Po'unde-unde 125:1 - Wunta Mempori

¹ Penani mekoho. Mia anu mompe'ala-ala ndi Ondae i Ue onaemo kana Torukuno Sioni: nahi telelu ka nahi bali ranta nahina tampulaano.

Po'unde-unde 125:1 ပူးပေါင်းရင်းမြစ်များ

1 Tawarika 5:20

Ondae mpohawe pepokowali umewai ira mia atuudo, ranta to Hagiri atuu ka luwuno mia anu tumondao mpeweengakono koroido a ngkaedo, hangano mpebooli iramo ndi Ondae Ue Ala a laro mpeteaa atuu. Do'induo po'emado, hangano mpope'ala-ala ira ndi Ondae.

2 Tawarika 20:20

Tisomono mo'o-mo'oru melako ira te'aro i pada one Tekoa. Mansano ira mpelungka, mentadeomo i Yosapa, ka ipotae, ”Rongeo, oo Yehuda ka palilino Yerusale! Impe'ala-ala Iramo i Ue, Ue Alamiu, ka komiu memoroso mpiha! Impe'ala-ala iramo nabi-Do, ka komiu mpehasili!”

Po'unde-unde 120:1

Penani mekoho. A laro pompema'isoku kupebooli ndi Ondae i Ue ka Dosangki aku.

Po'unde-unde 121:1

Penani mekoho. Mengkita aku ngkoraane a luwuno torukuno; inso isuake ta hawe anu tumulungi aku?

Po'unde-unde 122:1

Penani pekohono i Daudi. Mawongko aku, tempono kupinauako, ”Aiwa ka tomelako a Raha-Do i Ue.”

Po'unde-unde 123:1

Penani mekoho. Ndi Omiu kupentombu mengkita, oo Omiu anu mo'ia i suruga.

Po'unde-unde 124:1

Penani pekohono i Daudi. Tewala komba Ondae i Ue anu me'alaako ndi ontae, – po'ineeomo to Isaraeli mpotae kanandio –

Po'unde-unde 147:11

Ondae i Ue memoikoo mia anu doitoako Ira, a mia anu momperorohi a pompehohawa-Do.

Po'unde-unde 20:8

Mia andio mompelangka-langkaiako kareta ka mia atuu mompelangka-langkaiako ngara, sine ontae mompelangka-langkai a nee-Do i Ue, Ue Alato.

Po'unde-unde 25:2

Ue Alaku, kupe'ala-ala Komiu; po'ineeomo ka si kupinokoko'ii; iwaliku ka si domengkokora-kora mpo'unde menggari-nggari aku.

Po'unde-unde 25:8

Ondae i Ue atuu moiko ka mentee; onaemo pu'uno, Ondae montisoakono pesalaano mia anu tesaa.

Po'unde-unde 27:1

Inso ndi Daudi. Ondaemo i Ue wantaku ka tekaduduiaku, ndi semake asalakono aku doito? Ondaemo i Ue benteno tuwuku, ndi semake asalakono aku mondende?

Po'unde-unde 34:22

Urasa'oa ta mepateo mia mosa'o gauno, ka isema anu umo'aliaakono mia mentee ta tumembio pohuku.

Po'unde-unde 46:5

Hinao asa korono, luwuno waaano mokonsanaao kota-Do Ue Ala, po'ianga mempori-Do Anu Tedoa Mempori.

Po'unde-unde 46:6

Ondae Ue Ala kongko Ira i larono, kota atuu nahi ta reensu; Ondae Ue Ala Ira tumulungio umpeda meene.

Po'unde-unde 62:2

Butu koa umpeda ndi Ondae Ue Ala kurodo, insomo ndi Ondae tekaduduiku.

Po'unde-unde 62:3

Butu koa Ondae torukuno watuku ka tekaduduiaku, kota benteku, nahi aku hori telelu.

Po'unde-unde 62:6

Penoro-noro i aro-Do koa Ue Ala, hei sumangaku, hangano insomo ndi Ondae pomperorohiaku!

