Po'unde-unde 133:3 - Wunta Mempori

³ Kana tontoruno Torukuno Heremoni anu metii a wawo luwuno torukuno Sioni. Hangano i ra'aimo Doparentao i Ue ronso, tuwua anu nahina tampulaano.

Po'unde-unde 133:3 ပူးပေါင်းရင်းမြစ်များ

Po'unde-unde 16:11

Omiu pauakune sala ntuwua; i aro-Miu hinao mawongkoa anu hadio ntu'u, a ngkae koana-Miu hinao mpiha momoikoa.

Po'unde-unde 21:4

Hangano Omiu tumotowoakono ronso anu hadio ntu'u; Omiu monaa ramba-ramba ulu inso a wulaa mpena a wawo uluno.

Po'unde-unde 21:5

I'emao tuwu inso ndi Omiu ka Omiu uminduakono, tuwu melai mpiha ka nahina tampulaano.

Po'unde-unde 42:8

Luwuno wingke pada mpepobo-poboli a laro u'uruno uwoi mento-Miu; luwuno mowo langkai ka bomba-Miu mpekalu-kalulu umalu aku.

Powadi 19:12

Tekudano mokole kana pengaolino singa mongura, sine moikono kana tontoru a wawo ewo.

Imama 25:21

Aku parentao poronso-Ku ndi omiu a nta'u ko'onoo, kai wita atuu mompowee hasilino tiano otolu nta'u.

Mika 5:7

Toreano inuleno i Yako ta hina i olodo hadio tongku, i tonga-tongano hadio tongku kana singa i olodo kondehora a ntobu, kana singa mongura i olodo bawaano bembe bimba; isuamo koa ilako, onae momperangkami ka moberi-beri; nahina anu motolao.

I YOHANE 4:14

sine ba isema mo'inu uwoi anu Aku weeakono, onae nahi ta mokoranga ranta nahina tampulaano. Posuleno uwoi anu Aku weeakono, ta gagi mata uwoi a ngkoroino, anu waa mpiha hawe a ntuwu nahina tampulaano.”

I YOHANE 5:24

Kupauakomiu: Menteeano ba isema rumongeo pinau-Ku ka ipe'ala-ala Ira anu tumena Aku, onae mohawe tuwua anu nahina tampulaano ka nahi ta hinuku, hangano melimbaomo inso a laro matea a laro ntuwua.

I YOHANE 5:29

ka ondae anu mpoweweu iramo moiko ira mpeluarako ka ira mpewangu a ntuwua anu nahina tampulaano, sine ondae anu mpoweweu mosa'o ira mpewangu mehinuku.

I YOHANE 6:68

Isangki Ira i Simo Peturu, ”Ue, ndi semake kami melako? Pau-Miu onaemo pau tuwua anu nahina tampulaano;

ROMA 5:21

ka ipengkena kana pabawano hala a laro matea, kanatuu pompehohawa ta pabawa hangano menteea a ntuwua anu nahina tampulaano, hangano Ondae i Yesu Kerisituu, Ueto.

ROMA 6:23

Hangano tambono hala onaemo matea; sine pompehohawa-Do Ue Ala onaemo tuwua anu nahina tampulaano ndi Ondae i Kerisituu Yesu, Ueto.

Winali 28:8

Ondae i Ue Ira parentao poronso-Do i wawomiu ia nsi'emiu ka i luwuno inangano kaemiu. Ira rumonso komiu i wita anu Doweeakomiu i Ue, Ue Alamiu.

Winali 4:48

Wita pinebawai atuu mompu'u inso i Aro'eri, i wiwi Ngkoro Mo'are Aranoni, hawe a Ntorukuno Sirioni, onaemo atuu Torukuno Heremoni,

Yosua 13:11

ka i'amba Gileadi ka witado to Gesuri ka to Maaka, ka luwuno torukuno Heremoni ka luwuno wita Basani hawe i Salaka.

1 YOHANE 2:25

Ka ndiomo dandi anu Dodandiomo Ondae-Do ndi ontae, onaemo tuwua anu nahina tampulaano.

1 YOHANE 5:11

Ka ndiomo ponsakosii atuu: Ondae Ue Ala moweeakitamo tuwua anu nahina tampulaano ka tuwua atuu kongko ndi Ondae Ana-Do.

MENGKAAA 1:18

ka Anu Tuwu. Mate Akumo, sine kitaomo, Tuwu Aku, ranta nahina tampulaano ka Ongkue uminio luwuno kunsino matea ka poparentaano matea.