Po'unde-unde 125:5 - Wunta Mempori

⁵ sine mia anu pansia a nsala anu melengku-lengkuako, po'ineeomo Dosaari ira i Ue meronga luwuno mia anu mpoweweu mosa'o. Rodoa a nto Isaraeli!

Po'unde-unde 125:5 ပူးပေါင်းရင်းမြစ်များ

2 Samueli 22:22

hangano kutondao mpiha sala-Do i Ue ka nahi ku'olai inso ndi Ondae Ue Alaku kana mia mosa'o gauno.

Ayubi 23:11

Karuku tumondao mpiha hanga ngkaru-Do, aku tumondao pesalaa-Do ka nahi kupansia.

Po'unde-unde 101:3

Mataku nahi behe mongkita pompokonsiia; poweweu anu pansia ku'o'aliaakono, komba ku'ineheakono.

Po'unde-unde 128:6

ka kumita ira nana'ote inso a luwuno anamu! Rodoa a nto Isaraeli!

Po'unde-unde 40:4

Donaao penani wo'ohu a laro ngangaku unde-unde-Do Ue Alato. Hadio mia ta kumitao ka gagi doito, ka do'amba mpe'ala-ala Ira i Ue.

Po'unde-unde 92:10

Hangano, menteeano iwali-Miu, oo Ue, hangano, menteeano iwali-Miu ira memate, luwuno mia anu mpoweweu mosa'o ira mensiniarawo.

Po'unde-unde 92:7

Mia benge-benge nahi ta mokonto'orio, ka mia monge-monge nahi ta mokonto'orio mongkona atuu.

Po'unde-unde 92:8

Maupo mosa'o gauno mentumba kana ewo, ka mia anu moweweu mosa'o ntetiangi, ira merinopu ranta nahina tampulaano.

Po'unde-unde 94:4

Ondae mpoluarako luwuno pau anu mosa'o, luwuno mia anu mpoweweu mosa'o mpompelangka-langkai.

Powadi 14:14

Mia anu aroano humapu Ira i Ue tendeako pesalaano, ka mia anu moiko saru hapa anu hina ndi onae.

Powadi 2:15

anu molengku pesalaano ka pansia peleluno;

Powadi 21:16

Mia anu pansia inso a nsala pinewowolo molino ta mo'ia a mpo'ianga pepumpuado onituno mia mate.

Yesaya 54:10

Hangano maupo dompelimba torukuno ka luwuno pongku mpelelu, sine pompehohawa-Ku nahi ta melimba inso ndi omue ka pedandia sintuwu-Ku nahi ta melelu, pau-Do i Ue, anu mehohawako.

Yesaya 54:13

Luwuno anamu ira megagi ana guru-Do i Ue, ka langkaiomo manangaido anamu.

Yesaya 59:8

Sala sintuwu nahi domento'orio, ka nahina moleoa a hanga ngkarudo. Domentondao luwuno sala anu molengku, ka sompo mia anu mesala i tu'ai nahi ta hori monto'ori sintuwu.

Yeremia 2:19

Pelelumu anu mosa'o ta humukuko, ka ipehapuakono pompe'ala-alano ta bongoko! To'oriomo ka kitaomo, tedoa mosa'o ka mopa'ino tempono ubinta Ira i Ue, Ue Alamu; ka nahi udoito ndi Ongkue, kanandiomo pau-Do i Ue Alano luwuakoano.

Yehesikieli 37:26

Aku moweweu pedandia manangai saru ondae, ka atuu ta gagi pedandia anu mo'ia mpiha saru ondae. Aku rumonso ira ka weweu ira mehadio ka meweengakono po'ianga mempori-Ku i tonga-tongado ranta nahina tampulaano.

Hosea 2:18

Aku mokogagiko beine-Ku ranta nahina tampulaano ka Aku kumombiako a laro menteea ka moleoa, a laro mpetenunu ka pompehohawa.

Sepanya 1:6

saru ondae anu mpebungkui Ira i Ue, anu nahi ungke Ira i Ue ke mo'ema pontiso-Do.”

I MATIU 7:23

I tempomo atuu Aku pauako ira a menteeano ka mepau: Nahi Kuhori tumo'ori komiu! Impolaimo inso ndi Ongkue, luwumiu anu mpoweweu mosa'o!”

I LUKASI 11:25

Onaemo ka ilako ka ihaweo raha atuu morina rinoahi ka te'atora moiko.

I YOHANE 14:27

Rodoa Kubintaakomiu. Rodoa-Ku Kuweeakomiu, ka hapa anu Kuweeakomiu komba kana anu iweeakomiu wawontolino. Si sala-laro ka mondende aroamiu.

GALATIA 6:16

Ka luwuno mia, anu meweengakono koroino itaateo pontiso andio, po'ineeomo rodoa ka pompehohawa ka ipetii ndi ondae ka a nto Isaraeli bawaa-Do Ue Ala.

PILIPI 2:15

ka si hina tataamiu, gagi ana-Do Ue Ala anu nahina tataano i tonga-tongado mia anu memolengku aroado ka anu ntepopo'oo andio, ranta ka imemewanta i olodo kana luwuno anano wula i wawontolino,

IBARANI 10:38

Sine mia-Ku anu mentee ta tuwu hangano pompe'ala-ala, ka tewala onae monsuka, ka ndi onae nahi Aku memoikoo.”

1 PETURU 1:2

onaemo mia anu mebininiki, menunu saru songka-Do Ue Ala, Amato, ka anu pinokomempori-Do Penaa, ka dompomperorongeako ndi Ondae i Yesu Kerisituu ka mentarimao tinawisiako rea-Do. Po'ineeomo pe'aroa ka rodoa ka ikohadi-hadiono ndi omiu.