Po'unde-unde 134:1 - Wunta Mempori

¹ Penani mekoho. Aiwa, unde-unde Iramo i Ue, hei luwuno tetenaa-Do i Ue, anu mpopekakaako a Raha-Do i Ue i tempono wongi.

Po'unde-unde 134:1 ပူးပေါင်းရင်းမြစ်များ

1 Tawarika 9:23

Ondae ka luwuno anado medagaio luwuno pewowa langkai a raha-Do i Ue, Raha Kema atuu.

1 Tawarika 9:27

Ondae mpewongi a mpetengi-tengino raha-Do Ue Ala atuu, hangano to'oriado medagaio ka me'ungkahio pewowano sompo mo'oru.

1 Tawarika 9:33

Ndiomo luwuno puu mpenani, luwuno petewawado to Lewi mpepe'etu anu mpo'ia a luwuno bolongko ka nahi dompinokonaako anggaa susua, hangano meene ka wongi me'aropio anggaado.

2 Tawarika 29:11

Luwuno anaku kanandio-andio si memangulele, hangano dobiniki komiumo i Ue mentade i aro-Do mekakaako Ira, ka impoweweu pesombaa ka montunu pesomba tia-Do.”

2 Tawarika 35:5

Pentademo a kintalano po'ianga mempori montonda pebawaado sombori pepaekompomu anu komba to Lewi, sompo sombori atuu tepo'asa saru asa bawaa somborido to Lewi.

Nehemia 12:9

kontongaano i Bakibukia ka Uni saru luwuno pepaekompodo mpentade i arodo atuu montonda luwuno petiaa anggaa.

Po'unde-unde 103:21

Unde-unde Iramo i Ue, hei luwuno sorodadu-Do, hei luwuno puu pompekakaako-Do anu weweuo po'ehe-Do.

Po'unde-unde 113:1

Haleluya! Unde-unde Iramo, hei luwuno tetenaa-Do i Ue, unde-undeomo nee-Do!

Po'unde-unde 120:1

Penani mekoho. A laro pompema'isoku kupebooli ndi Ondae i Ue ka Dosangki aku.

Po'unde-unde 121:1

Penani mekoho. Mengkita aku ngkoraane a luwuno torukuno; inso isuake ta hawe anu tumulungi aku?

Po'unde-unde 122:1

Penani pekohono i Daudi. Mawongko aku, tempono kupinauako, ”Aiwa ka tomelako a Raha-Do i Ue.”

Po'unde-unde 123:1

Penani mekoho. Ndi Omiu kupentombu mengkita, oo Omiu anu mo'ia i suruga.

Po'unde-unde 124:1

Penani pekohono i Daudi. Tewala komba Ondae i Ue anu me'alaako ndi ontae, – po'ineeomo to Isaraeli mpotae kanandio –

Po'unde-unde 125:1

Penani mekoho. Mia anu mompe'ala-ala ndi Ondae i Ue onaemo kana Torukuno Sioni: nahi telelu ka nahi bali ranta nahina tampulaano.

Po'unde-unde 126:1

Penani mekoho. Tempono Dopomuleo i Ue teweweuno Sioni, teweweuto kana mia anu mo'ipi.

Po'unde-unde 127:1

Penani pekohono i Salomo. Tewala komba Ondae i Ue anu wanguo raha, nahina tuduno dompe'isei anu mpowangu; tewala komba Ondae i Ue anu kumongkomio kota, nahina tuduno dompedagai anu medaga.

Po'unde-unde 128:1

Penani mekoho. Me'uraomo sompo mia anu doitoako Ira i Ue, anu tuwu tumondao luwuno pesalaa-Do!

Po'unde-unde 129:1

Penani mekoho. Sompoomo dompokoma'iso aku mompu'u tempo kumongura – po'ineeomo to Isaraeli dompotae kanandio –

Po'unde-unde 130:1

Penani mekoho. Inso a wingke anu ondalo kupebooli ndi Omiu, oo Ue!

Po'unde-unde 130:6

Sumangaku momperorohi ndi Ondae i Ue laluaopo sekono puu mpodagai momperorohi mo'oru, sekonopo puu mpodagai momperorohi mo'oru.

Po'unde-unde 131:1

Penani pekohono i Daudi. Ue, nahi kupompelangka-langkai, ka nahi kupompe'uru-uru; nahi ku'ungke ira hapa anu langkai lahi ke hapa anu nahi kupolio.

Po'unde-unde 132:1

Penani mekoho. Irambeomo, oo Ue, i Daudi ka luwuno pe'iseino,

Po'unde-unde 133:1

Penani pekohono i Daudi. Mentee ntu'u, tedoa moiko ka tekosi, tewala luwuno pepaekompo mpe'asa mpo'ia mpesintuwu!

Po'unde-unde 84:5

Me'ura iramo mia anu mpo'ia a raha-Miu, anu polio umunde-unde Komiu mpiha. Sela

Imama 8:35

I larono opitu oleo asalakono impo'ia i arono pewowa Kema Tepotowoa meene ka wongi. Asalakono impetenunu meweweuo anu lano anggaamiu ndi Ondae i Ue kasi memate, hangano kanandiomo parenta-Do ndi ongkue.”

I LUKASI 2:37

ka kanandio-andio onae tuwu beine ka tinuwuno halupulu ka opaa nta'u. Nahi hori bintao Raha-Do Ue Ala meene ka wongi mesomba saru mepuasa ka mekakai.

Winali 10:8

I tempo atuu Ondae i Ue mesusua ira suku Lewi anu mewawao burua pedandia-Do i Ue, ka dompo'angga mekakaako Ira i Ue ka domporonso a nee-Do, hawe kanandio-andio.

MENGKAAA 19:5

Ka terongeomo aasa suara inso a ngkadera poparentaa atuu, ”Unde-unde Iramo Ue Alato, hei omiu luwuno tetenaa-Do, omiu anu medoitoako Ira, moiko kodei maupo langkai!”

MENGKAAA 7:15

Onaemo pu'uno ka dompentade i arono kadera poparentaa-Do Ue Ala mekakaako Ira meene ka wongi a Raha Mempori-Do. Ka Ondae anu mentoro a wawo ngkadera poparentaa atuu Ira wileo kema-Do i wawodo.