Po'unde-unde 14:3 - Wunta Mempori

³ Luwudo mepansia iramo, luwuno mpoweweu iramo anu mosa'o; nahina anu moweweu moiko, maupo te'asa mia nahina.

Po'unde-unde 14:3 ပူးပေါင်းရင်းမြစ်များ

Tegagia 6:12

Dokitao Ue Ala tolino atuu, ka mengkaa tedoa ntu'u mosa'o, hangano luwuno mia mpoweweu anu mosa'o i tolino.

Ayubi 14:4

Isemake polio mompokohina anu mempori inso anu mokoburu? Nahina maupo te'asa mia!

Ayubi 15:16

tamoako mbo'u mia anu mokoburu ka mosa'o gauno, anu montele molengkua kana uwoi.

Po'unde-unde 119:176

Tesaa aku kana bimba anu tetadi, I'ungkeomo tetenaa-Miu andio, hangano luwuno parenta-Miu nahi kukolupeo.

Po'unde-unde 14:1

Tiano petewawado anu mpenani. Inso ndi Daudi. Mia monge-monge motae i laro aroano, ”Nahina Ue Ala.” Mosa'o ka mokoburu poweweudo, nahina moweweu moiko.

Po'unde-unde 143:2

Si pekara-karaakono tetenaa-Miu, hangano i olodo anu mentuwu, nahina maupo te'asa mia mentee i aro-Miu.

Po'unde-unde 38:5

hangano uluku i'aluomo salaku; hangano kana tinembi anu tedoa kupemobeao.

Po'unde-unde 58:3

Tendeano mpoweweu komiu mosa'o i laro aroamiu, kaemiu mompatinda sala mpoweweu pompokonsiia i tolino.

Peluarakoa 12:30

Ka i'amba mewangu i Pirao wongi atuu saru luwuno pegawaino ka luwudo to Masiri. Ka terongeomo ponsabangia i wita Masiri, hangano luwuno raha hinao mia mate.

Peluarakoa 8:31

Ondae i Ue mokogagio kana pekakaino i Musa, onaemo lale uso atuudo mpeliahako inso ndi Pirao, inso a luwuno pegawaino ka inso a mpalilino; maupo te'asa nahina toreano.

Puu Pontutulu 7:20

Menteeano, i tolino nahina mia moleo anu moweweu moiko, nahi hori moweweu hala!

Puu Pontutulu 7:29

Kitaomo, butu onae ndio hinaweku: Dopokogagiomo Ue Ala mia anu moleo, sine mpo'ungke ira hadio pepokomenteedo.

Yesaya 53:6

Ontae luwu ntesaa kana bimba, ontae singge mpo'ala salato ontaeto, sine Dopotiiomo i Ue ndi onae mosa'ono wineweuto luwu.

Yesaya 64:6

Kanatuumo luwumami kana asa mia mokoburu ka luwuno pesombamami ntu'u kana sawu hawe wula. Luwumami gagi moleu kana lewe ka tampula hangano mosa'ono wineweumami kana lewe ipaneeo angi.

Yeremia 2:13

Hangano bawaa-Ku mpoweweu orua rupa wineweu mosa'o: domebinta Aku, insoano uwoi tuwua, ka mpokeke ponaapado uwoi, ponaapa anu telompa, anu nahi pokomponaa uwoi.

Yehesikieli 36:25

Aku umuwuo i wawomiu uwoi molino ranta ka imegagi morina. Aku mokomorina komiu inso a luwuno mokoburua ka lahumoamiu.

ROMA 3:23

Hangano luwuno mia mpoweweu iramo hala ka nami hina maramba-Do Ue Ala ndi ondae,

1 KORINTI 6:5

Ka kupauo mongkona andio ka imemokoko'ii. Nahinake te'asa mia i olomiu anu monto'ori, anu polio bitarao kara-karado mpepaekompono?

2 KORINTI 7:1

Pepaekompo anu pinehohawaku, hangano ontae kanandio-andio mehaweo luwuno dandi atuu, aiwamo tompokomemporio koroito inso a luwuno anu kumokoburutio koroi ntolino ka rohani, ka ba kanandio mokobobotolio memporiato doitoako Ira Ue Ala.

EPESU 2:3

Menteeano i ndi'upua luwumami tewinso koa mbo'u i olodo, tempono kimentuwu a po'eheno aroa ka mentondao po'eheno koroi ka pinewowolomami anu mosa'o. Menteeano omami onaemo mia anu asalakono mentinekudaako, mengkena kana ondae anu mehano.

Winali 1:35

”Nahina maupo te'asa mia inso a luwuno mia andio, asa ntuwua anu lambaha andio ta kumitao wita moiko, anu Kudandiakono sumpa ira mewineeako uempu'umiu.