Po'unde-unde 145:1 - Wunta Mempori

¹ Po'unde-unde inso ndi Daudi. Aku melangkai Komiu, oo Ue Alaku, oo Mokole, ka aku umunde-undeo mpiha nee-Miu ranta nahina tampulaano.

Po'unde-unde 145:1 ပူးပေါင်းရင်းမြစ်များ

1 Tawarika 29:13

Kanandio-andio, oo Ue Alamami, mpontarimakasi kami ndi Omiu ka me'unde-undeo nee-Miu anu langkai.

Po'unde-unde 100:1

Penani po'unde-unde pesomba pontarimakasi. Imengkokora-koramo tia-Do i Ue, hei asa wawontolino!

Po'unde-unde 118:28

Omiu Ue Alaku, aku montarimakasi ndi Omiu, Ue Alaku, aku melangkai Komiu.

Po'unde-unde 145:21

Ngangaku ta mompau po'unde-unde ndi Ondae i Ue ka po'ineeomo luwuno anu tuwu umunde-undeo nee-Do anu mempori ranta nahina tampulaano.

Po'unde-unde 146:2

Akumo melangkai Ira i Ue asa ntinuwuku, ka menani umunde-unde Ira Ue Alaku tempono da kongko aku.

Po'unde-unde 149:2

Po'ineeomo to Isaraeli domemawongkoakono anu mokogagi ira, po'ineeomo nana'oteno Sioni domengkokora-koraakono mokoledo!

Po'unde-unde 30:1

Penani po'unde-unde. Penani tiano poronsoa Raha Mempori. Inso ndi Daudi.

Po'unde-unde 30:12

Ponsabangiku Ibaliomo gagi po'ense-ense mawongko, sangka po'inomboku Ilohuo, sangka mawongkoa Iponaakune,

Po'unde-unde 30:2

Aku umunde-unde Komiu, oo Ue, hangano Ipadii akumo i wawono, ka nahi weeako ira iwaliku mpo'undeakune.

Po'unde-unde 34:1

Inso ndi Daudi, i tempono onae mo'onde-onde nahi molino pinewowolono i arono i Abimele, onaemo ka isinaari, ka i'amba lumako.

Po'unde-unde 44:4

Hangano komba saru ponai dompetorokio wita, ka komba tokiado mompowee ponangia, tendeano kae ngkoana-Miu ka tokia-Miu saru wantano rupa-Miu, hangano Ipemoiko ira.

Po'unde-unde 45:1

Tiano petewawado anu mpenani. Montonda nanino Sisi Bonse. Inso a nsuku Kora. Penani pompaguru; penani pompehohawa.

Po'unde-unde 45:6

Luwuno ana mpanamu montaso, lumompahio huleno iwalino mokole; luwuno tongku ntedonta a ntoto ngkarumu.

Po'unde-unde 5:2

Irongeomo pinauku, oo Ue, Iperioomo pompemasusaku.

Po'unde-unde 5:3

Irongeomo peraaliku mepetulungi, oo Mokoleku ka Ue Alaku, hangano ndi Omiumo kupekakai.

Po'unde-unde 52:9

”Ndiomo mia anu nahi pokogagi Ira Ue Ala pepekaduduiano, butu mehonda a ngkaeano anu hadio ntu'u, ka mepekadudui a ponsolangino!”

Po'unde-unde 68:4

Sine mia mentee memawongko, ondae mengkokora-kora mpo'unde i aro-Do Ue Ala, mpo'unde ka memawongko.

Po'unde-unde 75:9

Hangano asa piala kongko a ngkae-Do i Ue, me'ihi anggoro mewure, buke rampa sinalo; anggoro atuu Dotawaako ira luwuno mia mosa'o gaudo i tolino ka dome'inuo ka me'osoo hawe saru upeno.

Po'unde-unde 95:3

Hangano Ondae i Ue onaemo Ue Ala anu langkai, Mokole anu langkai i wawono luwuno pinesombai.

Po'unde-unde 96:2

Penanimo tia-Do i Ue, unde-undeomo nee-Do, paleleomo tekaduduia inso ndi Ondae sompo-sompo oleo.

Yesaya 33:22

Hangano, Ondaemo i Ue puu mpobitarato, Ondaemo i Ue tadulako sorodaduto; Ondaemo i Ue mokoleto, Ira kumadudui kita.

Yesaya 38:20

Ondae i Ue memoikoo kumadudui aku! Aiwamo to mpo'unio katapi, asa ntinuwuto a Raha-Do i Ue.

Danieli 4:37

Gagi kanandio-andio ongkue, i Nebukanesa, mo'unde-unde, ka melangkai Ira Mokole i suruga, hangano luwuno wineweu-Do mentee ka luwuno sala-Do moleo, ka Ondae polio tumotoako ira anu mpompelangka-langkai.

Maleaki 1:14

Tetotonaaomo anu mompopo'oo, anu hinao asa kondehora lakino i olodo bawaano pinotuwuno, ka ipontangaakonomo, sine ipesombaakono kondehora anu hinao tataano ndi Ondae i Ue. Hangano Ongkue andio Mokole anu langkai, pau-Do Ueno luwuakoano, ka nee-Ku dinoitoako i olodo luwuno tongku.

I MATIU 25:34

Ka Mokole atuu ta motae ndi ondae anu i koana-Do: Ime'aiwa, hei omiu anu rinonso-Do Ama-Ku, imentarimaomo Poparentaa anu Kupatindaakomiumo mompu'u ipinokogagi wawontolino.

MENGKAAA 19:16

Ka a lemba meloe-Do ka pa'a-Do teburi aasa nee, onaemo, ”Mokoledo luwuno mokole ka Ue i wawono luwuno ue.”