Po'unde-unde 14:2 - Wunta Mempori

² Ondae i Ue mensiro inso i suruga a luwuno anano mia Ira kumitao, ke hinao anu molino pinewowolono ka umungke Ira Ue Ala.

Po'unde-unde 14:2 ပူးပေါင်းရင်းမြစ်များ

Tegagia 11:5

Ka i'amba Ondae i Ue metii kumitao kota ka menara anu winangudo anano mia atuu.

Tegagia 18:21

Moikoopo Kupetii ka kumitao, ba mentee ntu'u mpelelu iramo kana peraali anu hawe ndi Ongkue; tewala naahi, Aku koa tumo'orio.”

Tegagia 6:12

Dokitao Ue Ala tolino atuu, ka mengkaa tedoa ntu'u mosa'o, hangano luwuno mia mpoweweu anu mosa'o i tolino.

2 Tawarika 19:3

Sine da hinawe luwuakoano anu moiko ndi omiu, hangano omiu umoninio luwuno karuno lahumoa inso i wita andio ka mo'asao aroamiu umungke Ira Ue Ala.”

2 Tawarika 30:19

anu inso ntu'u i aroano umungke Ira Ue Ala, onaemo Ondae i Ue, Ue Alado uempu'uno, maupo nahi domentondao atora morina a po'iangaa mempori.”

Ayubi 15:14

Isemake mia ranta ka imempori, anu pine'anaako inso a beine ranta ka imentee?

Po'unde-unde 107:43

Isema anu hinao ponto'orino anu mentee? Po'ineeomo ka ipe'ini a luwuno atuu, ka mekokoongakono luwuno pompehohawa-Do i Ue.

Po'unde-unde 11:4

Ondae i Ue kongko Ira i laro raha-Do anu mempori; Ondae i Ue, kadera poparentaa-Do i suruga; mata-Do mompekokoongako, pengkitano mata-Do paresa ira anano mia.

Po'unde-unde 69:32

hangano mongkona atuu Dopemoikoopo i Ue sekonopo sapi lakino, sekonopo ana nsapi lakino anu metandu ka mekuku tebansi.

Po'unde-unde 82:5

Nahi domento'orio ka nahi domponto'ori hapa-hapa, a laro wongi-wongi dompelempa; leluomo luwuno laro wita.

Po'unde-unde 92:6

Langkai ntu'u luwuno inangga-Miu, oo Ue, ka tedoa ondalo luwuno sinongka-Miu.

Powadi 2:9

Hangano kanandio omue ko mokonto'orio mongkona menteea, moleoa, ka nahina pegaupi, onaemo luwuno pesalaa anu moiko.

Powadi 8:5

Hei mia anu napi hina pinembasaino, ungkeomo pande, hei mia monge-monge, to'oriomo i laro aroamu.

Powadi 9:16

”Isema napi hina pinembasaino, tetoromo ramai”; ka a mia anu nahi molino pinewowolono, ipotae,

Powadi 9:4

”Isema anu napi hina pinembasaino, tetoromo ramai”; ka anu nahi molino pinewowolono, ipotae,

Yesaya 27:11

Tewala mokariomo sampa-sampano, asalakono ta pinudu; ira me'aiwa beine ka mempakeo gagi keu ponahu. Hangano, onaemo andio asa tongku anu nahi molino pinewowolodo, onaemo pu'uno, onae nahi Dopehohawao anu mokogagio ka nahi Dopehohawao anu weweuo.

Yesaya 55:6

Ungke Iramo i Ue tempono da inehe-Do totepohaweako Ira; peboolimo ndi Ondae tempono da umpeda Ira!

Yesaya 63:15

Ipensiroiomo inso i suruga ka Ikitaomo inso a mpo'ianga-Miu anu mempori ka maramba! Isuake mahakino aroa-Miu ka moroso-Miu, pebundeno aroa-Miu ka pompehohawa-Miu? Kime'emao siimo Ipo'iaakono!

Yesaya 64:1

Ande-andeno Iberio langi ka Ipetii, ranta luwuno torukuno lelu i aro-Miu,

Yesaya 8:19

Ka tewala mia mpotae ndi omue, ”Po'emamo pontiso a onitu ka luwuno penaa anu mompau nahi manasa ta gagi anu metanga-tanga ka momuti-muti,” ka sangkiomo, ”Kombake asa tongku tekona mo'ema pontiso a mpinesombaino? Nde asalakonoke ira mpo'ema pontiso a mia mate tiano mia tuwu

Yeremia 4:22

”Mentee ntu'u, bawaa-Ku atuu mebenge-benge, nahi domento'ori Aku! Ondae onaemo nana'ote monge-monge, nahina tino'orido! Ondae pande mpoweweu mosa'o, sine nahi domponto'ori mpoweweu moiko.”

Yeremia 5:1

Tanggoliliomo luwu sala i Yerusale, kitaomo temoiko ka pekokoongakono! Paresaomo a luwuno tanalapano, hinaoke hinawemiu te'asa mia, hinaoke anu moweweu moleo, ka anu mo'ungke menteea, asalakono Aku umampunio kota atuu.

Ponsabangi 3:50

ranta ka Dokitao i Ue inso i wawono ka mensiro inso i suruga.

Danieli 12:10

Hadio mia ta pinokomempori, pinokomolino ka inara-arahako. Sine, mia mosa'o gaudo ira mpogau mosa'o. Nahina maupo te'asa mia inso a mia mosa'o gaudo atuu ta mokonto'orio, sine luwuno mia anu pande mosongka ta mento'orio.

I MATIU 13:15

Hangano aroano tongku andio momaluomo, ka birido nahi poronge lahi, ka matado metako tepusu; ka si domengkitaakono matado ka merongeakono birido ka mpokonto'oriakono aroado, ka do'amba mpepokule ranta ka Kupokotompa ira.

ROMA 3:11

Nahina maupo te'asa mia anu molino pinewowolono, nahina maupo te'asa mia anu umungke Ira Ue Ala.

IBARANI 11:6

Sine ba nahina pompe'ala-alano mia nahi Ira memoikoo Ue Ala. Hangano ba isema rumangkuhi Ira Ue Ala, asalakono ipe'ala-alao nine kongko Ira Ue Ala, ka nine Ondae Ue Ala moweeakono tambo mia anu umungke Ira ntu'u.