Po'unde-unde 137:1 - Wunta Mempori

¹ I wiwino luwuno korono i Babeli, i ra'aimo tompentoro saru mpengese, tewala tomerambeo Sioni.

Po'unde-unde 137:1 ပူးပေါင်းရင်းမြစ်များ

Esera 8:21

Ka i'amba i ra'ai, i wiwi ngkorono Ahawa atuu, kupopoto'orio puasa ka kimpe'urumako i aro-Do Ue Ala mami ka mo'ema ndi Ondae ka Dokongkomi kami a pelempaa saru sombori mami ka luwuno arataa mami.

Esera 8:31

Ka ki'amba mpelungka inso i Koro Ahawa, tanggala hopulu ka orua wula ko'asa, melako i Yerusale, ka kae-Do Ue Ala mami kumongkomi kami, ka moko'olaiakami iwali ka puu porontu a nsala.

Nehemia 2:3

Kusangki ira mokole, ”Tuwu komiumo mokole ranta nahina tampulaano! Kana'umpe rupaku nahi ta mompemasusa, tewala kota, pekaburuado uempu'uku, gagiomo terawo-rawo ka luwuno pewowa langkai pingko ikaano api?”

Po'unde-unde 42:4

Uwoi mataku gagi kaangaku meene ka wongi, hangano i larono asa oleo mia mpotae ndi ongkue, ”Isua Ira Ue Alamu?”

Yesaya 66:10

Memawongkomo saru Yerusale, ka imengkokora-koramo memawongko hangano onae, hei luwuno mia anu kumekewoio! Mawongkomo saru onae temawongko ntu'u, hei luwuno mia anu mpo'inombo hangano onae!

Yeremia 13:4

”Alaomo peboo ntonga anu inolimu ka pokonaomo a ntongamu atuu! Pontuturakomo lako a ngkoro Eparata ka uwunio i olo-olono pongku watu i ra'ai!”

Yeremia 15:17

Nahi kupentoro saru mia mpompemaroa a laro ntepotowoado mia anu mpepau mpemae-mae. Podansono kae-Miu weweu aku mentoro asa-asaku, hangano Ibuketiakunemo bamburu-Miu.

Yeremia 51:13

Hei omue anu mo'ia umpeda uwoi anu hadio ntu'u, anu hadio ntu'u a laro ngkaea, tompaano tumuwumu haweomo, tidano tumuwumu haweomo!

Yeremia 8:19

Irongeomo peboolido mpepetulungi ana beinedo tongkuku inso a luwuno po'ianga anu olai i wita andio, ”Nahi Dokongkoke i Ue i Sioni? Nahina mokolenoke i ra'ai?” Tembio tekuda-Ku ka dompokotesingkaakono luwuno tinaha-Do, saru luwuno lahumoado mia mehawe anu nahina pengkonaano?

Ponsabangi 1:16

Onaemo ka kupengese, mataku mompowaa uwoi; hangano olai pontarero inso ndi ongkue anu mompokomadoo sumangaku; ntededengke iramo anaku, hangano iwaliku tedoa moroso.”

Ponsabangi 2:18

Aroado mpebooli ndi Ondae i Ue. Hei, rere watuno ana beine Sioni, po'itiomo uwoi mata kana korono meene ka wongi; si po'ineeo koroimu menaa-naa, siimo irodo matamu!

Ponsabangi 3:48

Mataku mompo'iti waaano uwoi, hangano terawoano ana beineno tongkuku.

Ponsabangi 3:51

Mataku mokomopoeo sumangaku hangano luwuno ana beineno kotaku.

Yehesikieli 1:1

A nta'u kotolu pulu, a wula ko'opaa tanggala olima wula atuu, tempono kuperongaako ira mia mentinadi kongko i wiwi Ngkoro Kebari, te'ungkahiomo langi ka kukita ira pongkita mongkona Ondae Ue Ala.

Yehesikieli 1:3

haweomo pau-Do i Ue ndi sando mpesomba Yehesikieli, anano i Busi, i witado to Kasidimi i wiwi Ngkoro Kebari, ka i ra'aimo pabawa-Do i Ue lumimbuo.

Yehesikieli 3:15

Aiwa aku a mia mentinadi anu mpo'ia a wiwi Ngkoro Kebari i Teli-Abibi. I ra'ai kupentoro tekokodoho i tonga-tongado opitu oleo tehineno.

Danieli 9:3

Ka ku'amba mo'aroo rupaku ndi Ondae Ue Ala mekakai ka mo'ema, saru mepuasa ka mompokona sawu po'inombo saru awu.

I LUKASI 19:41

Ka tempono umpeda Iramo i Yesu ka Dokitao kota atuu, Dopengeseio,

MENGKAAA 11:3

Ka Aku moweeako ira anggaa a orua sakosii-Ku, ka dopompau anu ta gagi kontongaado mo'inombo, asa nsowu ka rua etu ka nomo pulu oleo tehineno.