Po'unde-unde 14:4 - Wunta Mempori

⁴ Nahi dompokonto'orioke luwuno mia anu mpoweweu mosa'o? Mengkaano pingko bawaa-Ku, mokomowohio koroido ondaedo, ka nahi pebooli ndi Ondae i Ue.

Po'unde-unde 14:4 ပူးပေါင်းရင်းမြစ်များ

Ayubi 21:15

Isemake Anu Tedoa Pabawa atuu ranta omami asalakono mpesomba ndi Ondae, ka hapa tuduno ndi omami, tewala kami mpo'ema ndi Ondae?

Ayubi 27:10

Polioke onae mesana-sanaa hangano Anu Tedoa Pabawa ka mebooli ndi Ondae Ue Ala sompo tempo?

Po'unde-unde 27:2

Tempono anu mpoweweu mosa'o mensapoi aku ira mengkaano bauku, luwuno anu umewai aku ka iwaliku atuu, manasa ntetidu ka ntedonta.

Po'unde-unde 79:6

I'uwuomo tekuda-Miu a wawo luwuno tongku anu nahi to'ori Komiu, a wawo luwuno poparentaa anu nahi pebooliakono nee-Miu;

Po'unde-unde 82:5

Nahi domento'orio ka nahi domponto'ori hapa-hapa, a laro wongi-wongi dompelempa; leluomo luwuno laro wita.

Powadi 30:14

Hinao inule anu ngisino ponai, anu tinduno piso, ka ipingko ikaano mia tepokonsii inso i tolino, ka mia mongkokolaro inso i olono mia.

Yesaya 27:11

Tewala mokariomo sampa-sampano, asalakono ta pinudu; ira me'aiwa beine ka mempakeo gagi keu ponahu. Hangano, onaemo andio asa tongku anu nahi molino pinewowolodo, onaemo pu'uno, onae nahi Dopehohawao anu mokogagio ka nahi Dopehohawao anu weweuo.

Yesaya 29:14

menteeano, Aku weweu ira mbo'u mongkona anu kinohali-haliako a tongku andio, kinohali-haliako anu mompokotededengke; ponto'orido mia anu mponto'ori ta tetadi, ka pandedo mia anu mempande ta tampula.”

Yesaya 45:20

”Mpepumpumo ka aiwamo, ime'aiwamo meronga-ronga, hei luwumiu anu mentola i olodo tongku! Nahina ponto'orido mia anu mpowawa tinaha inso a ngkeu kanantuu koa mbo'u ondae anu mpekakai a mpinesombai anu nahi polio mongkadudui.

Yesaya 5:13

Onaemo pu'uno, bawaa-Ku asalakono melako a pontadia, hangano nahi domponto'ori hapa-hapa; luwuno mia anu maramba ira memokoninggo, ka mia hadio ira memarasai mokoranga.

Yesaya 64:6

Kanatuumo luwumami kana asa mia mokoburu ka luwuno pesombamami ntu'u kana sawu hawe wula. Luwumami gagi moleu kana lewe ka tampula hangano mosa'ono wineweumami kana lewe ipaneeo angi.

Yesaya 64:7

Nahina anu moboio nee-Miu ke anu me'usaha metako ndi Omiu; hangano Omiu wunio rupa-Miu ndi omami, ka meweengako kami alaro pokungkuno salamami.

Yeremia 10:25

Ipotiiomo tekuda-Miu a luwuno tongku anu nahi to'ori Komiu, a luwuno pe'etu anu nahi dompebooliako nee-Miu, hangano domengkaanomo i Yako, mengkaano ka mepingkoo; po'iangano domeweweuo gagi terawo-rawo.

Hosea 7:7

Luwudo kana mokulano awu pompotuwua api, ka kumaa ira puu mpobitarado. Luwuno mokoledo memate iramo; nahina maupo te'asa mia inso ndi ondae mebooli ndi Ongkue.

Amosi 8:4

Rongeomo andio, omiu anu mpompokonsii mia mongkokolaro, anu mpopepate mia marasai i wita andio.

ROMA 1:28

Ka hangano nami domebehe mpesomba ndi Ondae Ue Ala, onaemo ka Dopeweengako ira Ue Ala a mpinewowolo anu tetotonaa, ranta ka dompoweweu hapa anu nahi tekona:

GALATIA 5:15

Sine tewala memambe kiki komiu ka memambe tele, petangkoromo, ka si memambe pepate.