka mpe'ala-alao nine Ongkue hawe inso ndi Ondae Ue Ala.

WINEWEUDO TINENA 26:18

ka uwileo matado, ka dompepokule inso a wongi-wongiano a mewineano ka inso a mpabawano i Mosa'o ndi Ondae Ue Ala, ka dompohawe te'oninino halado hangano pompe'ala-alado ndi Ongkue ka mpohawe tia a laro hapa anu domempinakosiako mia anu mempori.

2 KORINTI 7:6

Sine Ondae Ue Ala, anu montarero mia anu me'urumako, Dotarero kamimo haweno i Titu.

EPESU 1:18

Ka Dopokomewineo matano aroamiu, ka impokonto'orio pomperorohia anu kana'umpeke a laro mpepoboi-Do: kaeaako ntu'u marambaa tia anu Dopakosiako ira mia mempori,

Winali 33:3

Mentee ntu'u Dopehohawa ira bawaa-Do, luwuno mia-Do anu mempori, a laro ngkae-Do i Ue. A ngkaru-Miumo dompentoro, morako aasa inso a mpau-Miu.

1 PETURU 2:9

Sine omiumo tongku anu tebiniki, imama anu moleo, tongku anu mempori, bawaa-Do Ue Ala, ka imempaleleo luwuno wineweu anu langkai inso ndi Ondae, anu moboi komiumo mpeluarako inso a wongi-wongia a mewine-Do anu kinohali-haliako: