Po'unde-unde 131:2 - Wunta Mempori

² Menteeano, kupokorodoomo ka nahi danggara mbo'u sumangaku kana nana'ote anu pinotoe i horino ineno, oo, kana nana'ote anu pinotoe kanatuumo sumangaku a laro ngkoroiki.

Po'unde-unde 131:2 ပူးပေါင်းရင်းမြစ်များ

Po'unde-unde 42:11

Kana petobono matea a laro wukuku iwaliku tumata aku, saru mpotae ndi ongkue i larono asa oleo, ”I sua Ira Ue Alamu?”

Po'unde-unde 42:5

Ndiomo anu aku mewowoloo, kontongaano sumangaku tedoa mompemasusa; kana'umpe kupelempa a laro baresino hadio mia, wawa ira a raha-Do Ue Ala saru suara mengkokora-kora mawongko ka penani po'unde-unde, a laro maroado mia anu mpoweweu porame-ramea.

Po'unde-unde 43:5

Tembio ka upompemapari, hei sumangaku, ka tembio ka udanggara a laro ngkoroiku? Pomperorohimo ndi Ondae Ue Ala! Hangano aku umunde-unde Ira mbo'u, anu tumulungi aku ka Ue Alaku!

Po'unde-unde 62:1

Tiano petewawado anu mpenani. Montonda Yedutuni. Penani po'unde-undeno i Daudi.

Yesaya 30:15

Hangano kanandiomo pau-Do Ue Ala, Ondae Anu Tedoa Mempori, Ue Alado to Isaraeli, ”Saru mpepokule ndi Ongkue ka mpo'ia mpenoro-noro komiu mengkinadudui, i larono impo'ia mpomperodo ka mpompe'ala-ala rosomiu mo'ia.” Sine nahi mebehe,

Ponsabangi 3:26

Moikoomo mesikori saru menoro-noro pontulungi-Do i Ue.

I MARAKUSU 10:15

Kupauakomiu: Menteeano ba isema nahi tarimao Poparentaa-Do Ue Ala kana aasa nana'ote kodei, onae nahi ta mewinso i larono.”

I LUKASI 21:19

Tewala pompetea komiu mpiha, komiu mehaweo tuwumiu.”

1 KORINTI 14:20

Pepaekompo luwu-luwu, si mpompewowolo mengkena kana nana'ote. A mosa'oa imegagimo nana-ote, sine pinewowolomiu kana mia sompoomo tinuwuno!

1 Samueli 24:10

Motae i Daudi ndi Saulu, ”Tembio ka iperorongeakono paudo mia mpotae, ’I Daudi montoo ta sumolangi komiu?’

1 Samueli 30:6

Tedungkuomo i Daudi hangano dompotae palili ira mewunoakono watu. Luwuno palilino masusa aroado, hangano anano tama ka beine. Sine i Daudi mohawe roso inso ndi Ondae i Ue, Ue Alano.