Po'unde-unde 62:7

Butu koa Ondae torukuno watuku ka tekaduduiaku, kota benteku, nahi aku telelu.

Powadi 10:25

Tewala angi mokora me'alu, tampulaomo mia mosa'o gauno, sine mia mentee hinao pe'empehino anu nahina tampulaano.

Yesaya 12:6

Peboolimo ka temaroamo impebooli, hei palilino Sioni, hangano maramba Iramo Anu Tedoa Mempori, Ue Alado to Isaraeli, i tonga-tongamiu!”

Yesaya 14:32

Sangki hapake anu ira mewineeako a mia mentinenado tongku atuu? ”Doponaakonomo i Ue empehino Sioni, ka i ra'aimo mia memarasai inso a bawaa-Ku dompohawe pekaduduia.”

Yesaya 26:3

Anu moroso aroano Omiu dumagaiakono rodoa, sintuwu manangai, hangano ndi Omiumo ipompe'ala-ala.

Yesaya 26:4

Pe'ala-ala Iramo mpiha i Ue, hangano Ondae Ue Ala onaemo torukuno watu anu nahina tampulaano.

Yesaya 51:11

Luwuno mia anu pinotola-Do i Ue ira mpekule ka mpewinso i Sioni mengkokora-kora mawongko, po'unde nahina tampulaano ta gagi peramba-ramba uludo; mawongkoa ka po'unde ta buketi ira, masusaa ka pompemasusa me'olaiako.

Yesaya 51:16

Aku numaao pau-Ku a laro ngangamu ka dumagaiko a laro mpo'engoino kae-Ku, Ongkue anu wileo langi ka numaao empehino tolino, ka mepau ndi Sioni: Omuemo bawaa-Ku!

Yesaya 51:8

Hangano ondae ta kumaa ira ule-ule kana sangka ka ule-ule ta kumaa ira kana sangka wulu bimba; sine moleoa-Ku ta kongko mpiha ranta nahina tampulaano ka tekaduduia inso ndi Ongkue ta motilalo mpiha ranta a luwuno inule.

Yesaya 52:1

Pekaangakomo, Pekaangakomo! Pokonaomo rosomu, hei Sioni! Pokonaomo sangka pinelangkaimu, hei Yerusale, kota anu mempori! Hangano, mia anu nahi petindi ke anu mokoburu nahi ta mewinso mbo'u i laromu.

Obaja 1:21

Luwuno anu mpongkadudui ira mpewuatako a wawo Torukuno Sioni ira mebitarao mentorukuno Esau; ka poparentaa atuu ta gagi tia-Do i Ue.

Mika 4:2

”aiwa, tompewuatako a ntorukuno-Do i Ue, a raha-Do Ue Alano i Yako, ka Dopaguruakita luwuno sala-Do, ka tompelempa a nsala-Do; hangano inso i Sioni ta hawe pompaguru ka pau-Do i Ue inso i Yerusale.”

Sakaria 1:14

Ka i'amba mala'eka anu mepau saru ongkue atuu motae ndi ongkue: Peboolimo kanandio: Kanandiomo pau-Do Ueno luwuakoano: ’Aroa-Ku tedoa mawongkoakono Yerusale ka Sioni.

Sakaria 1:17

Umarino atuu pebooliakonomo kanandio: Kanandiomo pau-Do Ueno luwuakoano: Luwuno kota-Ku ta hadioako mbo'u anu moiko. Ondae i Ue Ira tumareroo Sioni ka wali binikio Yerusale.”

1 PETURU 1:21

Hangano Ondae ka impe'ala-ala Ira Ue Ala, anu wangu Iramo inso i olodo mia mate ka anu mokomaramba Iramo, ranta pompe'ala-ala ka pomperorohimiu te'aro ndi Ondae Ue Ala.

MENGKAAA 14:1

Ka kukitao: menteeano, i Ana Bimba mentade Ira i pongku Sioni ka meronga saru Ondae asa etu ka pato pulu ka opaa nsowu mia ka a ra'ido teburi nee-Do ka nee-Do Ama-Do.